यर्मिया 32:39 - लिम्बु39 के़रे़क् ये़म्मो खे़ङ्हाॽरे़ आङ्गाॽ मिङ्सो इङ्धाङ् पिमारे़ लागि आङ्गाॽ खे़ङ्हाॽ लत्छा निङ्सेक् नु लत्छा निङ्वाॽ पिरुङ्सिङ्, अक्खेलॽरिक् खे़ङ्हाॽ आबाङे नु ताःन्दि के़दाबा खुन्छिॽ मुॽइदाङ्साहाॽरे़ लागि नुबा पोङ्ॽ॥ Gade chapit la |
यर्मिया 32:39
38 Referans Kwoze
आङ्गाॽ आसे़वारोबा याकुबे़न् पिरुङ्बा, खे़ङ्हाॽरे़ खुन्छिॽ पाधे़बाहाॽ मे़युङे़बा लाजेॽओ खे़ङ्हाॽ मे़युङ्॥ खे़ङ्हाॽ नु खे़ङ्हाॽरे़ खुन्छिॽ साहाॽ, खे़ङ्हाॽरे़ खुन्छिॽ एगाङ्, खे़ङ्हाॽरे़ खुन्छिॽ मे़न्छाॽहाॽ, थाःक्हाॽरे़ खुन्छिॽ एगाङ् थाःक्हाॽ सदादिङ् आभे़ल्ले़साङ् खे़प्मो मे़युङ्ॽ॥ हे़क्क्याङ् आङ्गाॽ आसे़वारोबा दाउदे़न् सदादिङ् खे़ङ्हाॽरे़ खुन्छिॽ हाङ् पोङ्ॽ॥
हे़क्क्याङ् आङ्गाॽ खिनिॽ कुसङ् सिक्लुङ्माॽ पिनिङ्ॽ, खम्भ्याङ् आङ्गाॽ खिनिॽओ कुसङ् निङ्वाॽ केःत्तुङ् पिनिङ्ॽ॥ आङ्गाॽ खिनिॽ हादिङ् के़धक्पा लुङ् हे़क्तङ्बा सिक्लुङ्मे़न् खे़त्तुङ्देसुङ् पिनिङ्ॽ खे़म्ब्याङ् आङ्गाॽ नःम्नःम्बा, इङ्जाङ् इःप्मा नाःप्मा के़दे़म्बा सिक्लुङ्माॽ थिक् पिनिङ्ॽ॥
आङ्गाॽ खे़ङ्हाॽनु आभे़ल्ले़आङ् मे़न्नुप्मनाबा लत्छा माङ्हुप् चोगुङ्ॽ॥ खे़ङ्हाॽरे़ खुन्छिॽ लागि नुॽमादामा के़बोङ्बा याःम्बक् चोःक्मा आङ्गाॽ आफाल्ले़आङ् मे़ले़रुङ्ङिन् हे़क्क्याङ् आबाङे खुन्छिॽ के़रे़क् सिक्लुङ्माल्ले़ आङ्गाॽ याप्मि इङ्धाङ् के़बिबा खे़ङ्हाॽ चोगुङ्सिङ्ॽ खे़ब्याङ् खे़ङ्हाॽ आफाल्ले़आङ् आङ्गाॽलाम्बा मे़न्इःम्सिङ् मे़म्बेःक्ने़न्॥
थेआङ्भे़ल्ले़ नसान् मे़न्जोःक्मनाबा इत्थुङ्गे़न् ये़म्बाॽइन् नसान् के़जोःक्मा मे़ल्लिङ्गे़न् मेःत्तिन्नु वाॽबाल्ले़ चोगुल्ले़ निङ्वाॽफुमाङ्ङो खे़न् सेसे चोक्लो॥ हे़क्केलॽरिक्के नसान् के़जोःक्पा इत्थुङ्गे़न् ये़म्बाःन्नु वाॽबाल्ले़ चोगुल्ले़ खे़न् नसान् मे़न्जोःक्मनामा मे़ल्लिङ्गे़न् मेःत्तिन् निङ्वाॽफुमाङ्ङो सेसे चोक्लो॥ मेःन्ने फाॽग्र खे़ङ्हाॽरे़ खुनिॽ साहाॽ आसुत्थो मे़बोङ्बा वये़, कर हे़क्के मे़म्बोङ्ने़न्लो, खे़ङ्हाॽग निङ्वाॽफुमाङ्ङिल्लो सेसे मे़जोक्लो॥
