यर्मिया 32:24 - लिम्बु24 “ओमे़त्ते़ॽ, ये़क्यक्किन् युक्मारे़ लागि बेबिलोनिहाॽरे़ खे़न् के़रे़क् पिसाङ् कप्मारे़ लागि चन्छिङ्मादे़न्हाॽ मे़जोगुआङ् वाॽ हे़क्क्याङ् खे़ॽयो थङ् मे़जोःक्ल मे़वाॽ॥ ते़न्धङ्, साक्वान् नु मिङ्देल्ले़ चोगुल्ले़ ये़क्यक्किन् खे़ङ्हाॽरे़ खुन्छिॽ हुक्को थाःॽ॥ खे़ने़ॽ के़बाःत्तुबा के़रे़क् पाःन्हाॽ के़त्ल पप्पा खे़ने़ॽ के़निसुर के़वाॽ॥ Gade chapit la |
यर्मिया 32:24
35 Referans Kwoze
यहवे दाङ्बा इस्राइबा निङ्वाॽफुमाङ्ङिल्ले़ यर्मियान् अक्खे मे़त्तुॽ, “यर्मियाए, ते़न्धङ्, साक्वान् नु मिङ्देल्ले़ चोगुल्ले़ कन् ये़क्यक्किन् बेबिलोनबा हाङ्ङिल्ले़ कुहुक्को थाःॽ फाॽआङ् मनाहाॽरे़ मे़बाःत्तुर मे़वाॽ॥ आल्ल आङ्गाॽ कन्नुःल्ले़आङ् यरिक् पाःप्मा के़बोङ्बा पान् वाॽ, खे़न् खे़प्से़ॽ॥
खिनिॽ युक् चोःक्मारे़ लागि यर्दन नाधाःम्बि पेःक्मा के़इःत्तिबा खे़न् लाजेॽओ हारा ए खिनिॽ के़रे़क् हर्गुप् के़मे़गि फाॽआङ् आङ्गाॽ आइन्बा ये़न्नो साङ्ग्राम्पेदाङ् नु इक्सादिङ् खाम्बेःक्मान् खिनिॽ तक्ले़ङ्वाओ इङ्सुङ्ॽ, हे़क्क्याङ् यरिक् ये़न् युङ्मा के़ङ्घोसुम्मिन्ॽ कर वरे़ङ्ले़ङ् युम्रे़क् के़मे़गिॽ॥
कर आङ्गाॽ आसे़वारोबाहाॽ, आङ्गाॽ आमाङ्निङ्वाॽपान् के़बाःप्पाहाॽ इङ्जाङ् पिरुङ्सिङ्बा आबाःन्जाःक्हाॽ नु आङ्गाॽ आइङ्जाङ्हाॽरे़ थे खिनिॽ पाधे़बाहाॽ मे़गाःक्तुसिन्नाङ् मे़वये़म्बि? खे़ब्याङ् लायोलाम् मे़हिन्दे़आङ् खे़ङ्हाॽरे़ मे़बाःत्तु, “मुक्साम्दाङ्बा यहवे दाङ्बे़ल्ले़ आनिगे सुत्ना नु ये़प्ले़क् कुइसिक् आनिगे थे़मा मे़प्मा निःन्धो चोगुआङ् वये़ खे़न् आनिगे़नु चोगुआङ् वाॽरो॥”
खुने़ॽ कुजुप्साङ् ले़प्माङ् के़ये़प्पा खागे़इक्पाल्ले़ पाःत्तुॽ, ‘यरुसले़म!’ लुङ्धाक् लुःम्मा सिङ्आःत्हाॽनु, मनाहाॽ से़प्मासि यम्बा इक्लाओ मे़अःक्ल, यम्बा लाम्धेःप्पाहाॽरे़ कुदक्ले़ङ्वाओ खुने़ॽ कुधक्सुबाहाॽ मे़भे़न्ॽ॥ खे़ङ्हाॽरे़ किर्गप् कप्मा चङ्हिम्हाॽ मे़ये़प्सुॽ, हे़क्क्याङ् लुङ्धाक्हाॽ लुःम्मारे़ लागि खाम्लुङ्हाॽ थो मे़भोःक्खुॽ॥
