यर्मिया 33:26 - लिम्बु26 आङ्गाॽ याकुब नु आसे़वारोबा दाउदरे़ कुमुॽइदाङ्साहाॽ नाॽरुङ्सिङ्ॽ, खे़ब्याङ् दाउदरे़ कुमुॽइदाङ्साहाॽओ लत्छाआङ् अब्राहाम, इसहाक हे़क्क्याङ् याकुबरे़ कुमुॽइदाङ्साहाॽ सम्धाङ् हाङ्युक् चोःक्मारे़ लागि मे़सेगुङ्ङिन्॥ थेआङ्भे़ल्ले़ आङ्गाॽ खे़ङ्हाॽ याम्मो खुन्छिॽ लाजेॽओ नुःक्तुङ् तारुङ्सिङ्ॽ हे़क्क्याङ् खे़ङ्हाॽ लुङ्माॽ तुक्तुङ्सिङ्लो॥’” Gade chapit la |
यर्मिया 33:26
17 Referans Kwoze
कर यहवे दाङ्बे़ल्ले़ याम्मो थिक्ले़ङ् याकुबरे़ कुमुॽइदाङ्साहाॽ लुङ्माॽ तुक्तुसिरो॥ हे़क्क्याङ् इस्राइलि मे़न्छाम् सुवाङ्हाॽ याम्मो थिक्ले़ङ् खुने़ॽ कुमना पोङ्से़ सेगुसिरो॥ यहवे दाङ्बे़ल्ले़ खे़ङ्हाॽ याम्मो आबाङे खुन्छिॽ लाजेॽओ युङ्से़ तारुसिरो॥ हे़क्क्याङ् यरिक् वेॽ वेॽ लाजेॽहाॽलाम् मनाहाॽ मे़दाआङ् खे़ॽयो मे़भुङ्सिङ्लो हे़क्क्याङ् इस्राइलबा मनाहाॽनु खुन्छिॽ थिक्हुप् मे़बोङ्लो॥
आप्फेक् आलागि निङ्वाॽफुमाङ्ङिल्ले़ कुमनाहाॽ इक्सादिङ् खाम्बेःक्को युक्खुङ्सिङ्लो, आङ्गाॽ आत्तिन् ‘लुङ्माॽ मे़न्दुक्मनामा’ मे़त्तुङ्ङाङ् वये़, आङ्गाॽ खे़न् लुङ्माॽ तुक्तुङ्लो॥ आत्तिन्हाॽ ‘आङ्गाॽ आमनानिङ् मेःन्’ मे़त्तुङ्सिङ्ङाङ् वये़ खे़ङ्हाॽ ‘आङ्गाॽ आमनानिङ्’ मे़त्तुङ्सिङ्लो॥ हे़क्क्याङ् खे़ङ्हाॽरे़ आङ्गाॽ अक्खे मे़मे़त्तारो, ‘खे़ने़ॽ आनिगे निङ्वाॽफुमाङ्ने़रो॥’”
“एफ्राइमे़न्, के़रे़क्नुःल्ले़ लुङ्माॽ तुक्तुङ्बा आस्सारो, के़रे़क्नुःल्ले़ यरिक् आलुङ्माॽ स्याःत् के़लॽबा आस्सारो कुदक्ले़ङ्वाओ पाःत्तासाङ् मिःम्जिनु निङ्वाॽ इःत्तुङ्लो॥ खुने़ॽ कुलागि आलुङ्माॽ फ्याःङ्भ्याःङ् लॽरो, कुत्चाॽए आङ्गाॽ खुने़ॽ लुङ्माॽ तुक्तुङ्लो॥ आङ्गाॽ यहवे दाङ्बे़ल्ले़ पाःत्तुङ्लो॥
