यर्मिया 33:9 - लिम्बु9 खे़ब्याङ् कन् यरुसले़म ये़क्यक्किन् आङ्गाॽ आलागि निङ्वाॽ तामा, मिङ्सोधाःङ्सो पोङ्मा नु ने़बो पप्मारे़ कुबुङ् पोङ्ॽ हे़क्क्याङ् आङ्गाॽ यरुसले़ःम्बा यक्युङ्बाहाॽरे़ खुन्छिॽ लागि चोगुङ्बा नुबा याःम्बक्हाॽ नु खे़न् ये़क्यक्को चोगुङ्बा नुॽमादामा पाःन्हाॽ मे़घे़प्सुआङ् इक्सादिङ् खाम्बेःक्मोबा के़रे़क् मे़न्छाम् सुवाङ्हाॽ पगि मे़गिआङ् थे़गक्कक्ना मे़यङ्॥” Gade chapit la |
यर्मिया 33:9
40 Referans Kwoze
आक्खेलॽरिक् कन् फॽइःन् साप्पोःक्को लुम्बे़त् युम्मनाआङ् पत्, हे़क्केलॽरिक्के इस्राइल नु यहुदाबा के़रे़क् मे़न्छाम् याप्मिहाॽ आङ्गाॽनु मे़दङ्सिङ्ङाङ् मे़घिम्सिङ्ल फाॽआङ् आङ्गाॽ चोगुङ्सिङ्॥ खे़ङ्हाॽ आङ्गाॽ आप्फेक् आमना मे़बोङ्ल, खे़ङ्हाॽलाम्बा आङ्गाॽ आमिङ् पोङ्ल, आनारा फोमा पोङ्ल हे़क्क्याङ् मिङ्सो इङ्धाङ् मे़बिआर के़लॽबा आङ्गाॽ आनिङ्वाॽ वये़ कर खे़ङ्हाॽरे़ आइङ्जाङ्ङिन् मे़न्इःत्तुन् मे़न्नाःत्तुन्लो॥’”
कन् मिस्र लाजेॽओ खिनिॽ हुक्किल्ले़ के़जोगुम्सिम्बा नावाइत्लाहाॽओ सुक्पा के़हाःन्दुम्माङ् थेआङ् आङ्गाॽ आसिक् के़भोःक्खुम्बाबे? खिनिॽ आबाङेरक् के़मे़ङ्ङासिॽ हे़क्क्याङ् इक्सादिङ् खाम्बेःक्मोबा के़रे़क् मे़न्छाम् सुवाङ्हाॽरे़ लागि साक्मुरा माङ्दे नु किनाःन्दि चाहाक् के़जोःक्कासिॽ॥
खे़न् ये़म्मिन् ताआङ् यरुसले़ःम्मिन् ‘यहवे दाङ्बे़ल्ले़ कुहाङ्युक्ना’ मे़मे़त्तुॽ हे़क्क्याङ् खे़प्मो के़रे़क् मे़न्छाम् सुवाङ्हाॽ यहवे दाङ्बे़ल्ले़ कुमिङ्ङिन् मिङ्सो इङ्धाङ् पिसे़ मे़जुम्॥ खे़ङ्हाॽ खुन्छिॽ हादिङ्धक्मा नु सिक्लुङ्मोबा ताप्फे़ःम्बा पाःन्हाॽओ याम्मो आफाल्ले़आङ् मे़म्बत्ने़न्॥
हाङ्ङिल्ले़ कुइङ्जाङ् के़गे़प्पा, के़रे़क् ते़ङ्गप् नु के़रे़क् ये़क्यक्हाॽओ यहुदिहाॽरे़ खुन्छिॽ लागि निङ्वाॽ तामा नु सिक्सम्मा, साभःङ्जा चामा नु सोसोत्लराङ् चोःक्मा ये़न् पोःक्खे़॥ हे़क्क्याङ् वेॽ सुवाङ्बा यरिक् मनाहाॽ यहुदि मे़बोःक्खे़, थेआङ्भे़ल्ले़ यहुदिहाॽनु खे़ङ्हाॽ मे़गिसे़रो॥
