यर्मिया 37:21 - लिम्बु21 खे़ल्ले़चोगुल्ले़ सिदकियाह हाङ्ङिल्ले़ यर्मियान् लुम्बात् याक्फाङ्ङो नुःक्मादे़मा मे़बाङ्घुसिन्॥ परुमाल्ले़ खुने़ॽ माङ्हिम्मोबा इक्के़गोबाहाॽरे़ खुन्छिॽ लक्खुम्मो साक्मा युङ्मा इङ्जाङ् पिरुसि॥ यर्मियान् खे़प्मोए युङ्माआङ् ये़क्यक्को के़रे़क् खरे़ःङ्हाॽ मे़म्माःत्ते थारिक् खुने़ॽ थिक्याःन्धक् खारक् ले़ःङ्मनाबा खरे़ःङ् मे़बिरुर फाॽआङ्ङाङ् हाङ्ङिल्ले़ इङ्जाङ् पिरुसि॥ कम्भलॽरिक् हाङ्हिम् लक्खुम्मोबा पुङ्लाहिम्मो यर्मियान् मे़साक्तु मे़युक्खुरो॥ Gade chapit la |
यर्मिया 37:21
35 Referans Kwoze
खे़ब्याङ् कुदोःप्मा ये़म्मो यहवे दाङ्बे़ल्ले़ पाःत्तुबा हे़क्के आम्भङारे़ कुस्सा हनमेले़न् हाङ्हिम्मो के़वाॽबा इक्के़गोबाहाॽरे़ खुन्छिॽ लक्खुम्मो त्ये़आङ् मे़त्ताङ्, “बेन्यामिन्ले़ कुलाजेॽओबा अनातोतओ के़ने़बा आइक्ताप्पिन् इङे़ॽ॥ खे़न् इक्ताप्पिन् थे़ॽमा नु कप्मा खे़ने़ॽए के़हुक्को वाॽ॥” अक्खेलॽरिक् से़क्खाए यहवे दाङ्बान् आङ्गाॽनु पारे़बारे़त्छ फाॽआङ् निङ्वाॽ खोसुङ्॥
खे़ल्ले़चोगुल्ले़ सुहाङ्युक्पाहाॽरे़ यर्मियान् खुने़ॽ युङे़बा याक्फाङ्ङोलाम् मे़देॽरु हे़क्क्याङ् इक्के़गोबाहाॽरे़ खुन्छिॽ लक्खुम्मोबा लत्छा च्वाःत् याङ्घोःप्मा लुम्बात् वाबाक्को थाक्पाःल्ले़ मे़घेःक्खुआङ् मु मे़धासु॥ खे़न् हाङ्हिम्सयङ्बा लत्छा पासिङ्पादाङ् मल्कियाहरे़ कुज्वाःत् याङ्घोःप्मा लुम्बात् ने़स्से़॥ खे़न् च्वाःत् याङ्घोःप्मा लुःम्बाःत् वाबाक्को च्याःत् मे़यागे़न्, कर मु चिम्लिम् चिम्लिङ् के़लॽबा ले़क्वा खाम् यागे़ हे़क्क्याङ् यर्मियान् खे़न् चिम्लिम् चिम्लिङ् के़लॽबा ले़क्वा खाम्मो हुमे़॥
Piblisite