Biblia Todo Logo
Bib sou entènèt

- Piblisite -




यर्मिया 32:23 - लिम्‍बु

23 खे़ङ्‌हाॽ कन् लाजेॽओ मे़द्‌ये़आङ् खे़ङ्‌हाॽरे़ कन् लाजेन् खुन्‍छिॽ युक्‍को मे़जोगु, कर खे़ने़ॽ के़इङ्‌जाङ्‌ङिन् खे़ङ्‌हाॽ इःप्‍मा नाःप्‍मा मे़न्‍दे़न्‍दे़न् खे़ब्‍याङ् याम्‍मो खे़ने़ॽ के़निसाम्‍मिन् हे़क्‍के खे़ङ्‌हाॽरे़ खुन्‍छिॽ थाःक् मे़न्‍धासुन्॥ खे़ने़ॽ इङ्‌जाङ् के़बिरुसिबा लत्‍छा पाःन्‍धिक्‍काङ् खे़ङ्‌हाॽरे़ मे़न्‍जोगुन्॥ खे़ल्‍ले़चोगुल्‍ले़ कन् के़रे़क् मे़क्‍मासिमे़न् खे़ने़ॽ खे़ङ्‌हाॽरे़ खुन्‍छिॽ सम्‍धाङ् के़दारु॥

Gade chapit la Kopi




यर्मिया 32:23
32 Referans Kwoze  

आनिगे पाधे़बाहाॽरे़ खुन्‍छिॽ ये़म्‍माङ्‌धो आइन् थारिक् आनिगे खे़ने़ॽ के़मनाहाॽरे़ यम्‍बा लायो चोगुम्‍बे़आङ् वयिगे़॥ आनिगे लायोल्‍ले़ चोगुल्‍ले़ आनिगे हाङ्‌ङिन् नु निङ्‌वाॽफुसाम्‍बाहाॽ, वेॽ सुवाङ्‌समा हाङ्‌हाॽरे़ खुनिॽ हुक्‍को मे़ध्‍ये़ हे़क्‍क्‍याङ् आनिगे मे़स्‍ये़रिगे़, मे़नाप्‍तिगे़ खे़ब्‍याङ् मे़दे़म्‍सिगे़आङ् वेॽ लाजेॽओ मे़देॽरिगे़॥ आनिगे साॽरिक् चाःत्‍थि पे॥ आइन् थारिक्‍काङ् आनिगे हे़क्‍तङ्‌बाए याक्‍नाम् तुमुम्‍बे़आङ् वयिगे़॥


“यहवे दाङ्‌बे़न् साम्‌योबा चोक्‍लो, हे़क्‍केसाङ् कुदक्‍ले़ङ्‌वाओ पिफ्‍युङ्‌बा पोःक्‍खाङ्‌ङाङ् वयाङ्‌लो॥ के़रे़क् मे़न्‍छाम् सुवाङ्‌से, खे़प्‍से़म्‍मे़ॽओ हे़क्‍क्‍याङ् आङ्‌गाॽ आदुक्‍खेन् ओमे़त्ते़म्‍मे़ॽओ॥ सिसागे़न् मे़न्‍छ्‌या आमनाहाॽ नु थाङ्‌बे़न् आमनाहाॽ लाजेॽलाम् लाःक्‍कात् मे़लःत्तु मे़देॽरुसिआङ् मे़वाॽरो॥


थेआङ्‌भे़ल्‍ले़ आत्तिल्‍ले़ के़रे़क् साम्‌योथिम्‍मिन् इःत्तु नाःत्तुॽ कर लत्‍थिक् पाःन्‍निन् फेःन्‍दुने़ फाॽग्र, खे़ल्‍ले़ के़रे़क् साम्‌योथिम्‍मिन् फेःन्‍दुबा कुइसिक् पोङ्‌लो॥


कर साम्‌योथिम् के़इःप्‍पा के़नाःप्‍पाहाॽ के़रे़क् साङ्‌ग्रारे़ ते़त्तुसिआङ् मे़वाॽरो, थेआङ्‌भे़ल्‍ले़ अक्‍खेलॽरिक् साप्‍ते़आङ् पत्, “साम्‌योथिम् साप्‍लाओ साप्‍ते़आङ् के़बप्‍पा काक् पाःन्‍हाॽ चक्‍मे़ल्‍लॽए मे़न्‍इःप्‍मना मे़न्‍नाःप्‍मनाहाॽ निङ्‌वाॽफुमाङ्‌ङिल्‍ले़ कुघुम्‍दिङ् खोमा लाॽरुसिआङ् वाॽरो॥”


खिनिॽ पिनिङ्‌बा आइङ्‌जाङ्‌ङिन् के़इःत्तुम् के़नाःत्तुम्‍ने़ फाॽग्र आन्‍जुम् के़बोक्‍खिरो॥


