यर्मिया 36:7 - लिम्बु7 खे़ङ्हाॽरे़ यहवे दाङ्बान् पेलि मे़भाक्तुआङ् के़रे़क्ले़ खुन्छिॽ ताप्फे़ःम्बा याःम्बक्हाॽ मे़ले़रुइ हाग॥ थेआङ्भे़ल्ले़ यहवे दाङ्बे़ल्ले़ किप्मा के़घुबा कुसिक् पोःक्मे़न् नु साॽरिक् आगिगिबा कुसाक्के़न्निल्ले़ कन् मनाहाॽ यङ्मा से़रुसिआङ् वाॽ॥” Gade chapit la |
यर्मिया 36:7
36 Referans Kwoze
यहुदाए हे़क्क्याङ् यरुसले़ःम्मोबा मनासे, यहवे दाङ्बे़न्नु के़जोगुम्बा माङ्हुप्ले़ इबु हर्दो हे़क्मान् याम्मो चोगे़म्मे़ॽओ कर कन् इबुन् के़जोगुम्मिल्ले़ सिक्लुङ्मोलाम्बाए चोगे़म्मे़ॽओ॥ मेःन्ने़भग्र खिनिॽ फे़न्याःम्बक्हाॽरे़ चोगुल्ले़ आङ्गाॽ आसिक् पोःक्मे़न् मि हे़क्के हुरुरुना तिःत्लो हे़क्क्याङ् आत्तिल्ले़आङ् खे़न् से़प्मा मे़सुक्तुन्लो॥”
खे़ङ्हाॽरे़ आङ्गाॽ मे़नाॽराङ्ङाङ् वाॽ, हे़क्क्याङ् वेॽ माङ्हाॽओ सुक्पा मे़हाःन्दुआङ् वाॽ, खे़ब्याङ् आप्फेक् हुक्किल्ले़ मे़जोगुसिबा के़रे़क् नावाइत्लाहाॽरे़ आङ्गाॽ आसिक् मे़भोक्खुआङ् वाॽ॥ कल्ले़चोगुल्ले़ कन् ते़न्निल्ले़ कुदक्ले़ङ्वाओ आङ्गाॽ आयाक् ले़ॽरे़आङ् वाॽ, हे़क्क्याङ् आसिक् पोःक्मे़न् मे़जिःक्तुन्ॽ॥’
“आङ्गाॽ आप्फेक् आलागि, आमनाहाॽरे़ खुन्छिॽ लागि नु यहुदाबा के़रे़क् मनाहाॽरे़ खुन्छिॽ लागि कन् खोमनाबा साप्पन्नो थे साप्ते़आङ् पत् फाॽआङ् पेगे़म्मे़ॽआङ् यहवे दाङ्बे़न् सेःन्दोसे़म्मे़ॽ॥ आनिॽ तक्ले़ङ्वाओ यहवे दाङ्बे़ल्ले़ आत्तातान्ने साॽरिक् कुसाक्के़न् पोगे़आङ् वाॽ, थेआङ्भे़ल्ले़ आनिॽ पाधे़बाहाॽरे़ कन् साप्पन्नोबा पाःन्जाःक्हाॽ मे़इःत्तु मे़नाःत्तुबा होप्॥ आनिॽ याःम्बेओ खे़प्मो साप्ते़आङ् के़बप्पा के़रे़क् पाःन्हाॽ कुइसिक् खे़ङ्हाॽरे़ मे़जोगुबा होप्॥”
“खिनिॽ पाधे़बाहाॽ हे़क्तङ्बा खिनिॽ मे़बोःक्खे़म्मिन्ने़ॽ, तगिबा माङ्निङ्वाॽपान् के़बाःप्पाहाॽरे़ खे़ङ्हाॽ अक्खे मे़मे़त्तुसिआङ् वये़—मुक्साम्दाङ्बा यहवे दाङ्बे़ल्ले़ अक्खे पाःत्तुॽ—‘आल्ल खिनिॽ ताप्फे़ःम्बा सुत्ना नु कुॽइभे़म्मा ये़प्ले़क् लाम्बा नुःक्खे़म्मे़ॽ॥’ कर खे़ङ्हाॽरे़ मे़ङ्घे़प्सुन् हे़क्क्याङ् आङ्गाॽ ले़प्माङ् निङ्वाॽए मे़म्बिरुन्,” यहवे दाङ्बे़ल्ले़ उवा चोगुॽ॥
