यर्मिया 35:2 - लिम्बु2 “खे़ने़ॽ रेकाबिहाॽरे़ खुन्छिॽ हिम्सयङ्हाॽओ पेगे़ॽ हे़क्क्याङ् खे़ङ्हाॽ यहवे दाङ्बे़ल्ले़ कुहिम्मो उःत्ते़से़ॽ॥ याक्फाङ्हाॽओबा कुभा लत्छा याक्फाङ्ङो तेॽरे़से़ॽ खे़ब्याङ् खे़ङ्हाॽ कुभा चे़ल्ले़क्सेॽ थि थुङ्मा पिरे़से़ॽ॥” Gade chapit la |
यर्मिया 35:2
21 Referans Kwoze
कम्ब्राङ् ये़प्ना के़रे़क् याक्फाङ्हाॽओबा लुङ्धाक्हाॽओ नु के़से़म्बा के़ये़प्पा चम्बे़त् चम्बे़त् के़लःम्बा लुङ्धाक्हाॽओ चिभिॽफिॽबा कुहङ् पत्छे़॥ खे़प्मो सिगाङ् लाःप्मा आःम्भोॽओआङ् चिभिॽभिॽबा कुहङ्हाॽ पत्छे़॥ के़से़म्बा के़ये़प्पा चम्बे़त् चम्बे़त् के़लःम्बा लुङ्धाक्हाॽरे़ कुयाम्ले़ङ्बाहाॽओ खे़बक्सिङ्हाॽ कुभुङ् मे़लक्तुआङ् पत्छे़रो॥
आङ्गाॽ खे़ङ्हाॽ माङ्हिम्मो यिग्दल्याहःल्ले़ कुस्सा माङ्निङ्वाॽपान् के़बाःप्पा हानानरे़ कुस्साहाॽरे़ खुन्छिॽ याक्फाङ्ङो तारुङ्सिङ्॥ खे़न् याक्फाङ्ङिन् सुहाङ्युक्पाहाॽरे़ खुन्छिॽ याक्फाङ्ङिल्ले़ कुबेसाङ् सल्लुमले़ कुस्सा लाम्धेत् के़गोबा मासेयाहःल्ले़ कुयाक्फाङ्ङिल्ले़ कुधुङ्धाङ् ने़स्से़॥
खुने़ॽ माङ्हिम्मोबा यम्बा कुजा युङ्मादे़न्धिक् ओगाप् चोःक्मारे़ लागि तोबियान् पिरु॥ तगि माङ्हिम्मो ताःप्मनाबा कुजा सिदुङ्जभा, सुक्पा, निङ्वाॽफुसाम्बाहाॽ पिमनासिबा सामाहाॽ, थिबोङ् लक्हाॽ हे़क्क्याङ् ले़बिहाॽ, साम्गे़लोबाहाॽ नु लाम्धेत् के़गोबाहाॽ पिमनासिबा कुजा थिबोङ् लक्हाॽ, चे़ल्ले़क्सेॽ थि, पे़ःङ्वालिःत्छेॽ निःङ्गेॽ नु थेयावयाहाॽ युङ्मारक् खे़न् याक्फाङ्ङिन् ओगाप् पोःक्खे़आङ् वये़॥
माङ्हिम्मो खिनिॽ मे़न्गे़त्ते थारिक् सिङ्सिङ् ये़क्ये़क्काङ् खे़न् सामाहाॽ ताङ्से़ःप्ते़म्मे़ॽ॥ खे़प्मो के़रे़म्मे़ॽआङ् निङ्वाॽफुसाम्बे़ल्ले़ कुयाक्फाङ्ङो खे़ङ्हाॽ थाङ्घाम्मे़ॽ हे़क्क्याङ् खे़न् निङ्वाॽफुसाम्बा नु ले़बिहाॽरे़ खुनिॽ लाम्लोबा खे़ब्याङ् यरुसले़ःम्मो के़वाॽबा इस्राइलिहाॽरे़ खुनिॽ लाम्लोबाहाॽ पिरे़म्सिम्मे़ॽ॥”
ले़बिहाॽरे़ खुन्छिॽ याःम्बक्के़न् यहवे दाङ्बे़ल्ले़ कुहिम्मोबा माङ्से़वाओ हारुनरे़ कुमुॽइदाङ्साहाॽ फाॽमासि के़बोङ्बा वये़॥ लक्खुम् नु याक्फाङ्हाॽ ओमे़प्मा, के़रे़क् सेसे पाःन्हाॽ सुत्थो चोःक्मा, निङ्वाॽफुमाङ्ङिल्ले़ कुहिम्मोबा माङ्से़वा याःम्बक्कोबा वेॽ याःम्बक् चोःक्मा, हे़क्क्याङ् चप्ते़न्नो ने़मनाबा खरे़ःङ्हाॽ पे़न्बे़न् तङ्मा, पोगुगे़न् कुजाःल्ले़ फेॽदुम्मिन्, खरे़ःङ् के़भङ्बा सिदाॽ मे़न्याक्केबा सेसे खरे़ःङ्ङिन्, ओॽमनाबा नु निःङ्गेॽओ ले़ःङ्मनाबा चारःप्पा हे़क्क्याङ् कुसिःक्मा नु कुधाङ्मा ते़म्दुरिन् यारिप् चोःक्मा, कन् के़रे़क् याःम्बक्हाॽ ओमे़प्मा खे़ङ्हाॽरे़ खुन्छिॽ लक्पे़न् वये़॥
याम्साम्मिल्ले़ खुने़ॽ कुनिङ्वाॽओ युक्खुबा कन् के़रे़क् चइःत् पाःन्हाॽ हे़क्के खुने़ॽ यहवे दाङ्बे़ल्ले़ कुहिम्मोबा लक्खुम्हाॽ नु के़रे़क् पिसाङ्बा याक्फाङ्हाॽ, निङ्वाॽफुमाङ्ङिल्ले़ कुहिम्मोबा थाःङ्हाॽ हे़क्क्याङ् मे़दोन्दुबा हुक्वा युङ्दे़न् थाःङ्हाॽरे़ लागि चोःक्मा के़बोङ्बा याःम्बक्हाॽ सोलोमने़न् पिरु॥
Piblisite