यर्मिया 32:22 - लिम्बु22 खे़ने़ॽ खे़ङ्हाॽरे़ खुन्छिॽ पाधे़बाहाॽ पिने़निङ् फाॽआङ् माङ्हुप् के़जोगुबा कुइसिक् कन् पित्नु नु सक्वाघु के़गुङ्बा लाजेन् खे़ङ्हाॽ के़बिरुसि॥ Gade chapit la |
यर्मिया 32:22
28 Referans Kwoze
कल्ले़चोगुल्ले़ खे़ङ्हाॽ मिस्रिहाॽरे़ खुन्छिॽ हुक्कोलाम् ताङ्से़ःप्मासिरे़ लागि नु मिस्र लाजेॽलाम् लःप्मासिआङ् लत्छा ताम्दाम्बा लाजेॽओ के़प्मासिरे़ लागि आङ्गाॽ थ्याङ्ङाङ् वाॽआ॥ खे़न् लाजेन् पित्नु नु सक्वाघु के़गुङ्बा चोक्, खे़प्मो आल्लो कनानि, हित्ति, एमोरि, परिज्जि हिब्बि नु यबुसिहाॽ मे़युङ्ॽ॥
ओमे़त्ते़म्मे़ॽ, आङ्गाॽ खिनिॽ पिनिङ्ल पत्ताबा के़रे़क् इङ्जाङ्हाॽ सिङ्सिङ् ये़क्ये़क्काङ् इःत्ते़म् नाःत्ते़म्मे़ॽ, हे़क्केलॽरिक् खिनिॽ कुहिङ्वे़त् वाॽमा के़सुक्तिर हे़क्क्याङ् यरिक् पोःम्मा थे़ॽमा के़सुक्तिर, हे़क्क्याङ् यहवे दाङ्बे़ल्ले़ खिनिॽ पाधे़बाहाॽ माङ्हे़क्तुसिआङ् माङ्हुप् चोगुबा लाजेन् खिनिॽ पेःक्माआङ् युक् चोःक्मा के़सुक्तुम्लरो॥”
कर मुरे़क् खारे़क् थेआङ् के़होप्पा एःक्सादे़न्नो आङ्गाॽ खे़ङ्हाॽरे़ खुन्छिॽ तक्ले़ङ्वाओ के़प्माए के़बोङ्बा माङ्हे़क् थिक् चोगुङ्॥ आङ्गाॽ खे़ङ्हाॽ पिरुङ्सिङ्ङाङ् ने़स्से़बा इक्सादिङ् खाम्बेःक्मोबा के़रे़क्नुःल्ले़ चाॽरिक् नुबा ते़न्, पित्नु नु सक्वाघु के़गुङ्बा लाजेॽओ खे़ङ्हाॽ मे़भे़त्तुङ्सिङ्ङिन् फाॽआङ् आङ्गाॽ माङ्हे़क् चोगुङ्॥
आङ्गाॽ खे़ङ्हाॽरे़ लागि खोसुङ्बा नु कोःम्भो चोगुङ्ङाङ् ने़स्से़बा, के़रे़क् आत्तिन् लाजेॽहाॽनुःल्ले़आङ् साॽरिक् नुबा, पित्नु नु सक्वाघु के़गुङ्बा, लत्छा नुबा लाजेॽओ आङ्गाॽ मिस्रलाम् खिनिॽ लःत्निङ् फे़त्निङ्ॽ मे़त्तुङ्सिङ्ङाङ् खे़ल्ले़ याःन्दिक् आङ्गाॽ लत्छा माङ्हे़क् थिक् चोगुङ्ङाङ् वये़॥
आङ्गाॽ खिनिॽ पिनिङ्ल पत्ताबा के़रे़क् इङ्जाङ्हाॽ सिङ्सिङ् ये़क्ये़क्काङ् इःत्ते़म् नाःत्ते़म्मे़ॽ, हे़क्केलॽरिक् खिनिॽ कुहिङ्वे़त् वाॽमा के़सुक्तिर हे़क्क्याङ् यरिक् पोःम्मा थे़ॽमा के़सुक्तिर, हे़क्क्याङ् यहवे दाङ्बे़ल्ले़ खिनिॽ पाधे़बाहाॽ माङ्हे़क्तुसिआङ् माङ्हुप् चोगुबा लाजेन् खिनिॽ पेःक्माआङ् युक् चोःक्मा के़सुक्तुम्ल॥
खुने़ॽ खिनिॽ लुङ्माॽ के़दुक्तिॽ, हे़क्क्याङ् खुने़ॽ खिनिॽ हाङ्वागे़न् मुॽइसाम् के़बिरिआङ् खिनिॽ के़भोसिॽ॥ खुने़ॽ पिनिङ् फाॽआङ् खिनिॽ पाधे़बाहाॽनु माङ्हुप् चोगुबा लाजेॽओ खिनिॽ थक्लारे़ लागि यरिक् सामे़न्छाॽहाॽ के़बिरिॽ, इक्ताप्पो के़धोःक्पा कुजारे़ लागि, कुबोक् चे़ल्ले़क्सेॽ थि नु निःङ्गेॽ, पित्थक्सा, कुम्बाबा कुम्मामा पित्सात्हाॽ नु मे़ल्लुक् मे़न्दाक् साःत्हाॽओआङ् खुने़ॽ हाङ्वागे़न् मुॽइसाम् थासुॽ॥
आङ्गाॽ आम्बारे़ कुहिम् नु आमनाहाॽरे़ खुन्छिॽ लाजेॽलाम् के़भे़प्पा साङ्ग्राम्पेदाङ् नु इक्सादिङ् खाम्बेःक्मोबा यहवे दाङ्बा निङ्वाॽफुमाङ्ङिन् माङ्हे़क्सिङ्ङाङ् आङ्गाॽनु कम्भलॽरिक् माङ्हुप् चोगुआङ् वाॽ, ‘आङ्गाॽ खे़ने़ॽ के़मुॽइदाङ्साहाॽए कन् लाजेन् पिरुङ्सिङ्॥’ आङ्गाॽ आस्साःल्ले़ कुलागि लत्छा मेःत्थिक् खे़प्मोलाम् फे़प्मा के़सुक्तुर फाॽआङ् खुने़ॽ कुमाङ्ला इङ्बाधिक् खे़ने़ॽ के़दगि पाङ्घुरो॥
Piblisite