निङ्वाॽफुमाङ्ङिल्ले़ ये़सुन् सिमे़न्लाम् याम्मो हिङ्घुआङ् माङ्हे़क्किन् आनिॽ कुमुॽइदाङ्साहाॽरो के़त्तुरो॥ कन् निसिगेक्पा निङ्वाॽफु साम्लोसुम्मो निङ्वाॽफुमाङ्ङिल्ले़ ये़सुन् अक्खे मे़त्तुआङ् वाॽरो, “‘खे़ने़ॽग आस्साने़रो, इङ्गाॽ से़क्खाए के़म्बाआ फाॽआङ् ओसेःन्दाङ् चोगुङ्ङाङ् वाॽरो॥’
यहवे दाङ्बे़ल्ले़ कुमनाहाॽ अक्खे मे़त्तुसिरो, “लिसि लाम् के़दुम्बा लाम्दोओ ये़बे़म्मे़ॽआङ् ओमये़म्मे़ॽओ॥ तगिबा लाम्हाॽ नु के़रे़क्नुःल्ले़ नुबा लाम्मिन् कोःत्ते़म्मे़ॽओ हे़क्क्याङ् खे़न् लाम्मो लाङ्घेगे़म्मे़ॽओ खे़म्ब्याङ् खिनिॽ हिङ्मन्निन् याम्नाःम् पोङ्लो॥” कर खे़ङ्हाॽरे़ मे़मे़त्तु, “आहाॽ, आनिगे हे़क्के मे़जोगुम्बे़न्लो॥”
खे़ल्ले़ मे़त्तु, “खे़न् चुक्पे़न् हुक्मे़याक्ते़न्ने़ॽओ, हे़क्क्याङ् खे़न् थेआङ् मे़मे़त्ते़न्ने़ॽओ॥ खे़ने़ॽ निङ्वाॽफुमाङ्ङिन्नु के़गिरत्छ के़लॽबान् आल्ल आङ्गाॽ निङ्वाॽ खोसुङ्लो, थेआङ्भे़ल्ले़ खे़ने़ॽ के़स्सा, लत्थिक्थिक् के़स्साःन्नाङ् आङ्गाॽलाम् के़न्दाङ्घुन् के़न्युक्खुल्लो॥”
थेआङ्भे़ल्ले़ खे़ल्ले़ आबाङे कुस्साहाॽ नु कुमुॽइदाङ्साहाॽरे़ साम्यो नु खासे़न् मे़जोगुआङ् यहवे दाङ्बाल्ले़ कुनिङ्वाॽ हे़क्के कुइङ्जाङ्हाॽ इःप्मा नाःप्मा पाङ्घुसिर फाॽआङ् आङ्गाॽ खुने़ॽ सेगुङ्ङाङ् वाॽ॥ खे़ल्ले़चोगुल्ले़ यहवे दाङ्बाल्ले़ अब्राहाम्मिन्नु चोगुबा माङ्हुप्पिन् के़त्ल चोगुरो॥”
“इस्राइलबा आमनाहाॽनु चोःक्मा इःत्तुङ्बा कुसङ् माङ्हुप्पिन् अक्तङ्बा पोङ्लो” यहवे दाङ्बे़ल्ले़ पाःत्तुरो “खे़ङ्हाॽरे़ खुन्छिॽ निङ्वाॽओ आसाम्योथिम् इङ्जाङ्ङिन् युक्खुङ् पिरुङ्सिङ्लो हे़क्क्याङ् खुन्छिॽ सिक्लुङ्मो साप्तुङ् पिरुङ्सिङ्लो॥ खे़ङ्हाॽरे़ खुन्छिॽ निङ्वाॽफुमाङ् पोङ्ङारो खे़ब्याङ् खे़ङ्हाॽ आमना मे़बोङ्लो॥
Piblisite