“आङ्गाॽ यहुदाबा हिम्सयङ्हाॽ के़धुम्बा चोगुङ्सिङ्लो, हे़क्क्याङ् योसेफरे़ कुहिम्सयङ्हाॽ ताङ्से़ःप्तुङ्सिङ्लो॥ आङ्गाॽ खे़ङ्हाॽ याम्मो नुःक्तुङ् तारुङ्सिङ्लो, थेआङ्भे़ल्ले़ आङ्गाॽ खे़ङ्हाॽ लुङ्माॽ तुक्तुङ्सिङ्लो॥ आङ्गाॽ खे़ङ्हाॽ मे़नाॽरुङ्सिङ्ङिन्बा हे़क्तङ्बा मे़बोङ्लो, थेआङ्भे़ल्ले़ आङ्गाॽ यहवे दाङ्बा खुन्छिॽ निङ्वाॽफुमाङ्आरो, हे़क्क्याङ् आङ्गाॽ खे़ङ्हाॽरे़ खुन्छिॽ पेलिगे़न् तुवान् खे़प्सुङ्लो॥
निङ्वाॽफुसाम्बा, ले़बि हे़क्क्याङ् कुभा मनाहाॽ यरुसले़म नु खे़ल्ले़ कुबेसाङ्बा ते़न्हाॽओ मे़युङ्सिङ्॥ साम्गे़लोबाहाॽ, इक्के़गोबाहाॽ नु माङ्हिम्मो याःम्बक् के़जोःक्पाहाॽ आम्भा खे़ल्ले़ कुबेसाङ्बा ये़क्यक्को मे़युङ्सिङ् हे़क्क्याङ् वेॽ के़रे़क् इस्राइलिहाॽ आबाङे खुन्छिॽ पाधे़बाहाॽ मे़युङे़बा ये़क्यक्हाॽओ युङ्मा मे़हेःक्ते़रो॥
मे़दे़म्सु मे़देॽरुसिआङ् के़वाॽबा यरिक् यहुदिहाॽ बेबिलोन ते़ङ्गपलाम्बा यरुसले़म नु यहुदाओ मे़नुःक्खे़ हे़क्क्याङ् खुन्छिॽ आबाङे ये़क्यक्हाॽओ मे़बे॥ नबुकदनेसर हाङ्ङिल्ले़ ते़म्सु तेॽरुसिबा ये़म्माङ्धो खे़न् ये़म्मो थारिक् खे़ङ्हाॽरे़ खुन्छिॽ हिम्सयङ्हाॽ बेबिलोनओ मे़याःक्ते़आङ् मे़वये़॥
“आङ्गाॽ सेगुङ्सिङ्बा ने़त्छि हिम्सयङ् इस्राइल नु यहुदान् आङ्गाॽए लाप्फुसुङ्सिङ्ङाङ् वाॽ फाॽआङ् आक्खेलॽरिक् मनाहाॽरे़ मे़बाःत्तुर मे़बत्, खे़न् थे खे़निॽ के़घे़प्सुम्बि? खे़ल्ले़चोगुल्ले़ खे़ङ्हाॽरे़ आङ्गाॽ आमनाहाॽ मे़जिःत्तुसिर ओमे़मे़त्तुसिॽ हे़क्क्याङ् खे़ङ्हाॽ लत्थिक् सुवाङ्सि फाॽआङ् मे़न्इःत्तुसिन्॥
यहवे दाङ्बे़ल्ले़ नाम्मिन् ले़न्दिक् से़दिङ्दिङ् ओःप्मा पाङ्घुरो हे़क्क्याङ् से़न्दिक् लाबान् नु खेःम्सिक्पाहाॽ मे़ओःत्ल याःन्दुसिरो॥ खुने़ॽ तुङ्गोदिङ् वरःङ्ङिन् छिम्लिङ् छिम्लिङ् मुन्दुरो हे़क्क्याङ् खे़ॽयोबा वाभे़ल्ले़ङ्हाॽ हुःक्मा पाङ्घुरो॥ खुने़ॽ कुमिङ्ङिन् मुक्साम्दाङ्बा यहवे दाङ्बारो, हे़क्क्याङ् खुने़ॽ अक्खे पाःत्तुरो,
Piblisite