हे़क्क्याङ् खे़न् पाःन्हाॽ महसेयाहःल्ले़ कुम्मे़न्छाॽ नेरियाहरे़ कुस्सा बारुके़न् लक्पे़न् पिरुङ्॥ आम्भङारे़ कुस्सा हनमेले़न् नु साप्लाओ युक्छाप् के़युक्पा साखिहाॽ हे़क्क्याङ् इक्के़गोबाहाॽरे़ खुन्छिॽ लक्खुम्मो के़युङ्बा यहुदाबा मनाहाॽरे़ खुन्छिॽ तगि आङ्गाॽ खे़न् साप्लान् लक्पे़न् पिमा याःम्बक्किन् चोगुङ्॥
यर्मिया 36:4 - लिम्बु4 खे़ल्ले़चोगुल्ले़ यर्मियाःल्ले़ नेरियाहरे़ कुस्सा बारुक्के़न् उःत्तु, हे़क्क्याङ् यहवे दाङ्बे़ल्ले़ यर्मियान् मे़त्तुबा के़रे़क् पाःन्हाॽ बारुक्के़ल्ले़ लत्छा साप्लाथःङ्मो साप्तु॥ Gade chapit la |
यर्मिया 36:4
22 Referans Kwoze
खे़ल्ले़चोगुल्ले़ यर्मियाःल्ले़ वेॽ साप्लाथङ्मा थिक् तारु हे़क्क्याङ् नेरियाहःल्ले़ कुस्सा कुसुहाङ्मिबा बारुक्के़न् मे़त्तुर साप्मा पाङ्घु॥ खे़ब्याङ् यहुदाबा हाङ् यहोयाकिमे़ल्ले़ हाःन्दुदेसुबा साप्लाथःङ्मो पत्छे़बा के़रे़क् पाःन्हाॽ बारुक्के़ल्ले़ साप्तु॥ वेॽ यरिक् पाःन्हाॽग कन् ये़म्मोरक् खुने़ॽ योॽरुरो॥
यहुदिःल्ले़ सुम्सि लिसि कुदिःक्लक् निरु सुरुर पत्छे़, हे़क्केःल्ले़ हाङ्ङिल्ले़ चुक्सा फे़जाधिक् याङ्सिङ् हे़क्क्याङ् खे़न् निरुसुरुबा साप्लाथङ्मा लक्किन् हे़गुआङ् मिओ लाप्फुसु केःत्तु॥ के़रे़क् साप्लाथङ्मान् मिओ खाप्पुथ्यःङ् मे़म्बोङ्ङे थारिक् खे़ल्ले़ हे़क्केए चोगुआङ् पत्छे़॥
आङ्गाॽ यर्मियालाम्बा पाःत्तुङ्बा के़रे़क् ये़त्तुक्खेहाॽ, इक्सादिङ् खाम्बेःक्मोबा मे़न्छाम् सुवाङ्हाॽरे़ खुन्छिॽ सम्धाङ् तारुङ्ॽ फाॽआङ् किबु लाम्सुङ्सिङ्ङाङ् वयाङ् इग्र कन् साप्पन्नो साप्ते़बा के़रे़क् ये़त्तुक्खेहाॽ बेबिलोन लाजेॽ सम्धाङ् तारुङ्ङाङ् आङ्गाॽ खे़न् खुम्दिङ् पिरुङ्ॽ॥
कल्ले़चोगुल्ले़ मनाहाॽ चाने़ःत्तो मे़युङ्बा ये़न्नो खे़ने़ॽ माङ्हिम्मो पेगे़ॽ खम्भ्याङ् आङ्गाॽलाम् खे़ने़ॽ के़घे़प्सुबा साप्लाथःङ्मो साप्ते़आङ्ने़बा यहवे दाङ्बे़ल्ले़ कुइङ्घङ्हाॽ यम्बा इक्लाओ निरे़ॽआङ् मनाहाॽ खे़म्बाङ्घे़से़ॽ॥ यहुदाबा ये़क्यक्हाॽलाम् के़दाबा के़रे़क् मनाहाॽरे़ मे़घे़प्सुर निरे़ पिरे़से़ॽ॥
खे़ब्याङ् सुहाङ्युक्पाहाॽ के़रे़क् मे़दङ्सिङ्ङाङ् सपन्याहःल्ले़ कुस्सा, सेलेम्याहःल्ले़ कुम्मे़न्छाॽ, कुसिःल्ले़ कुजक्मे़न्छाॽ, यहुदिःन् कन् इङ्घङ्ङिन् मे़मे़त्तुआङ् बारुक्के़न् इङ्घङ् मे़त्छे़ मे़बाङ्घुमे़देसु, “के़निरुआङ् मनाहाॽ खे़म्मा के़बाङ्घुसिबा साप्लाथःङ्मे़न् फे़त्ते़आङ् फे़रे़ॽ॥” खे़ल्ले़चोगुल्ले़ बारुक्के़न् खे़न् साप्लाथःङ्मे़न् याङ्सिङ्ङाङ् खे़ङ्हाॽरो फे़रे़॥
Piblisite