यर्मिया 38:23 - लिम्बु23 “खे़ने़ॽ के़रे़क् के़मेःत्हाॽ नु के़स्साहाॽ बेबिलोनबा मनाहाॽरो मे़देॽरुसिॽ, हे़क्क्याङ् खे़ने़ॽ खे़त्छिङ्मा के़न्छुक्ने़न्॥ बेबिलोनबा हाङ्ङिल्ले़ खे़ने़ॽ के़दे़म्ॽ, खे़ब्याङ् कन् ये़क्यक्किन् खाप्पुथ्यःङ् मुरे़क् खारे़क् चोगुॽ॥” Gade chapit la |
यर्मिया 38:23
18 Referans Kwoze
“‘हे़क्क्याङ् कुभा माङ्निङ्वाॽपान् के़बाःप्पान् इङ्घङ् पिमारे़ लागि इङ्ले़क्को थ्ये़आङ् वाॽने़भग्र, कङ्ग आङ्गाॽ यहवे दाङ्बे़ल्ले़ खे़न् माङ्निङ्वाॽपान् के़बाःप्पे़न् इङ्ले़क्को थासुङ्ङाङ् वाॽबाल्ले़ चोगुल्ले़ हे़क्के पोःक्खे़बारो॥ अक्तङ्बा माङ्निङ्वाॽपान् के़बाःप्पान् आङ्गाॽ आहुक्किल्ले़ साःप्सुङ्ॽ, हे़क्क्याङ् इस्राइलबा सङ्जुम्भोलाम् खे़न् मे़क्खुङ्ॽ॥
खे़ङ्हाॽरे़ खुन्छिॽ हिम्धाःङ्हाॽ वेॽहाॽरे़ मे़देॽरुरो हे़क्क्याङ् खुन्छिॽ इक्ताप्हाॽ नु मेःत्हाॽआङ् वेॽहाॽरे़ मे़देॽरु मे़बिरुसिरो॥ आङ्गाॽ मुक्साम्साबा आहुक्किन् सन्छुङ्लो हे़क्केःल्ले़ कन् के़रे़क् पाःन्हाॽ लाजेॽओ के़युङ्बा मनाहाॽओ के़त्लो॥ आङ्गाॽ यहवे दाङ्बे़ल्ले़ कन् पाःन्निन् पाःत्तुङ्लो॥
कर बेबिलोनबा थक्सुबाहाॽरे़ खे़ङ्हाॽ मे़नाःत्तु मे़देॽरुसि हे़क्क्याङ् यरिहोबा ने़ने़बादे़न्नो सिदकियाहःन् मे़सिॽरुआङ् मे़दे़म्सु॥ खे़ङ्हाॽरे़ खुने़ॽ मे़दे़म्सुआङ् हमात लाजेॽबा रिब्ला मे़प्मनाबा ये़क्यक्को नबुकदनेसर हाङ्ङिल्ले़ओ मे़देॽरु॥ हे़क्क्याङ् खे़प्मो खे़ल्ले़ सिदकियाहःन् खुम्दिङ् पिमा खासे़न् चोगु॥
“हे़क्केसाङ् कन् इस्राइलबा हाङ् हिम्सयङ्ङोबा मनाःल्ले़ आत्तातान्ने यरिक् थक्सुबाहाॽ नु यरिक् अन्हाॽरे़ लागि पेलि फाक्से़ मिस्रओ हाङ्लाइङ्बाहाॽ पाङ्घुसिआङ् बेबिलोनरे़ कुदक्ले़ङ्वाओ पिफ्युङ् चोगु॥ थे इस्राइलरे़ खुने़ॽ माङ्हे़क् चोगुबा पाःन्दङ्हाॽ हे़क्केलॽरिक् फेःन्दुआङ् कन्लाम् खुने़ॽ माःङ्घा पोङ्मा सुक्पि?
Piblisite