यर्मिया 34:13 - लिम्बु13 “यहवे दाङ्बा इस्राइलबा निङ्वाॽफुमाङ्ङिल्ले़ अक्खे पाःत्तुॽ, आङ्गाॽ खिनिॽ थाःक्हाॽ योक् पोङ्मालाम् चोःक्युम्भो पिरुङ्सिङ्ङाङ् मिस्रलाम् लःत्तुङ् फे़त्तुङ्सिङ्ङिल्ले़ आङ्गाॽ खे़ङ्हाॽनु कन् माङ्हुप्पिन् चोगुङ्ङाङ् वयाङ्॥ आङ्गाॽ खे़ङ्हाॽ अक्खे मे़त्तुङ्सिङ्, Gade chapit la |
यर्मिया 34:13
24 Referans Kwoze
थेआङ्भे़ल्ले़ यहवे दाङ्बा आनिगे निङ्वाॽफुमाङ्ङिल्ले़ए आनिगे नु आनिगे पाधे़बाहाॽ मिस्र लाजेॽबा योक् पोङ्मा हिम्मोलाम् चोःक्युम्भो पिरुसिआङ् लःत्तु फे़त्तुसिबारो, हे़क्क्याङ् आनिगे मिक्किल्ले़ निसुरए हे़क्तङ्बा यम्बा निङ्वाॽ के़माबा याःम्बक् चोगु॥ खम्भ्याङ् आनिगे आत्ति पेगिगे़साङ्, आत्तिन् सुवाङ्हाॽरे़ खुन्छिॽ लुम्मोलाम् आनिगे फे़रिगे़साङ् खुने़ॽ आनिगे ताङ्से़ःप्तिगे़॥
खे़ङ्हाॽरे़ खुन्छिॽ पाधे़बाहाॽनु आङ्गाॽ चोगुङ्बा माङ्हुप् हे़क्तङ्बा खे़न् मे़बोङ्ने़न्लो मिस्रलाम् लःत्तुङ् फे़त्तुङ्सिङ्ङिल्ले़ खे़ङ्हाॽ खुन्छिॽ हुक्को ते़म्सुङ् फे़त्तुङ्सिङ्लो॥ आङ्गाॽ खे़ङ्हाॽरे़ खुन्छिॽ हिम्दाङ्बा कुइसिक् वयाङ्लो हे़क्केसाङ् खे़ङ्हाॽरे़ खे़न् माङ्हुप्पिन् मे़भेःन्दुरो,” यहवे दाङ्बे़ल्ले़ पाःत्तुरो॥
आत्तिन् ये़म्मो आङ्गाॽ खे़ङ्हाॽरे़ खुन्छिॽ पाधे़बाहाॽ मिस्रलाम् थे़ॽरुङ्सिङ्ङाङ् थाक्तुङ्सिङ्, खे़न् ये़म्मो खे़ङ्हाॽ आङ्गाॽ आइङ्जाङ्ङिन् इःत्ते़म् नाःत्ते़म्मे़ॽ फाॽआङ् ये़त्ले़ङ् साम्दिङ् पिरुङ्सिङ्ङाङ् पत्छाङ् हे़क्केलॽरिक्के आइन् थारिक् कन् मनाहाॽ साम्दिङ् पिरुङ्सिङ्ल वाॽआ॥
खे़ङ्हाॽरे़ ये़त्तुक्खे मे़दुमुबा फे़न्जेॽ योःम्मादे़न् हे़क्तङ्बा मिस्र लाजेॽलाम्बा आङ्गाॽ खे़ङ्हाॽ लःत्तुङ् थाक्तुङ्सिङ्ङिल्ले़ कन् माङ्हुप्पिन् आङ्गाॽ खे़ङ्हाॽरे़ खुन्छिॽ पाधे़बाहाॽनु खे़न् ये़म्मो चोगुङ्ङाङ् वयाङ्॥ आङ्गाॽ आइङ्जाङ्ङिन् खे़ङ्हाॽ इःत्ते़म्मे़ नाःत्ते़म्मे़ॽ हे़क्क्याङ् खे़न् हे़क्के के़रे़क् याःम्बक्हाॽ चोगे़म्मे़ॽ मे़त्तुङ्सिङ्ङाङ् वयाङ्॥’ आङ्गाॽ खिनिॽ मे़त्निङ्, ‘आङ्गाॽ आइङ्जाङ्ङिन् के़इःत्तुम् के़नाःत्तुम्ने़भग्र खिनिॽ आमना के़बोःक्खिॽ खे़ब्याङ् आङ्गाॽ खिनिॽ निङ्वाॽफुमाङ् पोङ्ङा॥
कर यहवे दाङ्बे़ल्ले़ खिनिॽ लुङ्माॽ के़दुक्तिबाल्ले़ चोगुल्ले़, हे़क्क्याङ् खुने़ॽ खिनिॽ पाधे़बाहाॽनु चोगुबा माङ्हुप्पिन् के़प्मारे़ लागिए यहवे दाङ्बाल्ले़ खुने़ॽ आप्फेक् कुमुक्साम्मिल्ले़ खिनिॽ के़लःत्ति के़भे़त्ति, खे़ब्याङ् मिस्रबा हाङ् फारोल्ले़ कुहुक्कोलाम्, योक् के़म्जोगिबा लाजेॽलाम् चोःक्युम्भो के़बिरि॥
खे़ब्याङ् मोसाःल्ले़ मनाहाॽ मे़त्तुसि, “खिनिॽ योःग्बा योःग्मा के़बोःक्खिआङ् के़वयिबा मिस्र लाजेन् के़ले़रुम्माङ् के़भे़रिबा कन् ये़न्निन् निङ्वाॽ इःत्ते़म्मे़ॽ॥ कल्ले़ याःन्दिक् यहवे दाङ्बे़ल्ले़ खुने़ॽ पयम् यम्बा कुमुक्साम्मिल्ले़ खिनिॽ के़लःत्ति के़भे़त्ति॥ कल्ले़ याःन्दिक् के़भङ्बा सिदाॽ मे़न्याक्केबा खरे़ःङ्रक् खिनिॽ चे़म्मे़ॽ॥
Piblisite