यर्मिया 38:17 - लिम्बु17 खे़ब्याङ् यर्मियाःल्ले़ सिदकियाहःन् मे़त्तु, “मुक्साम्दाङ्बा यहवे दाङ्बा इस्राइलबा निङ्वाॽफुमाङ्ङिल्ले़ अक्के पाःत्तुॽ, ‘खे़ने़ॽ बेबिलोनबा सुहाङ्युक्पाहाॽरे़ खुन्छिॽ हुक्को के़घे़ःम्सिङ्ने़भग्र खे़ने़ॽ नु के़हिम्सयङ्हाॽ के़हिङिॽ, कन् ये़क्यक्किन् मिदिक्काङ् खाप्पुथ्यःङ् मे़बोङ्ने़न्॥ Gade chapit la |
यर्मिया 38:17
19 Referans Kwoze
हे़क्केलॽरिक् मिङ्सो धाःङ्सोःन् आभे़ल्ले़साङ् सदादिङ्ले़ लागि यम्बा पोङ्मारे़ लागि खे़न् योधो मे़ल्लॽए वाॽर, हे़क्क्याङ् मनाहाॽरे़ अक्खे मे़बाःत्तुररो, ‘मुक्साम्दाङ्बा यहवे दाङ्बा इस्राइलबा निङ्वाॽफुमाङ्ङिन् इस्राइलरे़ए कुनिङ्वाॽफुमाङ्लो!’ हे़क्क्याङ् आदाङ्बारे़ के़से़वारोबा दाउदरे़ कुहिम्सयङ्ङिन् आदाङ्बारे़ के़दगि थधप् मे़ल्लॽमनाबा पोङ्ॽ॥
हे़क्क्याङ् मे़दे़म्सु मे़देॽरुसिबालाम् के़नुःङ्बा के़भे़म्बा मनाहाॽरे़ मे़जोगुबा लायोल्ले़ चोगुल्ले़ इस्राइलबा निङ्वाॽफुमाङ्ङिल्ले़ पाःत्तुबा पाःन्जाःक्लाम् के़गिबा मनाहाॽ आङ्गाॽ आगब्रिङ् चुम्मा मे़हेःक्ते़॥ आङ्गाॽ युःन्छिक् सिदुङ्जभा तोःम्मा ये़म् थारिक् मे़रिङ् थक्नु खे़प्मोए युङाङ्॥
कर कुभा मे़न्छाम् सुवाङ् इग्र हाङ्जुम्मिल्ले़ कुघे़ःप्सिङ्ङिन् पङ्मा इग्र कुयुक्को वाॽमा निङ्वाॽ मे़जोगुन्ने़भग्र खे़न् नबुकदनेसरे़ल्ले़ हदॽ मे़मे़क्खुन्ल थारिक् आङ्गाॽ खे़न् मे़न्छाम् सुवाङ्ङो थङ्, साक्वान् हे़क्क्याङ् मिङ्देॽ तारुङ्ङाङ् खुम्दिङ् पिरुङ्ॽ, यहवे दाङ्बे़ल्ले़ पाःत्तुॽ॥
बेबिलोनबाहाॽरे़ खिनिॽ हान्ति के़मे़न्जोगिन् फाॽआङ् गदल्याहरे़ माङ्हे़क्सिङ्ङाङ् खे़ङ्हाॽ मे़त्तुसि॥ खुने़ॽ माङ्हुप् चोगुआङ् मे़त्तुसि, “खे़ङ्हाॽरे़ खुन्छिॽ से़वा याःम्बक् चोःक्मा खिनिॽ मे़गिसे़म्मिन्ने़ॽ॥ कन् लाजेॽओ युङे़म्मे़ॽआङ् बेबिलोनबा हाङ्ङिल्ले़ कुसे़वा याःम्बक् चोगे़म्मे़ॽ हे़क्क्याङ् के़रे़क् पाःन्नो खिनिॽ नुॽमा तामा पोङ्ॽ॥
“हे़क्क्याङ् मुक्साम्दाङ्बा यहवे दाङ्बा इस्राइलबा निङ्वाॽफुमाङ्ङिल्ले़ खिनिॽ के़मे़त्तिॽ—खिनिॽ आप्फेक् थेआङ् के़मे़ङ्ङासिबाबे? थेआङ्भे़ल्ले़ ये़म्बित्छाहाॽ, मे़न्छुमाहाॽ, इग्र यहुदालाम् के़युबा हिन्जाॽबित्छाॽ, किग्र खिनिॽ लाप्फिःप्माहाॽओबा अङे़ःक्वाहाॽ आत्तिन्हाॽआङ् के़न्हिङिन्ॽ॥
Piblisite