खे़ने़ॽ याम्मो आभे़ल्ले़आङ् “लाप्मे़भुसुमा” के़मे़म्मे़त्ने़ल्लो, खे़ने़ॽ के़लाजेन् याम्मो आभे़ल्ले़आङ् “चिजि खक्खक् के़बोङ्बा” मे़म्मे़त्तुल्लो॥ कर खे़ने़ॽ “आङ्गाॽ खे़न्नु आनिङ्वाॽ त्ये़बा” के़म्मे़त्लो, खे़ब्याङ् के़लाजेन् “निङ्वाॽ त्ये़र मेःक्खिम् मे़मे़त्तुबा” मे़मे़त्तुरो॥ थेआङ्भे़ल्ले़ यहवे दाङ्बे़न् खे़ने़ॽनु कुनिङ्वाॽ त्ये़आङ् वाॽरो, हे़क्क्याङ् के़लाजेःल्ले़ कुलागि खुने़ॽ हिम्साबा कुइसिक् पोङ्लो॥
यहवे दाङ्बे़ल्ले़ अक्खे पाःत्तुरो, “इस्राइलए, खे़ने़ॽ आबाङे आबुगे़न् आस्सा चोःक्माने़ आनिङ्वाॽ वये़रो लत्थिक् सुक्खेवाबा लाजेॽ नु खाम्बेःक्मोबा के़रे़क्नुःल्ले़ के़वे़म्बा लाजेॽ पिमाने़ निङ्वाॽ चोगुङ्ङाङ् वये़रो, खे़ने़ॽ आङ्गाॽ ‘आम्बौ’ लॽरिक् याप्मि के़उःत्ति फाॽआङ् इःत्तुङ्ङाङ् वये़रो हे़क्क्याङ् आङ्गाॽ आप्फाल्ले़आङ् याप्मि के़ल्ले़त्ने़म्बा आनिङ्वाॽ वये़रो॥
यहवे दाङ्बाए, आमुक्साम् नु आहाङ्यक्के, तुक्खेवा ये़न्नोबा आइःम्सिङ्मादे़न्ने़, इक्सादिङ् खाम्बेःक्माल्ले़ कुया नु कुसुक्पोलाम्बा मे़न्छाम् सुवाङ्हाॽ खे़ने़ॽओ मे़दारो हे़क्क्याङ् खे़ङ्हाॽरे़ मे़बाःत्तुरो, “आनिगे पाधे़बाहाॽनुग इङ्ले़क्पा साम्माङ्हाॽ नु हने़बा नावाइत्लाहाॽरक् मे़वये़रो कर वेॽ थेआङ् होःप्ते़रो॥
उन्छोन् उन्छोन् खे़प्मो के़लाःप्पा के़बेःक्पाहाॽनु तङ्से़ आङ्गाॽ खे़ने़ॽ खे़मादिङ् यङ्सङ्ङो पाङ्ने़रो॥ सिमे़ल्ले़न् इक्सादिङ् खाम्बेःक्मोबा लुम्बाःत्तो के़लाःप्पाआङ् के़वाॽबाहाॽ कुइसिक्, खे़ने़ॽ के़ये़क्यक्किन् खाप्पुथ्यःङ् पोङ्ङाङ् इक्सादिङ् खाम्बेःक्माल्ले़ लुप्तु ने़स्सु॥ कुहिङ्वे़त्हाॽरे़ खुन्छिॽ कन् लाजेॽओ खे़ने़ॽ के़लागि इङ्धाङ् पिमादे़न् होप्॥
हे़क्क्याङ् आङ्गाॽ खिनिॽ नुःक्निङ् ताःत्निङ्ङिल्ले़ मनाहाॽरे़ अक्खे मे़बाःत्तुॽ, “कन् तगिबा मुरे़क् खारे़क्पा लाजेन् आल्लोग अदनबा सिङ्सेॽइक् हे़क्के लॽ! लाप्मे़देसुबा नु खाप्पुथ्यःङ् के़बोङ्बा ये़क्यक्हाॽओ आल्लो के़धुम्बा लुङ्धाक्हाॽ ये़प् हे़क्क्याङ् मनाहाॽरे़ सधे़क् मे़धिम्सुआङ् ने़रो!”’
Piblisite