“खिनिॽआङ् मे़प्‍मनाबा याःम्‍बक् के़जोगुम् के़सुरुम्‍ने़ फाॽग्र अक्‍खे पाःत्ते़म्‍मे़ॽ, ‘आनिगे़ग कुसुम् मे़न्‍दम्‍मनाबा के़सेवारोबासिगे़रो॥ आनिगे़ग के़बाःत्तुबा हे़क्‍केरक् चोगुम्‍बे़आङ् वयिगे़रो॥’”


“कर खे़ङ्‌हाॽरे़ खुन्‍छिॽ साहाॽरे़आङ् आङ्‌गाॽ आदक्‍ले़ङ्‌वाओ पिफ्‍युङ् मे़जोगु॥ इङ्‌जाङ् के़घे़म्‍बा पोङ्‌मालाम् खे़ङ्‌हाॽरे़ हिङ्‌मन् मे़घोसुबा वये़साङ्, आङ्‌गाॽ आइङ्‌जाङ्‌हाॽ इःप्‍मा नाःप्‍मा नु आङ्‌गाॽ आधिम्‍हाॽ तिम्‍मा नाःप्‍मा खे़ङ्‌हाॽ मे़न्‍दे़न्‍दे़न्॥ खम्‍भ्‍याङ् आङ्‌गाॽ आसाबाथ ये़न्‍हाॽआङ् खे़ङ्‌हाॽरे़ मे़भेःन्‍दु॥ खे़ल्‍ले़चोगुल्‍ले़ मुरे़क् खारे़क् थेआङ् के़होप्‍पा एःक्‍सादे़न्‍नो आङ्‌गाॽ साॽरिक् आसिक् पोःक्‍मान् खे़ङ्‌हाॽरे़ खुन्‍छिॽ सम्‍धाङ् थासुङ् फाॽआङ् आङ्‌गाॽ याम्‍मो खे़ङ्‌हाॽ यङ्‌मा से़रुङ्‌सिङ्॥


“मुरे़क् खारे़क् थेआङ् के़होप्‍पादे़न्‍नो आङ्‌गाॽ खे़ङ्‌हाॽरे़ खुन्‍छिॽ साहाॽ अक्‍खे मे़त्तुङ्‌सिङ्, ‘खिनिॽ पामाहाॽरे़ खुन्‍छिॽ थिम्‍हाॽ इग्र खे़ङ्‌हाॽरे़ मे़जोगु मे़युरुबा पाःन्‍हाॽ मे़इःत्ते़म्‍मिन्‍ने़ॽ इग्र खे़ङ्‌हाॽरे़ खुन्‍छिॽ नावाइत्‍लाहाॽलाम् आसुत्‍थो मे़जोःक्‍कासिम्‍मे़ॽ॥’


“कर खे़ङ्‌हाॽरे़ आङ्‌गाॽ आदक्‍ले़ङ्‌वाओ पिफ्‍युङ् मे़जोगु हे़क्‍क्‍याङ् आङ्‌गाॽ आबाःन्‍निन् मे़ङ्‌घे़प्‍सुन्॥ खुन्‍छिॽ निङ्‌वाॽओ के़युङ्‌बा चिःन्‍जिःन्‍गे़घुबा चइःत्‍हाॽलाम् खे़ङ्‌हाॽ लाःत्‍लाःत् मे़म्‍बोःक्‍खे़न्, इग्र मिस्रबा नावाइत्‍लाहाॽ लाप्‍मे़म्‍भुसुसिन्॥ खे़ब्‍याङ् खे़ङ्‌हाॽ मिस्र मे़वये़ल्‍ले़ए आङ्‌गाॽ आसाक्‍के़न्‍निन् चिःङ्‌मारे़ लागि आङ्‌गाॽ साॽरिक् आयाःक्‍ले़ॽमे़न् खिनिॽओ थासुङ्‌ॽ फाॽआङ् खे़ङ्‌हाॽ यङ्‌मा से़रुङ्‌सिङ्‌ङाङ् वये़॥


यरुसले़ःम्‍मिल्‍ले़ यम्‍बा लायो चोगुरो, खे़ल्‍ले़चोगुल्‍ले़ खे़न् आसुत्‍थो पोःक्‍खे़आङ् ने़रो॥ खे़न् मिङ्‌सो इङ्‌धाङ् के़बिबा के़रे़क्‍ले़ कुनामे़न्‍छाॽ मे़मे़त्तुरो, थेआङ्‌भे़ल्‍ले़ खे़ङ्‌हाॽरे़ खे़ल्‍ले़ कुले़क्‍चाबुधुःक्‍किन् मे़निसुआङ् वाॽरो, खे़न् आप्‍फेक् उघुइ लॽआङ् थिक्‍नाहाङ् हिसिङ्‌लो॥


