यर्मिया 32:35 - लिम्बु35 खे़ङ्हाॽरे़ आबाङे खुन्छिॽ साहाॽ मोलोख साम्माङ्ङिल्ले़ कुदगि वयागे़न् सिदुङ्जभा तोःम्मासि फाॽआङ् बेन-हिन्नोमबा ने़ने़बादे़न्नो बाल साम्माङ्ङिल्ले़ कुलागि से़वा चोःक्मादे़न्हाॽ मे़जोगुआङ् युङ्॥ खे़ङ्हाॽ खे़न् चोःक्मा इङ्जाङ् मे़बिरुङ्सिङ्ङिन्॥ खे़ङ्हाॽरे़ हे़क्तङ्बा ताप्फे़ःम्बा याःम्बक् मे़जोगु हे़क्क्याङ् यहुदाबा मनाहाॽ लायो चोःक्मा मे़बाङ्घुसि के़लॽबा पाःन्निन् आङ्गाॽ आनिङ्वाॽओ आभे़ल्ले़आङ् त्ये़बा होःप्ते़रो॥” Gade chapit la |
यर्मिया 32:35
33 Referans Kwoze
खुने़ॽ कुस्सा ये़म्बित्छा मे़न्छुमाहाॽ बेन-हिन्नोमबा ने़ने़बादे़न्नो मिओ सिदुङ्जभा चोगुसि॥ खुने़ॽ कित्चाक् चोगुआङ् थुम्या इसु हे़क्क्याङ् खागे़इक्पाहाॽ नु साम्माङ् च्याःङ्हाॽ मुरा के़मे़प्पाहाॽ सुजा नाःक्तुसि॥ खुने़ॽ यहवे दाङ्बे़ल्ले़ कुनिमो साॽरिक् ताप्फे़ःम्बा चोगुआङ् खुने़ॽ कुसाक्के़न् फोःक्खु॥
इस्राइले़न् लायो चोःक्मा के़बाङ्बा नाबातरे़ कुस्सा यारोबामरे़ चोगुबा बेथेलओ के़ने़बा केःम्बादे़न्निन् नु ले़त्ति तोःम्मादे़न्निन्नाङ् खुने़ॽ लुःन्दुदेसु॥ खुने़ॽ खे़न् केःम्बादे़न्निन् मिधिक्खुदेसु हे़क्क्याङ् खे़न् खाप्पुथ्यःङ् कुम्जिक्मा चोगु, खम्भ्याङ् असेरा माङ् सित्लाङ्ङिन्नाङ् मिधिक्खुदेसु॥
आङ्गाॽ कन् चोगुङ्ॽ, थेआङ्भे़ल्ले़ आङ्गाॽ मे़नाॽराङ्ङाङ् वाॽ, हे़क्क्याङ् सिदोनिहाॽरे़ खुन्छिॽ अस्तोरेत माङ्ङिन्, मोआबबा माङ् कमोसे़न् नु अम्मोनिहाॽरे़ खुन्छिॽ माङ् मोलेखे़न् खे़ङ्हाॽरे़ से़वा मे़मे़त्तुआङ् वाॽ, हे़क्क्याङ् आङ्गाॽ आलाम्मो खे़ङ्हाॽ लाङ्मे़ङ्घेःक्ने़न् आङ्गाॽ आनिमो आत्तिन् पाःन्निन् कुदोःप्मा चोक् खे़न्नाङ् मे़न्जोगुन्ॽ, सोलोमनरे़ कुम्बा दाउदरे़ चोगुबा हे़क्के आङ्गाॽ आसाम्योबा थिम्हाॽआङ् मे़न्इःत्तुन् मे़न्नाःत्तुन्॥
खे़न् आसुत्थो पोःक्खे़बाल्ले़ चोगुल्ले़ खे़न् के़नाॽबा तगिबा कुये़म्बाःल्ले़ खुने़ॽ याम्मो मेःत् तेॽमा मे़नाॽने़न्लो॥ यहवे दाङ्बे़ल्ले़ कुनिमो कन् लत्छा याम्गे़सिङ्बा चोक्॥ यहवे दाङ्बा खिनिॽ निङ्वाॽफुमाङ्ङिल्ले़ खिनिॽ लक्खोमाओ के़बिरिबा लाजेॽओ लायोल्ले़न् आप्तिक् मे़दारे़म्मिन्ने़ॽओ॥
खे़ङ्हाॽरे़ मे़जोगुबा हे़क्के यहवे दाङ्बा खिनिॽ निङ्वाॽफुमाङ्ङिन् माङ्से़वा मे़मे़त्ते़म्मिन्ने़ॽ, थेआङ्भे़ल्ले़ खे़ङ्हाॽरे़ खुन्छिॽ माङ्साम्माङ्हाॽ से़वा मे़मे़त्तुसिल्ले़ खे़ङ्हाॽरे़ के़रे़क् परिक्पा सिक्के़ले़ःङ्बा पाःन्हाॽ मे़जोगुॽ, यहवे दाङ्बे़ल्ले़ खे़न् चिःत्तुॽ॥ खे़ङ्हाॽरे़ खुन्छिॽ माङ्हाॽरे़ लागि खुन्छिॽ साहाॽआङ् मिओ सिदुङ्जभा मे़जोगुसिॽ॥
खिनिॽ लुङ्माॽ के़दुक्पा के़रे़क्ले़ खिनिॽ निङ्वाॽ के़म्भेःत्छिरो, खे़ङ्हाॽरे़ खिनिॽ थेआङ् कम्ब्राङ् के़मे़म्मे़त्तिन्लो॥ आङ्गाॽ निङ्मिहाॽ कुइसिक् खिनिॽ तुक्खे चाःत्निङ्लो॥ खिनिॽ सम्धाङ् के़साक्पा खुम्दिङ्ङिन् चुक्ते़आङ् वाॽरो थेआङ्भे़ल्ले़ खिनिॽ लायोहाॽ यरिक् वाॽरो हे़क्क्याङ् खिनिॽ कुॽइभे़म्मे़न् साॽरिक् यम्बा चोक्लो॥
Piblisite