कल्ले़चोगुल्ले़ पयम् हाङ्ङे, आङ्गाॽ पिने़बा सुजा पाःन्नो आदाङ्बा ते़न्दे़ॽ, कुदोःप्मा याःम्बक् चोगे़ॽआङ् लायो चोःक्मा ले़रे़ॽ हे़क्क्याङ् तुक्खे मे़जाःत्तुसिबाहाॽ लुङ्माॽ तुक्ते़से़ॽआङ् के़भे़न् याःम्बक्हाॽ ले़रे़ॽ॥ हे़क्के के़जोगुल्ले़ आदाङ्बारे़ के़नुॽमा के़दामा चक्मे़ल्लॽए पोङ्ल पेःक्लो॥”
यर्मिया 38:20 - लिम्बु20 यर्मियाःल्ले़ मे़त्तु, “यहवे दाङ्बे़ल्ले़ कुइङ्जाङ्ङिन् खे़ने़ॽ इःप्मा नाःप्मा के़सेगुने़भग्र खे़ङ्हाॽरे़ खे़ने़ॽ हुक्के़म्मे़न्छुप्ने़न्॥ खे़ने़ॽ थेआङ् के़ल्लॽने़न्, हे़क्क्याङ् पाःन्हाॽ नुबा पोङ्ल पेक्॥ Gade chapit la |
यर्मिया 38:20
20 Referans Kwoze
खे़ब्याङ् खे़ङ्हाॽ तानाम् आन्देन् मे़बोगे़आङ् तकोबा मुरे़क् खारे़क् थेआङ् के़होप्पा ये़ःङ्घादे़न्नो मे़बे॥ खे़ङ्हाॽ मे़लःन्दे़ मे़बेःल्ले़ ये़म्सिङ्ङाङ् यहोसापातरे़ मे़त्तुसि, “यहुदाबा नु यरुसले़मबा यक्युङ्बासे, आङ्गाॽ आबाःन्निन् खे़प्से़म्मे़ॽ! यहवे दाङ्बा खिनिॽ निङ्वाॽफुमाङ्ङिन् नसान् के़जोगुम्बाओ खिनिॽ थधप् मे़ल्लॽए पत्छे़म्मे़ॽ, हे़क्क्याङ् खुने़ॽ खिनिॽ के़दक्ति के़भत्छिॽ॥ खुने़ॽ कुमाङ्निङ्वाॽपान् के़बाःप्पाहाॽ नसान् चोगे़म्सिम्मे़ॽ, खम्भ्याङ् खिनिॽ कुलिङ्दो के़गे़प्पा के़बोक्खिरो॥”
खे़ल्ले़चोगुल्ले़ आनिगे़ग दाङ्बाल्ले़ कुमिङ्सो इङ्धाङ्ङिन् कुसिङ् निःत्तुम्बे़बाल्ले़ चोगुल्ले़ मनाहाॽ खुने़ॽ ले़प्माङ् मे़नुःङ्ल फाॽआङ् हाङ्हाङ् मे़त्तुम्सिम्बे़ॽरो॥ निङ्वाॽफुमाङ्ङिल्ले़ आनिगे आक्तङ्बा चोगिगे़ॽ के़लॽबान् नुःरिक्काङ् निसुॽरो, हे़क्क्याङ् खिनिॽआङ् खे़न् कुसिङ् के़निःत्तुम् के़लॽबान् निङ्साङ् चोगुम्बे़ॽरो॥
खे़ङ्हाॽरे़ ये़त्तुक्खे मे़दुमुबा फे़न्जेॽ योःम्मादे़न् हे़क्तङ्बा मिस्र लाजेॽलाम्बा आङ्गाॽ खे़ङ्हाॽ लःत्तुङ् थाक्तुङ्सिङ्ङिल्ले़ कन् माङ्हुप्पिन् आङ्गाॽ खे़ङ्हाॽरे़ खुन्छिॽ पाधे़बाहाॽनु खे़न् ये़म्मो चोगुङ्ङाङ् वयाङ्॥ आङ्गाॽ आइङ्जाङ्ङिन् खे़ङ्हाॽ इःत्ते़म्मे़ नाःत्ते़म्मे़ॽ हे़क्क्याङ् खे़न् हे़क्के के़रे़क् याःम्बक्हाॽ चोगे़म्मे़ॽ मे़त्तुङ्सिङ्ङाङ् वयाङ्॥’ आङ्गाॽ खिनिॽ मे़त्निङ्, ‘आङ्गाॽ आइङ्जाङ्ङिन् के़इःत्तुम् के़नाःत्तुम्ने़भग्र खिनिॽ आमना के़बोःक्खिॽ खे़ब्याङ् आङ्गाॽ खिनिॽ निङ्वाॽफुमाङ् पोङ्ङा॥
कर खे़ङ्हाॽरे़ आङ्गाॽ आइङ्जाङ्ङिन् मे़न्इःत्तुन् मे़न्नाःत्तुन् हे़क्क्याङ् खे़म्घे़म्माङ् मे़ल्लाप्तुन्॥ परुमाल्ले़ खे़ङ्हाॽ आभे़ल्ले़साङ् हादिङ् के़धक्पा नु ताक्के़भे़ॽबारक् मे़बोःक्खे़॥ खे़न् माङ्हुप्पिन् के़प्मारे़ लागि आङ्गाॽ खे़ङ्हाॽ इङ्जाङ् पिरुङ्सिङ्ङाङ् वयाङ् कर खे़ङ्हाॽ हे़क्के चोःक्मा मे़न्दे़न्दे़न्॥ खे़ल्ले़चोगुल्ले़ खे़न् माङ्हुप्पो पोधक् के़बोङ्बा के़रे़क् खुम्दिङ्हाॽ आङ्गाॽ खे़न्हाॽरे़ खुन्छिॽ सम्धाङ् थासुङ्॥”
Piblisite