आङ्गाॽ आमे़ल्लुक् लुप्हाॽलाम् के़दाङ्बा के़याःक्पा आङ्गाॽ खे़ङ्हाॽ नाःत्तुङ्देसुङ्सिङ्बा लाजेॽहाॽलाम् खे़ङ्हाॽ सुप्सुङ् तारुङ्सिङ्ॽ हे़क्क्याङ् खे़ङ्हाॽ आबाङे खुन्छिॽ लाजेॽओ नुःक्तुङ् तारुङ्सिङ्ॽ॥ खे़ङ्हाॽरे़ खुन्छिॽ मुॽइदाङ्साहाॽ मे़बोन् मे़धे़ॽर खे़ब्याङ् खे़ङ्हाॽ यरिक् मे़बोङ्ल॥
यर्मिया 32:37 - लिम्बु37 आङ्गाॽ आसिक् पोःक्मो नु साॽरिक् आसाक्के़न् पोःक्मो के़रे़क् पिसाङ् मनाहाॽ से़सुङ्देसुङ्सिङ्, कर आल्ल खे़न् लाजेॽहाॽलाम्बा याम्मो कन् ते़न्नो नुःक्तुङ् तारुङ्सिङ्ॽ हे़क्क्याङ् कॽयो नुरिक् तारिक्काङ् वाॽमा पाङ्घुङ्सिङ्ॽ॥ Gade chapit la |
यर्मिया 32:37
35 Referans Kwoze
कर खे़ङ्हाॽरे़ मे़बाःत्तुॽ, ‘इस्राइलिहाॽरे़ खुन्छिॽ थाःक्हाॽ थाङ्गे़त् पिसाङ्बा लाजेॽ नु वेॽ के़रे़क् लाजेॽहाॽलाम् आत्तान् आत्तान् खुने़ॽ खे़ङ्हाॽ लःत्तुदेसुसिआङ् वये़, खे़न् के़रे़क् लाजेॽलाम्बा के़लःप्पा के़दाःप्पा से़क्खाए यहवे दाङ्बे़न् कुहिङ्वे़त् वाॽबा कुइसिक्॥’ खे़ब्याङ् खे़ङ्हाॽ आबाङे खुन्छिॽ लाजेॽओ मे़युङ्लो॥”
खे़न् ये़म्मो आङ्गाॽ खिनिॽ फुङ्निङ्लो, खम्भ्याङ् खे़न् ये़म्मो आङ्गाॽ हिम्मो ताःत्निङ्लो॥ आल्ल आङ्गाॽ खिनिॽ नुॽमादामाहाॽ खिनिॽ मिक् तगिए नुःक्तुङ् तारुङ्लो, खे़ब्याङ् इक्सादिङ् खाम्बेःक्मोबा मनाहाॽरे़ खुन्छिॽ लुम्मो खिनिॽ मिङ्सो थाङ्सो नु नारा फोसुङ् पिनिङ्लो,” यहवे दाङ्बे़ल्ले़ पाःत्तुरो॥
“मे़न्छाम् सुवाङ्से, यहवे दाङ्बे़ल्ले़ कुइङ्घङ्ङिन् खे़प्से़म्मे़ॽओ हे़क्क्याङ् माःङ्घा माःङ्घा वरःङ्ङिल्ले़ कुयाओ थारिक्पा आङ्गाॽ आबाःन्जाक्किन् साॽरिक् इङ्भन् चोगे़म्मे़ॽओ॥ आङ्गाॽ आमनाहाॽ फुत्छिङ्ज्याःङ् से़सुङ्सिङ्लो कर आङ्गाॽ खे़ङ्हाॽ सुप्सुङ्सिङ्लो हे़क्क्याङ् पित्कम्बाहाॽरे़ पित्हाॽ कम्ब्राङ् मे़मे़त्तुसिबा हे़क्के खे़ङ्हाॽ कम्ब्राङ् मे़त्तुङ्सिङ्लो॥