खे़ङ्‌हाॽरे़ खुनिॽ से़त्‍लाःक्‍ते़ल्‍ले़ साङ्‌ग्राम्‍पेदाङ्‌लाम्‍बा खरे़ःङ् चामा के़बिरुसिरो, खे़ङ्‌हाॽरे़ खुनिॽ वामिःक्‍ते़ल्‍ले़ पयम् यम्‍बा लुङ्‌ङोनु च्‍वाःत् थुङ्‌मा के़बिरुसिरो॥ आत्तिन् लाजेन् खे़ङ्‌हाॽ पिमासि माङ्‌हुप् के़जोगुआङ् वये़, खे़न् लाजेन् युक्‍मा इङ्‌जाङ् खे़ने़ॽ के़बिरुसिरो॥


यहवे दाङ्‌बा खिनिॽ निङ्‌वाॽफुमाङ्‌ङिल्‍ले़ इङ्‌जाङ् के़बिरिबा पाःन्‍हाॽलाम् खिनिॽ थिक्‍नाहाङ् के़हिआसिआङ् वेॽ माङ्‌हाॽ से़वा के़मे़त्तुम्‍सिम्‌ॽ हे़क्‍क्‍याङ् खे़ङ्‌हाॽ माङ्‌से़वा के़मे़त्तुम्‍सिम्‍ने़भग्र, यहवे दाङ्‌बे़ल्‍ले़ मि हे़क्‍के के़दिःप्‍पा कुसाक्‍के़न्‍निन् खिनिॽ सम्‍धाङ् थारो, हे़क्‍क्‍याङ् खुने़ॽ खिनिॽ के़बिरिबा कन् नुबा लाजेॽओलाम् खिनिॽ खिमो वरे़ङ्‌ले़ङ् के़मे़गिरो॥”


खे़ङ्‌हाॽरे़ निङ्‌वाॽफुमाङ्‌ङिल्‍ले़ कुमाङ्‌हुप्‍पिन् मे़न्‍इःत्तुन् मे़न्‍नाःत्तुन्‍लो, हे़क्‍क्‍याङ् कुसाम्‌योथिम् इङ्‌जाङ्‌ङो खे़ङ्‌हाॽ पप्‍मा मे़न्‍दे़न्‍दे़ल्‍लो॥


“हे़क्‍क्‍याङ् खुने़ॽ खिनिॽ लत्‍छा नुबा लाजेॽओ के़दारिरो, हे़क्‍केलॽरिक् खे़प्‍मोबा नुःब्‍नुबा पाःन्‍हाॽ नु पोगुगे़न् कुजान् के़जाम्‍लो॥ कर खे़ल्‍ले़ कुले़क्‌वाओ खे़ङ्‌हाॽरे़ आङ्‌गाॽ आलाजेन् मे़जिःन्‍दुरो हे़क्‍क्‍याङ् आङ्‌गाॽ पिरुङ्‌सिङ्‌बा लाजेन् खे़ङ्‌हाॽरे़ आसुत्‍थो मे़जोगुरो॥


“खे़ङ्‌हाॽ अक्‍खे मे़त्ते़से़ॽ, ‘यहवे दाङ्‌बे़ल्‍ले़ अक्‍खे पाःत्तुॽ, आङ्‌गाॽ मे़त्‍निङ्‌बा पाःन्‍निन् खिनिॽ के़ङ्‌घे़प्‍सुम्‍मिन्‍नाङ् के़न्‍इःत्तुम् के़न्‍नाःत्तुम्‍मिन्‍ने़भग्र,


आल्‍लो कन् ये़म्‍मोआङ् नःम्‍नःम् मे़ल्‍लॽए के़वयिॽ इग्र मिङ्‌सो इङ्‌धाङ् ओसेःन्‍धाङ् मे़न्‍जोःक्‍के के़वयिॽ॥ आङ्‌गाॽ खिनिॽ तगि खिनिॽ सुधे़बा ताक्‍थे़बाहाॽ पिरुङ्‌सिङ्‌बा पान् नु थिम्‍हाॽ इःप्‍मा नाःप्‍मारे़ लागि आत्तिल्‍ले़आङ् निङ्‌वाॽ मे़म्‍बिए वाॽ॥


कम्‍भलॽरिक् यहवे दाङ्‌बे़ल्‍ले़ इस्राइलिहाॽ पिरुङ्‌सिङ् फाॽआङ् खे़ङ्‌हाॽरे़ खुन्‍छिॽ पाधे़बाहाॽनु माङ्‌हुप् चोगुबा के़रे़क् लाजेॽहाॽ पिरुसि, हे़क्‍क्‍याङ् खे़ङ्‌हाॽरे़ खे़न् मे़युक्‍तुआङ् खे़प्‍मो मे़युङे़॥


कर आत्तिन्‍हाॽरे़आङ् आबाःन्‍निन् खे़म्‍मा मे़न्‍दे़न्‍दे़न्, खे़प्‍मो निङ्‌वाॽए मे़म्‍बिरुन्॥ खे़ल्‍ले़ कुले़क्‌वाओ खिनिॽ थाःक्‍थे़बाहाॽनुःल्‍ले़आङ् पाःन्‍मे़ङ्‌घे़म्‍मनाबा नु कुॽइगे़भे़म्‍बा के़बोःक्‍खि॥’


Swiv nou:

Piblisite


Piblisite