यर्मिया 32:4 - लिम्बु4 हे़क्क्याङ् सिदकियाह हाङ्ङिन् बेबिलोनबाहाॽरे़ खुन्छिॽ हुक्कोलाम् फिःन्छिङ्मा मे़सुक्ने़न् कर बेबिलोनबा हाङ्ङिल्ले़ कुहुक्को थाःॽ खे़ब्याङ् खुने़ॽनु सोरिक् पोङ्ङाङ् नादुम्दुम्बा ताॽजे़ङ्॥ Gade chapit la |
ताःन्दि सिदकियाह हाङ्ङिल्ले़ खुने़ॽ कुउःत्छे़ मना पाङ्घुसि हे़क्क्याङ् हाङ्हिम्मो तेॽरुआङ् हाङ्हिम्मोबा हाःत्ताङ् के़होप्पादे़न्नो खुने़ॽ पान् सेःन्दोसु, “थे यहवे दाङ्बालाम् कुभा इङ्घङ्हाॽ खे़ने़ॽ पाःप्मा के़गत्तुबि?” यर्मियाःल्ले़ मे़त्तु, “ओरो, आङ्गाॽ पाःप्मा कत्तुङ्ॽ! बेबिलोनबा हाङ्ङिल्ले़ खे़ने़ॽ के़दे़म्ॽ॥”
“यहुदाबा हाङ् सिदकियाहःन् नु खे़ल्ले़ कुसुहाङ्युक्पाहाॽआङ् आङ्गाॽ खे़न् खुन्छिॽ से़प्मा निङ्वाॽ के़जोःक्पा निङ्मिहाॽरे़ खुन्छिॽ हुक्को थासुङ्सिङ्ॽ॥ आङ्गाॽ खे़ङ्हाॽ बेबिलोनबा हाङ्ङिल्ले़ कुधक्सुबाहाॽरे़ खुन्छिॽ हुक्को थासुङ्सिङ्ॽ, खे़न् थक्सुबाहाॽरे़ खिनिॽ आल्लो फप्मा के़म्ले़रिआङ् मे़वाॽ॥
कर खे़ने़ॽ यहुदाबा हाङ् सिदकियाहःन्, खे़ने़ॽ के़युक्साबाहाॽ, हे़क्क्याङ् ते़न्धङ्, साक्वान् नु मिङ्देॽलाम् के़हिङ्बा मनाहाॽ खक्पे़त् आङ्गाॽ नबुकदनेसर हाङ्ङिन् नु के़निङ्मिहाॽ, खे़ब्याङ् खिनिॽ मे़ङ्मा निङ्वाॽ के़जोःक्पाहाॽरे़ के़म्दे़म्सि के़म्देॽरिर चोगुङ्ॽ॥ खे़ल्ले़ खिनिॽ आत्तिन्नाङ् कुहिङ्वे़त् के़न्ले़रिन्ॽ इग्र कुलुङ्माॽ स्याःत् के़ल्लॽरिन्, कुलुङ्माॽ फ्याःङ् के़ल्लॽरिन् हे़क्क्याङ् लुङ्माॽआङ् के़न्दुक्तिन्ॽ॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽ॥’