यर्मिया 36:25 - लिम्‍बु

²⁵ एल्‍नातान, दलायाह नु गमर्याहःल्‍ले़ साप्‍कित्तिन् मे़हाःन्‍दे़न्‍ने़ॽ फाॽआङ् हाङ्‌ङिन् पेलि मे़भाक्‍तुआङ् मे़बत्‍छे़साङ् खुने़ॽ खे़ङ्‌हाॽ खे़म्‍घे़म्‍माङ् मे़लाप्‍तुसिन्॥

यर्मिया 36:25 Referans Kwoze

यर्मिया 36:12

खुने़ॽ यो थासिङ् ये़ हे़क्‍क्‍याङ् हाङ्‌हिम्‍मोबा सुहाङ्‌मिबाल्‍ले़ कुयाक्‍फाङ्‌ङो पे॥ खे़प्‍मो हाङ्‌हिम्‍मोबा सुहाङ्‌मिबा एलिसामा, समायाहरे़ कुस्‍सा दलायाह, अक्‍बोररे़ कुस्‍सा एल्‍नातान, सापानरे़ कुस्‍सा गमर्याह, हनन्‍याहरे़ कुस्‍सा सिदकियाह नु वेॽ के़रे़क् सुहाङ्‌युक्‍पाहाॽ मे़वये़॥

तोलिङ्‌सोमु 37:22

आनिॽ खे़ल्‍ले़ कुमाक्‍खिॽ से़सुम् मेःन्॥ एःक्‍सादे़न्‍नोबा लत्‍छा वबाक्‍कोरक् आक्‍तुम्, कर खुने़ॽ खाःन्‍दुम् मेःन्॥” खे़ङ्‌हाॽरे़ खुन्‍छिॽ हुक्‍कोलाम् से़ःप्‍माआङ् खे़न् कुम्‍बारो तेॽमा फाॽआङ् रुबे़ने़ल्‍ले़ हे़क्‍के मे़त्तुसिआङ् वये़॥

मत्ति 27:4

“इङ्‌गाॽग लायो चोगुङ्‌ङाङ् वाॽआरो, थेआङ्‌भे़ल्‍ले़ आप्‍फाल्‍ले़आङ् फे़न् याःम्‍बक् मे़न्‍जोःक्‍के के़वाॽबा मनान् इङ्‌ले़क्‍तुङ्‌लो॥” हे़क्‍केःल्‍ले़ खे़ङ्‌हाॽरे़ नोगप् मे़बिरु, “आनिगे थेआङ् चोगुम्‍बे़बा होप्‍लो॥ खे़ङ्‌ग खे़ने़ॽ आबाङे के़जोगुबारो॥”

यर्मिया 26:22

कर यहोयाकिम हाङ्‌ङिल्‍ले़ उरियाहःन् नुःक्‍मा फे़प्‍मारे़ लागि अक्‍बोरे़ल्‍ले़ कुस्‍सा एल्‍नाताने़न् नु वेॽ कुभा मनाहाॽ मिस्र लाजेॽ पाङ्‌घुसि॥

खाहुन् 21:29

कुॽइगे़भे़म्‍बा मनान् हाङ्‌हाङ् के़लॽबा कुइसिक् लाङ्‌घेःक्‍लो, कर कुदोःप्‍माआङ् के़वाॽबा मनाःल्‍ले़ कुये़प्‍ले़क्‍हाॽ इःत्तुरो॥

यर्मिया 26:16

खे़ब्‍याङ् लाम्‍लोबाहाॽ नु के़रे़क् मनाहाॽरे़ निङ्‌वाॽफुसाम्‍बाहाॽ हे़क्‍क्‍याङ् माङ्‌निङ्‌वाॽपान् के़बाःप्‍पाहाॽ अक्‍खे मे़मे़त्तुसि, “कन् मनाःल्‍ले़ यहवे दाङ्‌बा आनिॽ निङ्‌वाॽफुमाङ्‌ङिल्‍ले़ कुमिङ्‌ङो कन् पाःन्‍निन् पाःत्तुबारो, कन् सिमे़ल्‍ले़ खुम्‍दिङ् पिमा मे़नुॽने़न्॥”

यर्मिया 36:10

बारुक्‍के़ल्‍ले़ यर्मियाःल्‍ले़ कुबाःन्‍जाक्‍हाॽ साप्‍लाथःङ्‌मोलाम् के़रे़क् मनाहाॽरे़ मे़घे़प्‍सुर निरु पिरुसि॥ खुने़ॽ सुहाङ्‌मिबा सापानरे़ कुस्‍सा गमर्याहःल्‍ले़ माङ्‌हिम्‍मोबा कुयाक्‍फाङ् तगि ये़म्‍सिङ्॥ खे़न् याक्‍फाङ्‌ङिन् माङ्‌हिम्‍मोबा थोसमा लक्‍खुम्‍मो कुसङ् मा लाम्‍धेःत्तिल्‍ले़ कुबेसाङ् ने़स्‍से़॥