“‘कल्ले़चोगुल्ले़ मुक्साम्दाङ्बा यहवे दाङ्बे़ल्ले़ आल्ल अक्खे पाःत्तुॽ—आसाक्के़न्निल्ले़ खइक् खइक् के़इक्सिङ्बा सुरित् केजङ्हाॽरे़, आसिक् पोःक्मो के़गुङ्बा च्वाःत्तिल्ले़ हे़क्क्याङ् आयाःक्ले़ॽमा फःन्हाॽरे़ आङ्गाॽ खिनिॽ कुभरा खाम्मिल्ले़ के़हिप्तुम्बा लुङ्धाक्किन् लुःन्दुङ्देसुङ्ॽ॥
“मुक्साम्दाङ्बा यहवे दाङ्बा इस्राइलबा निङ्वाॽफुमाङ्ङिल्ले़ अक्खे पाःत्तुॽ, ‘आङ्गाॽ कन् ये़क्यक्किन् नु कुबेसाङ्बा के़रे़क् चुजुक्सा ये़क्यक्हाॽओ आबाङे पाःत्तुङ्बा के़रे़क् खुम्दिङ्हाॽ तारुङ्ॽ थेआङ्भे़ल्ले़ खिनिॽ हादिङ् के़धक्पा के़जोगि हे़क्क्याङ् आबाःन्जाःक्किन् के़ङ्घे़प्सुम्मिन्लो॥’”
“खे़ने़ॽ कन् सुवाङ्बा मनाहाॽ कन् के़रे़क् पाःन्हाॽ के़मे़त्तुसिॽ, हे़क्केःल्ले़ खे़ङ्हाॽरे़ खे़ने़ॽ अक्खेलॽरिक् सेःन्के़म्लाप्, ‘थेआङ् यहवे दाङ्बे़ल्ले़ आनिगे सम्धाङ् अक्तङ्बा के़साक्पा खुम्दिङ् पिमा निःन्धो चोगुबाबे? आनिगे थे फे़न्याःम्बक् चोगुम्बे़आङ् वये़बे? यहवे दाङ्बा आनिगे निङ्वाॽफुमाङ्ङिल्ले़ कुदक्ले़ङ्वाओ आनिगे थे लायो चोगुम्बे़आङ् वयिगे़बे?’
योसियाहरे़ कुस्सा यहोयाकिमे़ल्ले़ हाङ्युक् चोगुबा ये़म् खाराक् नु यहुदाबा हाङ् योसियाहरे़ कुस्सा सिदकियाहःल्ले़ हाङ्युक् चोगुबा थिबोङ्ङाङ् थिक् तङ्बे के़रे़बा ला ङासि थारिक्के यरुसले़ःम्बा मनाहाॽ मे़दे़म्सुसिआङ् लाजेॽ लाःक्कात् मे़न्देॽसिङ्ङे थारिक् यहवे दाङ्बे़ल्ले़ कुइङ्घङ्ङिन् खुने़ॽओ के़रे़र वये़रो॥
“आङ्गाॽ आप्फेक् आलागि हे़क्क्याङ् इस्राइल नु यहुदाओ आल्लसाङ् के़वाॽबा के़याःक्पाहाॽरे़ लागि खे़न् साप्पन्नो साप्ते़आङ् के़बप्पा पाःन्हाॽरे़ कुयाःम्बेओ यहवे दाङ्बे़न् सेःन्दोसे़म्मे़ॽ॥ आनिॽ पाधे़बाहाॽरे़ यहवे दाङ्बे़ल्ले़ कुबाःन्जाक्किन् मे़न्इःत्तुन् मे़न्नाःत्तुम्बा नु कन् साप्पन्नो साप्ते़आङ् के़बप्पा के़रे़क् पाःन्हाॽ इःप्मा नाःप्मा मे़न्दे़न्दे़न्बाल्ले़ चोगुल्ले़ यहवे दाङ्बे़ल्ले़ साॽरिक् कुसिक् पोःक्मान् आनिॽ सम्धाङ् थ्ये़आङ् वाॽ॥”
