यर्मिया 38:22 - लिम्बु22 खे़ने़ॽ के़हाङ्हिम्मो पक्मे़ध्ये़बा के़रे़क् मे़न्छुमाहाॽ बेबिलोनबा थक्सुबा सुहाङ्युक्पाहाॽरो मे़देॽरुसि॥ खे़ब्याङ् खे़न् मे़न्छुमाहाॽरे़ के़म्गेॽर अक्खे मे़बाःत्तुरो, “‘खे़ने़ॽग नुबा चुम्देङ्हाॽ के़गत्तुसिरो! खे़ङ्हाॽरे़ खे़ने़ॽ इङ् के़म्ले़क्ते़आङ् लाम्गे़म्भोःत्ते़रो॥ आल्ल खे़ने़ॽ के़लाङ्हाॽ खाम्ले़क्वाओ हुमे़ल्ले़ खे़ङ्हाॽरे़ खे़ने़ॽ के़दॽयान् फे़म्मो लाप्के़म्भुसे़रो!’ Gade chapit la |
यर्मिया 38:22
22 Referans Kwoze
से़न्दिक् नाम्दाःत्तात् खे़न् उःक्काङ् उःक् हाःप्लो, खे़ल्ले़ कुने़दे़ङ्बो मिक्वा चक् चक् थाआङ् पत्लो॥ खे़ल्ले़ लुङ्माॽ हिःप्तुसिबाहाॽओलाम्, खे़न् आःन्छिङ्मा के़बिबा हाःत्ताङ् होप्लो॥ खे़ल्ले़ के़रे़क् कुन्जुम्हाॽरे़ खुने़ॽ इङ्ले़क्को मे़धासुआङ् ने़रो, हे़क्क्याङ् खे़ङ्हाॽ खे़ल्ले़ कुनिङ्मि मे़बोःक्खे़आङ् मे़वाॽरो॥
खे़न् मना सुम्हाॽओ हाङ् कम्ब्राङ् के़मे़प्पा थक्मोबा नबुजरदाने़ल्ले़ सापानरे़ कुम्मे़न्छाॽ, अहिकामरे़ कुस्सा गदल्याहओ ले़रुधसिबा ये़म्बित्छाहाॽ, मे़न्छुमाहाॽ हे़क्क्याङ् हिन्जाॽबित्छाॽहाॽ नु हाङ्ङिल्ले़ कुस्सा मे़न्छुमाहाॽ मे़वये़॥ माङ्निङ्वाॽपान् के़बाःप्पा यर्मियान् नु नेरियाहरे़ कुस्सा बारुक्के़न्नाङ् वये़त्छि॥
के़रे़क्ले़ मुरा मुसिक् मुसिक् लॽरिक् मे़बाःत्तुबान् खे़प्सुङ्लो, “के़रे़क् पिसाङ् किमा यङ्मारक् वाॽरो, कल्ले़ कुदक्ले़ङ्वाओ आनिॽ सुहाङ्युक्पाहाॽओ लुङ्हाःन्पान् युक्खुम्लो!” आङ्गाॽ कुस्साङ् मे़ल्लःम्मनाबा पोङ्ङाबान् आनिःत्ताङ्बा आन्जुम्हाॽरे़आङ् मे़हाङ्घुर मे़वाॽरो॥ खे़ङ्हाॽरे़ मे़बाःत्तुॽ, “से़क्खाःल्ले़ खे़न् फे़न्पाःन्नो थाबिलारो, हे़क्केःल्ले़ खे़ल्ले़ ताप्फे़ःम्बा कुबाःन्निन् आघोसुम्माङ् खे़न् कुले़क्वा नुःक्मा आसुक्तुम्बिलारो॥”
खे़ङ्हाॽरे़ खुन्छिॽ हिम्धाःङ्हाॽ वेॽहाॽरे़ मे़देॽरुरो हे़क्क्याङ् खुन्छिॽ इक्ताप्हाॽ नु मेःत्हाॽआङ् वेॽहाॽरे़ मे़देॽरु मे़बिरुसिरो॥ आङ्गाॽ मुक्साम्साबा आहुक्किन् सन्छुङ्लो हे़क्केःल्ले़ कन् के़रे़क् पाःन्हाॽ लाजेॽओ के़युङ्बा मनाहाॽओ के़त्लो॥ आङ्गाॽ यहवे दाङ्बे़ल्ले़ कन् पाःन्निन् पाःत्तुङ्लो॥
“खे़ल्ले़चोगुल्ले़ खुन्छिॽ मेःत्हाॽ वेॽ मनाहाॽ हुक्सुप्तुङ्सिङ्लो हे़क्क्याङ् खे़ङ्हाॽरे़ खुन्छिॽ प्याङ्सिगे़न् इक्ताप्हाॽ याप्मिहाॽ पिरुङ्सिङ्लो॥ थेआङ्भे़ल्ले़ चुक्पा यम्बा मना के़रे़क्ले़ इङ्ले़क्लाम् याङ्साकुन्धे थक्मा तम्सिङ् मे़जोगुरो, माङ्निङ्वाॽपान् के़बाःप्पाआङ्धो निङ्वाॽफुसाम्बा के़रे़क्ले़ मनाहाॽ मे़घुम्सुसिरो॥
यहवे दाङ्बे़ल्ले़ अक्खे पाःत्तुॽ, ‘आङ्गाॽ खे़न् माङ्निङ्वाॽपान् के़बाःप्पाहाॽ पाङ्घुसिबा मेःन्! खे़ङ्हाॽरे़ आङ्गाॽ आमिङ्ङो खिनिॽनु इङ्ले़क्पा पान् मे़बाःत्तुर मे़बत्, खे़ल्ले़चोगुल्ले़ आङ्गाॽ खिनिॽ कन् लाजेःन्लाम् नाःत्निङ्दे़निङ्॥ खिनिॽ के़रे़क् के़स्ये़ॽइ॥ खिनिॽ हे़क्क्याङ् कन् माङ्निङ्वाॽपान् के़बाःप्पाहाॽ के़रे़क् के़मे़गिॽ॥’”
Piblisite