यहवे दाङ्बे़न् खुने़ॽ कुधक्सुबाहाॽरे़ खुन्छिॽ तगि हुःक्लो, खुने़ॽ कुधक्सुबा तुराहाॽ निःत्मे़न्दे़त्ते यरिक् मे़वाॽरो, हे़क्क्याङ् कुइङ्जाङ् के़इःप्पा के़नाःप्पाहाॽ मुक्साम्साबा मे़जोक्लो॥ यहवे दाङ्बे़ल्ले़ कुये़न्निन् पयम् यम्बा चोक्लो, हे़क्क्याङ् चाॽरिक् किप्मा के़घुबा चोक्लो॥ खे़न् हाःत्ले़ थम्मा सुक्तुआङ्बे?
यर्मिया 37:10 - लिम्बु10 खे़निॽ बेबिलोनबा थक्सुबाहाॽ के़रे़क् युम्रे़क् के़मे़क्खुम्सिम् हे़क्क्याङ् थङ्ङो के़गाःम्बाहाॽ साःङ्गाहिम्मो पक्के़धाम्सिम्साङ् खे़न् के़गाःम्बा मनाहाॽ याम्मो होॽदोन् होॽदोन् मे़लॽर मे़बोःक्काङ् कन् ये़क्यक्किन् मिमे़धिक्खुआङ् मुरे़क् खारे़क् मे़जोगुरो॥” Gade chapit la |
यर्मिया 37:10
15 Referans Kwoze
कर खे़ने़ॽग के़ने़मादे़न् इःप्पुङ्ङाङ् होप्लो, खे़ने़ॽ के़जे थक्किन् किबेःक्ल फाॽआङ् लाःक्कात् लाप्मे़भुसुआङ् ने़रो॥ कन् के़जे थक्के़न् थङ्ङो मे़से़रुसिबा थक्सुबाहाॽरे़ खुन्छिॽ चे थक्हाॽरे़ लुप्तुआङ् ने़रो॥ के़रे़क् के़सिबा थक्हाॽ लुङ्ङे लुङ् के़ने़बा याक्पेॽफिःप्मो लाप्मे़भुसुसिआङ् मे़ने़बाल्ले़ चोगुल्ले़ मनाहाॽरे़ चिराक् चिराक् मे़लाःक्तुसिरो॥
मे़दे़म्सु मे़देॽरुसिबाहाॽनु सोसोरिक् सॽसिङ्मा हे़क्क्याङ् मे़से़रुसिबाहाॽरे़ खुनिॽ लुम्मो तोःक्माआङ् चोःम्मानुःल्ले़ वेॽ नुबा थेआङ् होप्लो॥ हे़क्केसाङ् यहवे दाङ्बे़ल्ले़ कुसिक्के़न् मे़जिःक्तुन्लो खे़ब्याङ् खुम्दिङ् पिमासिरे़ लागि खुने़ॽ कुहुक्किन् आल्लसाङ् फोःक्खुआङ्ङे पत्लो॥
हे़क्क्याङ् बेबिलोन्बाहाॽ लुङ्धाक् लाःक्कात् कब्रिङ् मे़ये़प्, खे़ङ्हाॽ मे़लाःत्ताङ् कन् ये़क्यक्किन् खा मि फुल्लुम् मे़याक्तुॽ॥ मनाहाॽरे़ खुन्छिॽ हिम्मोबा आःम्भोॽओ बाल साम्माङ्हाॽओ ससिङ् सुक्पा मे़हाःन्दु हे़क्क्याङ् वेॽ साम्माङ्हाॽओ सेजःङ्वा सिदुङ्जभा मे़दोन्दुआङ् आङ्गाॽ आसिक् मे़भोक्खुआङ् वये़॥ खे़ल्ले़चोगुल्ले़ खे़न् हिम्हाॽआङ् कन् ये़क्यक्किन्नु सोरिक् बेबिलोनबा थक्सुबाहाॽरे़ मिमे़धिक्खुआङ् खाप्पुथ्यःङ् मे़जोगु॥
“दाङ्बे़ल्ले़ के़रे़क् आधक्सुबाहाॽ नाॽरुसिआङ् वाॽरो, आङ्गाॽ थाङ्बे़न् आमनाहाॽ तरःम्दरःम् लःम्मासिरे़ लागि आङ्गाॽ आदक्ले़ङ्वाओ के़धुम्बाहाॽ फुक्खुसिआङ् वाॽरो॥ खुने़ॽ चे़ल्ले़क्सेॽ एःम्मादे़न्नो, चे़ल्ले़क्सेॽ एःप्मनाबा हे़क्के यहवे दाङ्बे़ल्ले़ यहुदाःल्ले़ सिसागे़न् कुस्सा मे़न्छ्यान् युःत्तुआङ् वाॽरो॥
Piblisite