खे़ङ्हाॽ किप्मागे़घुबा तुक्मे़ल्ले़ मे़सिःॽ, खे़ङ्हाॽरे़ खुन्छिॽ लागि मे़रिङ् के़धक्पा इग्र खे़ङ्हाॽरे़ खुन्छिॽ चेहाॽ के़लुप्पा मनाधिक्काङ् मे़वाॽने़न्॥ खे़ङ्हाॽरे़ खुन्छिॽ चेहाॽ खाम्मो चिधुक् हे़क्के ने़गन्॥ खे़ङ्हाॽ थङ्ङो इग्र साक्मे़न्जाए मे़सिःॽ हे़क्क्याङ् खे़ङ्हाॽरे़ खुन्छिॽ चेहाॽ पुहाॽ नु ताम्भुङ् थक्साहाॽरे़ खुन्छिॽ चामा कुजा मे़बोङ्लो॥”
आङ्गाॽ खे़ङ्हाॽ ते़न्धङ्, साक्वान् नु मिङ्देल्ले़ पुबेलाप्सा नाःत्तुङ्सिङ्ॽ हे़क्क्याङ् खाम्बेःक्मोबा के़रे़क् मे़न्छाम् सुवाङ्हाॽरे़ खे़न् मे़निसुआङ् यङ्मा किमाओ मे़धारो॥ फुत्छिङ्ज्याङ् चोगुङ्सिङ्ङाङ् आङ्गाॽ आत्तातान् इमे़न्नि खामे़न्नि खे़ङ्हाॽ पाङ्घुङ्सिङ्ॽ, खे़ङ्हाॽरे़ मे़दुमुबा याक्नाम्मिन् मे़निसुआङ् मनाहाॽ हाब् मे़ले़क्काङ् पगि मे़गिरो॥ मनाहाॽरे़ खे़ङ्हाॽ किनाःन्दि मे़बिरुसि हे़क्क्याङ् खे़ङ्हाॽ मिङ् मे़लोःक्तुसिआङ् माङ्दे साक्मुरा मे़मे़त्तुसिॽ॥
“कल्ले़चोगुल्ले़ आङ्गाॽ यहवे दाङ्बे़ल्ले़ अक्खे पाःत्तुङ्ॽ, खिनिॽ आङ्गाॽ आइङ्जाङ्ङिन् के़न्इःत्तुम्मिन् के़न्नाःत्तुम्मिन्, हे़क्क्याङ् खिनिॽ इस्राइलबा फुॽनुसाॽहाॽ चोःक्युम्भो के़म्बिरुम्सिम्मे़न्॥ नुॽ, आल्ल आङ्गाॽ खिनिॽ थङ्, साक्वान् नु मिङ्देॽलाम्बा मे़क्मासिमा के़बोङ्बा चोःक्युम्भो पिनिङ्ॽ॥ आङ्गाॽ खिनिॽनु थे़मा चोगुङ्ॽ, खे़न् मे़निसुआङ् इक्सादिङ् खाम्बेःक्मोबा के़रे़क् मे़न्छाम् सुवाङ्हाॽ यङ्मा मे़सि॥
खे़ल्ले़चोगुल्ले़ सिदकियाहरे़ हाङ्युक् चोगुबा फाङ्सिगेक्पा तङ्बेओबा थिबोङ् ला के़रे़बा थिबोङ् ये़न्नो बेबिलोनबा हाङ् नबुकदनेसररे़ यरुसले़ःम्मिल्ले़ कुदक्ले़ङ्वाओ के़रे़क् कुधक्सुबाहाॽ फे़त्तुसिआङ् फे़रे़॥ खे़ङ्हाॽरे़ ये़क्यक्किन् किर्गप् मे़गबु हे़क्क्याङ् लुङ्धाक्हाॽ लुःम्मारे़ लागि चन्जम्बादे़न्हाॽ मे़जोगु॥
ये़क्यक्किन् थङ्ङो मे़गबुआङ् ने़बा ओसेःन्धाङ् चोगे़ॽ॥ कन् कब्रिङ् ले़प्माङ् लुङ्धाक् ये़प्से़ॽ हे़क्केलॽरिक् हाःत्ताङ् खे़त्छिङ्मा मे़न्छुक्ने़न्ल॥ निङ्मि थक्सुबा तुराहिम्हाॽ चोगे़ॽ, हे़क्क्याङ् लुङ्धाक् लुःम्मा चन्जम्बादे़न्हाॽ नु लुङ्धाक् लुःम्मा सिङ्आःत्हाॽ ने़स्से़आङ् ये़क्यक्किन् कब्रिङ् कबे़ॽ॥
Piblisite