यर्मिया 34:21 - लिम्‍बु

²¹ “यहुदाबा हाङ् सिदकियाहःन् नु खे़ल्‍ले़ कुसुहाङ्‌युक्‍पाहाॽआङ् आङ्‌गाॽ खे़न् खुन्‍छिॽ से़प्‍मा निङ्‌वाॽ के़जोःक्‍पा निङ्‌मिहाॽरे़ खुन्‍छिॽ हुक्‍को थासुङ्‌सिङ्‌ॽ॥ आङ्‌गाॽ खे़ङ्‌हाॽ बेबिलोनबा हाङ्‌ङिल्‍ले़ कुधक्‍सुबाहाॽरे़ खुन्‍छिॽ हुक्‍को थासुङ्‌सिङ्‌ॽ, खे़न् थक्‍सुबाहाॽरे़ खिनिॽ आल्‍लो फप्‍मा के़म्‍ले़रिआङ् मे़वाॽ॥

यर्मिया 34:21 Referans Kwoze

यर्मिया 39:6

सिदकियाहःल्‍ले़ ओमे़त्तुसिआङ् पत्‍छे़रए खुने़ॽ कुस्‍साहाॽ बेबिलोनबा हाङ्‌ङिल्‍ले़ से़रुसि हे़क्‍क्‍याङ् यहुदाबा सुहाङ्‌युक्‍पाहाॽआङ् से़रुसि॥

इजकिएल 17:16

मेःन्! थेआङ्‌भे़ल्‍ले़ आङ्‌गाॽ कुहिङ्‌वे़त् वाॽआबा कुइसिक्, मुक्‍साम्‍दाङ्‌बा यहवे दाङ्‌बे़ल्‍ले़ पाःत्तुॽ, इस्राइलबा हाङ्‌ङिन् बेबिलोनओ सिरो, थेआङ्‌भे़ल्‍ले़ हाङ्‌ङिल्‍ले़ कुलाजेॽओ युक्‍साबा के़जोःक्‍पा नु खुने़ॽ चोगुबा नादङ् पाःन्‍निन् खे़ल्‍ले़ कुनामे़न्‍छाॽ चोगुआङ् फेःन्‍दु॥

यर्मिया 52:10

रिब्‍लाओ सिदकिहःल्‍ले़ कुमिक्‍ले़ निसुरए खुने़ॽ कुस्‍साहाॽ बेबिलोनबा हाङ्‌ङिल्‍ले़ से़रुसि, हे़क्‍क्‍याङ् यहुदाबा वेॽ के़रे़क् सुहाङ्‌गे़म्‍बाहाॽआङ् खे़ल्‍ले़ से़रुसि॥

मे़रिङ् साप्‍पन् 4:20

यहवे दाङ्‌बे़ल्‍ले़ सेःन्‍दुबा हाङ्, आनिगे हिङ्‌मन्‍ने खे़ङ्‌हाॽरे़ खुन्‍छिॽ इजोओ थ्‍ये़रो॥ आम्‍भा खुने़ॽ कुगम्‍ब्राङ्‌ङो थिम्‍मे़न्‍दङ् सुवाङ्‌हाॽरे़ खुन्‍छिॽ लुम्‍मो आनिगे ताप्‍थेक् याम्‍धेक् वयिगे़ फाॽआङ् इःप्‍मनाआङ् वये़रो॥

यर्मिया 32:4

हे़क्‍क्‍याङ् सिदकियाह हाङ्‌ङिन् बेबिलोनबाहाॽरे़ खुन्‍छिॽ हुक्‍कोलाम् फिःन्‍छिङ्‌मा मे़सुक्‍ने़न् कर बेबिलोनबा हाङ्‌ङिल्‍ले़ कुहुक्‍को थाःॽ खे़ब्‍याङ् खुने़ॽनु सोरिक् पोङ्‌ङाङ् नादुम्‍दुम्‍बा ताॽजे़ङ्॥

२ हाङ् 25:6

हे़क्‍क्‍याङ् खे़न् मे़दे़म्‍सुआङ् खुने़ॽ रिब्‍ला बेबिलोनबा हाङ्‌ङे़ओ मे़देॽरु, खे़प्‍मो खुने़ॽ खुम्‍दिङ् पिमा निःन्‍धो पोःक्‍खे़॥