से़क्खा, आङ्गाॽ मे़त्निङ्, खिनिॽ आङ्गाॽ याप्मि के़घोसिॽ खे़ब्याङ् आङ्गाॽ खिनिॽ आबाङे लाजेॽओ नुःक्निङ् ताःत्निङ्॥ आङ्गाॽ खिनिॽ नाःत्निङ्देनिङ्बा के़रे़क् लाजेॽ नु ते़न्नोलाम्बा आङ्गाॽ खिनिॽ सुम्निङ्॥ आत्तिन् लाजेॽलाम्बा आङ्गाॽ के़म्दे़म्सि के़म्देॽरिर याःन्निङ्ङाङ् वयाङ्, हाबा खे़न् लाजेॽओ आङ्गाॽ खिनिॽ नुःक्निङ् ताःत्निङ्॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽ॥”
कर खे़ङ्हाॽरे़ मे़बाःत्तुॽ, ‘इस्राइलिहाॽ थो पिसाङ्बा लाजेॽ नु वेॽ के़रे़क् लाजेॽहाॽलाम्बा हे़क्क्याङ् आत्तान् आत्तान्लाम्बा खुने़ॽ खे़ङ्हाॽ लःत्तुदेसुसिआङ् वये़, खे़न् के़रे़क् लाजेॽलाम्बा के़लःप्पाआङ् के़दाःप्पा से़क्खाए यहवे दाङ्बे़न् कुहिङ्वे़त् वाॽबा कुइसिक्॥’ आङ्गाॽ खे़ङ्हाॽरे़ खुन्छिॽ पाधे़बाहाॽ पिरुङ्सिङ्बा आबाङे खुन्छिॽ लाजेॽओ खे़ङ्हाॽ नुःक्तुङ् तारुङ्सिङ्ॽ॥”
मुक्साम्दाङ्बा यहवे दाङ्बे़ल्ले़ अक्खे पाःत्तुॽ, “आङ्गाॽ आसे़वारोबा याकुबे़न् पिरुङ्बा लाजेॽ, इस्राइलबा मनाहाॽ आप्फेक् खुन्छिॽ लाजेॽओ याम्मो मे़युङ्ॽ॥ थेआङ्भे़ल्ले़ आङ्गाॽ खे़ङ्हाॽ फुत्छिङ्ज्याङ् से़सुङ्देसुङ्सिङ्ङाङ् मे़वये़बा माःङ्घाबा लाजेॽहाॽओलाम् याम्मो सुप्सुङ्सिङ्ॽ॥ आङ्गाॽ आमनाहाॽरे़ खुन्छिॽ लुम्मो आङ्गाॽ आसेसेन् इक्सादिङ् खाम्बेःक्मोबा मे़न्छाम् सुवाङ्हाॽ ओसेःन्धाक्तुङ्सिङ्ॽ॥
यहवे दाङ्बे़ल्ले़ अक्खे पाःत्तुॽ, “आङ्गाॽ आबाङे आमना इस्राइलिहाॽ युक् चोःक्मारे़ लागि पिरुङ्सिङ्बा इस्राइल लाजेन् पेसाङ्बाहाॽरे़ मे़ङ्मा मे़गोःत्तुॽ आङ्गाॽ खे़ङ्हाॽनु कुभा पान् पाःप्मा कत्तुङ्ॽ॥ आङ्गाॽ खे़न् कुॽइगे़भे़म्बा थिम्मे़न्दङ् सुवाङ्हाॽ कुबुङ् आःङ्मनाबा हे़क्के आःक्खुङ्सिङ्ङाङ् खे़ङ्हाॽरे़ खुन्छिॽ लाजेॽलाम्बा नाःत्तुङ्सिङ्ॽ॥ यहुदाःन्नाङ् आङ्गाॽ खे़ङ्हाॽरे़ खुन्छिॽ लुम्मोलाम् हाॽयाक् आःक्खुङ्ॽ॥
इस्राइलओ खे़ङ्हाॽ ताप्थेक् याम्धेक् मे़युङ्ॽ हे़क्क्याङ् हिम्धाःङ्हाॽ मे़जोगुआङ् चे़ल्ले़क्सेॽ इक्ताप्हाॽ मे़लेःत्तुॽ॥ खम्भ्याङ् खे़ङ्हाॽ आप्तिक् के़गुःप्पाआङ् ताप्फे़ःल्लिक् के़मे़प्पा हिम्बेसाङ्बा मे़न्छाम् सुवाङ्हाॽ आङ्गाॽ खुम्दिङ् पिरुङ्सिङ्ङिल्ले़, आङ्गाॽ यहवे दाङ्बा खे़ङ्हाॽरे़ खुन्छिॽ निङ्वाॽफुमाङ्आ फाॽआङ् खे़ङ्हाॽरे़ निङ्वाॽ मे़घोसुरो॥”
Piblisite