यर्मिया 32:32 - लिम्बु32 “इस्राइल नु यहुदाबा मनाहाॽ, खे़ङ्हाॽरे़ खुन्छिॽ हाङ्हाॽ, लाम्लोबाहाॽ, निङ्वाॽफुसाम्बाहाॽ हे़क्क्याङ् माङ्निङ्वाॽपान् के़बाःप्पा के़रे़क्ले़ काक् फे़न्याःम्बक्हाॽ मे़जोगुआङ् आङ्गाॽ आसिक् मे़भोक्खुआङ् वाॽ॥ Gade chapit la |
यर्मिया 32:32
19 Referans Kwoze
खे़ने़ॽ के़युक्साबाहाॽ पिफ्युङ्बा नु खुःन्द्रिक्पाहाॽरे़ खुन्छिॽ चुम्देङ् मे़बोःक्खे़आङ् मे़वाॽरो॥ खे़ङ्हाॽ के़रे़क्ले़ स्वाःत् सुरुत्याङ् चामा खुन्छिॽ सिराॽथाङ्लो, हे़क्क्याङ् खे़ङ्हाॽ चे़सुङ् मिक्तोक् खोमा खिःम्यक् मे़जोक्लो॥ खे़ङ्हाॽरे़ ये़त्छाबा ये़त्छामाहाॽ खासे़न् मे़ल्लोःन्दुन् मे़म्बिरुसिन्लो॥ हे़क्क्याङ् कुये़म्बा के़सिमा मेमेदुमाहाॽरे़ खुन्छिॽ ये़क्पेलिन् खे़ङ्हाॽरे़ मे़ङ्घे़प्सुन् मे़म्बिरुसिन्लो॥
आनिगे पाधे़बाहाॽरे़ खुन्छिॽ ये़म्माङ्धो आइन् थारिक् आनिगे खे़ने़ॽ के़मनाहाॽरे़ यम्बा लायो चोगुम्बे़आङ् वयिगे़॥ आनिगे लायोल्ले़ चोगुल्ले़ आनिगे हाङ्ङिन् नु निङ्वाॽफुसाम्बाहाॽ, वेॽ सुवाङ्समा हाङ्हाॽरे़ खुनिॽ हुक्को मे़ध्ये़ हे़क्क्याङ् आनिगे मे़स्ये़रिगे़, मे़नाप्तिगे़ खे़ब्याङ् मे़दे़म्सिगे़आङ् वेॽ लाजेॽओ मे़देॽरिगे़॥ आनिगे साॽरिक् चाःत्थि पे॥ आइन् थारिक्काङ् आनिगे हे़क्तङ्बाए याक्नाम् तुमुम्बे़आङ् वयिगे़॥
आनिगे चोःक्मा सिराॽ के़धाङ्बा च्यासाङ् चोगुम्बे़ॽ॥ आनिगे नु आनिगे पाधे़बा, हाङ्हाॽ हे़क्क्याङ् लाम्लोबाहाॽरे़ यहुदाबा ये़क्यक्हाॽ नु यरुसले़ःम्मोबा लाम्लाम्मो आभे़ल्ले़साङ् सिदुङ्जभा मे़दोन्दुआङ् वये़, खे़न् कुइसिक् आनिगे सिराॽथाङ्धाङ् साङ्ग्राम्पेदाङ्मा हाङ्माओ सुक्पा हाःन्दुम्बे़ हे़क्क्याङ् सेजःङ्वा सिदुङ्जभाहाॽ हुक्खुम्बे़॥ थेआङ्भे़ल्ले़ खे़न् ये़म्मो आनिगे वे़त्ते़सरे़ कुजा कत्तुम्बे़, आनिगे नुॽमा तामा पोःक्खे़आङ् वये़ हे़क्क्याङ् आनिगे ये़त्तुक्खे तुमुम्बे़बा होःप्ते़॥
दाङ्बे, खे़ने़ॽ साम्योबा के़याःम्बक् कुइसिक् खे़ने़ॽ के़साक्के़न्निन् नु के़सिक् पोःक्मान् खे़ने़ॽ के़ये़क्यक्, के़सेसे कोःक्मा यरुसले़मलाम् खे़त्ते़देसे़ॽओ॥ आनिगे लायो नु आनिगे पाधे़बाहाॽरे़ खुन्छिॽ फे़न्याःम्बक्किल्ले़ चोगुल्ले़ आनिगे कब्रिङ् पिसाङ्बा मनाहाॽरे़ खुन्छिॽ तगि यरुसले़म नु खे़ने़ॽ के़मनाहाॽ कुनामे़न्छाॽ मे़प्मा चाहाक् पोःक्खिगे़आङ् वयिगे़रो॥
Piblisite