यर्मिया 38:28 - लिम्बु28 हे़क्क्याङ् यरुसले़ःम्मिन् निङ्मिहाॽरे़ खुन्छिॽ हुक्को थ्ये़बा ये़न् थारिक् यर्मियान् इक्के़गोबाहाॽरे़ खुन्छिॽ लक्खुम्मो पुङ्लाधाबा पोःक्खे़आङ् यागे़रो॥ Gade chapit la |
यर्मिया 38:28
12 Referans Kwoze
खे़ल्ले़चोगुल्ले़ सिदकियाह हाङ्ङिल्ले़ यर्मियान् लुम्बात् याक्फाङ्ङो नुःक्मादे़मा मे़बाङ्घुसिन्॥ परुमाल्ले़ खुने़ॽ माङ्हिम्मोबा इक्के़गोबाहाॽरे़ खुन्छिॽ लक्खुम्मो साक्मा युङ्मा इङ्जाङ् पिरुसि॥ यर्मियान् खे़प्मोए युङ्माआङ् ये़क्यक्को के़रे़क् खरे़ःङ्हाॽ मे़म्माःत्ते थारिक् खुने़ॽ थिक्याःन्धक् खारक् ले़ःङ्मनाबा खरे़ःङ् मे़बिरुर फाॽआङ्ङाङ् हाङ्ङिल्ले़ इङ्जाङ् पिरुसि॥ कम्भलॽरिक् हाङ्हिम् लक्खुम्मोबा पुङ्लाहिम्मो यर्मियान् मे़साक्तु मे़युक्खुरो॥
हाङ्ङिल्ले़ कुसुहाङ्युक्पाहाॽ मे़द्ये़आङ् यर्मियान् पान् सेःन्मे़दोसुबा नु हाङ्ङिल्ले़ खुने़ॽ थेआङ् उःत्तु के़लॽबा ये़म्मिन् यरिक् तगि होःप्ते़ के़लॽबा पान् निःन्धो वाॽ॥ कर यर्मियाःल्ले़ हाङ्ङिल्ले़ कुसुजा पाःन्हाॽ खे़प्सु, हे़क्क्याङ् खे़ङ्हाॽरे़ से़क्खाबा पाःन्निन् निङ्वाॽ मे़ङ्घोए मे़बे॥ हाङ्ङिन् नु यर्मियान् ताॽजे़क्खे़सिबा आत्तिन्हाॽरे़आङ् मे़ङ्घे़प्सुन्॥
Piblisite