यर्मिया 22:25

आत्तिन्‍हाॽ के़गिरुसिॽ हे़क्‍क्‍याङ् आत्तिन्‍हाॽरे़ खे़ने़ॽ से़प्‍मा निङ्‌वाॽ मे़जोगुॽ खे़न् मनाहाॽरे़ खुन्‍छिॽ हुक्‍को आङ्‌गाॽ थाने़॥ आङ्‌गाॽ खे़ने़ॽ बेबिलोनबा हाङ् नबुकदनेसरे़न् नु खे़ल्‍ले़ कुधक्‍सुबाहाॽरे़ खुन्‍छिॽ हुक्‍को हुक्‍सुप्‍ने़॥

यर्मिया 32:3

सिदकियाह हाङ्‌ङिल्‍ले़ अक्‍खे पाःत्तुर आङ्‌गाॽ साक्‍ताङ्‌ङाङ् यागाङ्, “खे़ने़ॽ थेआङ् अक्‍तङ्‌बा माङ्‌निङ्‌वाॽपान् के़बाःप्‍पा? ‘कन् ये़क्‌यक्‍किन् बेबिलोनबा हाङ्‌ङिल्‍ले़ कुहुक्‍को पिरुङ्‌ॽ हे़क्‍क्‍याङ् खुने़ॽ कन् ये़क्‌यक्‍किन् तोगुआङ् युक्‍तुॽ फाॽआङ् यहवे दाङ्‌बे़ल्‍ले़ पाःत्तुॽ॥

यर्मिया 44:30

यहवे दाङ्‌बे़ल्‍ले़ अक्‍खे पाःत्तुॽ, ‘आङ्‌गाॽ यहुदाबा हाङ् सिदकियाहःन् बेबिलोनबा नबुकदनेसर हाङ्‌ङो हिसुङ्‌बा कुइसिक् मिस्रबा फारो होप्राःन्‍नाङ् खुने़ॽ से़प्‍मा के़गोःप्‍पा कुनिङ्‌मिहाॽरे़ए खुन्‍छिॽ हुक्‍को हिसुङ्‌लो॥’”

यर्मिया 52:8

कर बेबिलोनबा थक्‍सुबाहाॽरे़ सिदकियाह हाङ्‌ङिन् मे़नाःत्तु मे़देॽरुआङ् यरिहोबा ते़म्‍बेॽओ खुने़ॽ मे़दे़म्‍सु॥ थेआङ्‌भे़ल्‍ले़ के़रे़क् कुधक्‍सुबाहाॽरे़ खुने़ॽ मे़ले़रुआङ् फुत्‍छिङ्‌ज्‍याङ् मे़से़रे़ मे़बेआङ् मे़वये़॥

इजकिएल 17:12

“इस्राइलबा कन् पिफ्‍युङ्‌बाहाॽ मे़त्ते़से़ॽ—कन् किःत्‍थहाॽरे़ खुन्‍छिॽ ताॽदिःल्‍ले़ कुबेन् थे खिनिॽ कुसिङ् के़न्‍निःत्तुम्‍मे़म्‍बि? बेबिलोनबा हाङ्‌ङिन् यरुसले़ःम्‍मो फे़रे़, हे़क्‍क्‍याङ् खे़प्‍मोबा हाङ्‌ङिन् नु युक्‍साबाहाॽ बेबिलोनओ तेॽरुसि॥

इजकिएल 17:20

आङ्‌गाॽ आयोःङ्‌ङिन् खुने़ॽ कुसम्‍धाङ् लाप्‍फेसुङ्‌ॽ हे़क्‍क्‍याङ् आइजोओ खे़न् थासुङ्‌ॽ॥ आङ्‌गाॽ खुने़ॽ बेबिलोनओ फे़त्तुङ्‌ॽ हे़क्‍क्‍याङ् आङ्‌गाॽ आदक्‍ले़ङ्‌वाओ चोगुबा कन् इङ्‌ले़क् नसाःन्‍निल्‍ले़ कुले़क्‌वा खुने़ॽ खासे़न् चोगुङ्‌ॽ॥