खे़ल्ले़ याःन्दिक् आङ्गाॽ आसाक्के़न्निन् खे़ङ्हाॽरे़ खुन्छिॽ सम्धाङ् चुक् हे़क्क्याङ् आङ्गाॽ खे़ङ्हाॽ लाप्फेसुङ्सिङ्ॽ, खम्भ्याङ् आङ्गाॽ आनारान् खे़ङ्हाॽलाम् चिक्खुङ्ङाङ् खे़ङ्हाॽ खाप्पुथ्यःङ् मे़मे़क्॥ यरिक् तुक्खे लाक्खेहाॽ नु के़साक्पा पाःन्हाॽ खे़ङ्हाॽरे़ खुन्छिॽ सम्धाङ् इदारो॥ खे़ब्याङ् खे़ल्ले़ याःन्दिक् खे़ङ्हाॽरे़ अक्खे मे़बाःत्तुॽ, ‘आनिॽ निङ्वाॽफुमाङ्ङिन् आनिॽ लुम्मो होप्पाल्ले़ चोगुल्ले़ए आनिॽ सम्धाङ् अक्तङ्बा के़साक्पा तुक्खे लाक्खेहाॽ त्ये़बाग मेःम्बि?’
हे़क्क्याङ् यहवे दाङ्बे़ल्ले़ मोसान् मे़त्तु, “खे़ने़ॽ के़म्बा के़धाःक्थे़बाहाॽ कुइसिक् खे़ने़ॽ सिमा के़जोक्॥ खे़ने़ॽ के़सिआङ् एगाङ् खे़ङ्हाॽ मे़लाःप्पा लाजेॽओ मे़गे़त्ताङ् कन् मनाहाॽरे़ हाराए वेॽ लाजेॽबा माङ्हाॽ ले़प्माङ् मे़लात् हे़क्क्याङ् याम्साम्मो याम्बोःप्मा याःम्बक् मे़जोगुॽ॥ आङ्गाॽ मे़ले़त्ताआङ् खे़ङ्हाॽनु चोगुङ्बा माङ्हुप्पिन् खे़ङ्हाॽरे़ मे़भेःन्दुॽ॥
“खे़ल्ले़चोगुल्ले़ आल्ल, नासिगे़न् थक्ला के़गप्पा मनाए, मे़दे़म्सु मे़देॽरुसिआङ् के़वाॽबा मना ले़ङ्सिङ्ङे़ॽ॥ मे़दे़म्सु मे़देॽरुबा मनाःल्ले़ कुमा सुक्तुबा यारिक् कुभा चिगक्वाहाॽ कक् चोगे़ॽ, हे़क्क्याङ् कुभा वेॽदे़न्नो पेःक्मारे़ लागि के़हिम्मिन् ले़रे़ॽ॥ मनाहाॽरे़ खुन्छिॽ तगिए खे़ने़ॽ कन् चोगे़ॽ हे़क्केलॽरिक् खे़ङ्हाॽरे़ खे़ने़ॽ निमा के़म्सुक्ल॥ थेआङ्भे़ल्ले़ खे़ङ्हाॽ अक्तङ्बा पिफ्युङ्बासिसाङ्, हाग खे़ङ्हाॽरे़ कन् पाःन्निन् निङ्वाॽ मे़बिरुबि॥
खिनिॽ चाङ्ङिन् थे़ःक्खे़म्मे़ॽआङ्ग मेःन्दुक्लो, कर खिनिॽ निङ्वाॽओ लायोलाम् हिन्दे़म्मे़ॽओ हे़क्क्याङ् यहवे दाङ्बा खिनिॽ निङ्वाॽफुमाङ्ङो नुःक्खे़म्मे़ॽओ॥ थेआङ्भे़ल्ले़ खुने़ॽ कुलुङ्माॽ स्याःत् के़लॽबा, साॽरिक् के़नुॽबा, हारा कुसिक् मे़म्बोःक्मनाबा नु लुङ्माॽ आदुक्तुक्पा चोक्लो, खम्भ्याङ् खुने़ॽ तुक्खे लाक्खे तारुल्ले़ कुनिङ्वाॽ तुक्लो॥
Piblisite