मिस्र लाजेॽबा फारो हाङ्ङिन् नु कुसुहाङ्युक्पाहाॽरे़, हे़क्क्याङ् कुलाजेॽबा के़रे़क् मनाहाॽरे़ खुनिॽ तक्ले़ङ्वाओ खे़ने़ॽ मिक्सेन् नु निङ्वाॽ के़माबा याःम्बक्हाॽ के़जोगुरो थेआङ्भे़ल्ले़ मिस्रिहाॽ आङ्दिङ् मे़लॽरे़र के़मनाहाॽ मे़घुम्सुसिआङ् मे़वये़रो, खे़ने़ॽ खे़न् के़निसुआङ् के़वये़रो॥ हे़क्केलॽरिक् खे़ने़ॽ आबाङे मिङ्सो इङ्धाङ् के़घोसुरो, खे़न् आइन् थारिक् आम्भा वाॽरो॥
यर्मिया 32:20 - लिम्बु20 यरिक् तङ्बे तगि खे़ने़ॽ मिस्रओ निङ्वाॽ के़माबा नु ने़हिनिङ्वाॽरे़ मे़न्धाप्मनाबा याःम्बक्हाॽ के़जोगु॥ आइन् थारिक् खे़ने़ॽ इस्राइल नु वेॽ के़रे़क् हाङ्जुम्लुम्मो निङ्वाॽ के़माबा याःम्बक्हाॽ के़जोगुर के़वाॽ हे़क्क्याङ् आल्ल खे़ने़ॽ के़रे़क् ते़न्नो कुसिङ् के़म्निःत्॥ Gade chapit la |
यर्मिया 32:20
21 Referans Kwoze
हे़क्क्याङ् इक्सादिङ् खाम्बेःक्मो खे़ने़ॽ आबाङे ताङ्से़ःप्से़ के़बेबा खे़ने़ॽ के़सेगुबा इस्राइल सुवाङ् हे़क्तङ्बा वेॽ सुवाङ् हात् वाॽबे? खे़न् सुवाङ्ङिल्ले़ लागि खे़ने़ॽ आबाङे ताङ्से़ःप्से़ के़बे॥ खे़न्लाम्बाए खे़ने़ॽ आबाङे के़मिङ्ङिन् के़से़सु हे़क्क्याङ् मिस्रलाम्बा के़लःत्तु के़धाक्तु॥ खे़ङ्हाॽरे़ खुन्छिॽ लाम्मो के़युङ्बा वेॽ सुवाङ्हाॽ नु खे़ङ्हाॽरे़ खुन्छिॽ माङ्हाॽ के़नाःत्तुसि॥ हे़क्क्याङ् पयम् यम्बा किप्मा के़घुबा नु निङ्वाॽ के़माबा याःम्बक्हाॽ के़जोगु॥
हे़क्केलॽरिक् मिस्रिहाॽ अदङ् चोगुङ्सिङ्ङाङ् खुन्छिॽ निङ्वान् हादिङ् के़धक्पा चोगुङ् पिरुङ्सिङ् हे़क्क्याङ् खे़ङ्हाॽरे़ खुन्छिॽ लुम्मो निङ्वाॽ के़माबा याःम्बक्हाॽ चोगुङ्बान् खिनिॽ सामे़न्छाॽहाॽ मे़प्मा के़सुक्तुम्सिम्ल॥ हे़क्क्याङ् खिनिॽ के़रे़क्ले़ आङ्गाॽ यहवे दाङ्बाआ फाॽआङ् कुसिङ् के़निःत्तुम्ॽ॥”
हे़क्क्याङ् आदाङ्बारे़ के़मना इस्राइलिहाॽ आत्तिन्हाॽनु तङ्मा सुक्मे़दे़त्ताङ्बे? इक्सादिङ् खाम्बेःक्मो योःग्बालाम् चोःक्युम्भो के़बिरुसिबा इस्राइलिहाॽ हे़क्तङ्बा वेॽ सुवाङ् आत्तिन्हाॽआङ् मे़होप्॥ आदाङ्बारे़ पयम् यम्बा नु किप्मा के़घुबा याःम्बक्हाॽलाम् मिस्र लाजेॽलाम् चोःक्युम्भो के़बिरुसिबा आप्फेक् के़मनाहाॽरे़ खुन्छिॽ तगि मे़न्छाम् सुवाङ्हाॽ के़नाःत्तु के़देसुसिआङ् आप्फेक् लागि मिङ्सो थाङ्सो के़जोगुआङ् वाॽ॥
यम्बयम्बा तुक्खे लाक्खेहाॽ, निङ्वाॽ के़माबा मिक्सेःन्हाॽ नु खे़न् ने़हिरे़ मे़न्धाप्मनाबा पयम् यम्बा याःम्बक्हाॽ आप्फेक् खिनिॽ मिक्किल्ले़ के़निसुम्॥ हे़क्क्याङ् खुने़ॽ कुमुक्साम् नु कुहुक्किन् सन्छुआङ् खुने़ॽ खिनिॽ के़लःत्ति के़भे़त्तिबान् खे़प्मो खिनिॽ आप्फेक् के़निसुम्माङ् के़वयि—हे़क्केलॽरिक्के यहवे दाङ्बा खिनिॽ निङ्वाॽफुमाङ्ङिल्ले़ खिनिॽ आल्लो के़गिरुम्सिम्बा खे़न् सुवाङ्हाॽआङ् हे़क्केए मे़त्तुसिॽ॥
यहवे दाङ्बा खिनिॽ निङ्वाॽफुमाङ्ङिल्ले़ खिनिॽ लागि मिस्र लाजेॽओ चोगुबा कुइसिक् आत्तिन् माङ्ङिल्ले़ कुसुवाङ्ङिन् वेॽसमा सुवाङ्लाम् लःत्तुसिआङ् आप्फेक् कुमना चोगुसिआङ् वाॽबे? खिनिॽए मिक् तगि खुने़ॽ पयम् यम्बा कुमुक्साम्मिन् नु कुमुक्किन् ओगप् चोगु॥ खुने़ॽ पयम् यम्बा माङ्दुक्मा नु ते़न्धङ् पोगे़र याःन्दु, ने़हिनिङ्वाॽरे़ मे़न्धाप्मनाबा नु निङ्वाॽ के़माबा याःम्बक्हाॽ चोगुआङ् किप्मा के़घुबा पाःन्हाॽ पोःक्खे़र याःन्दु॥
आक्खेलॽरिक् कन् फॽइःन् साप्पोःक्को लुम्बे़त् युम्मनाआङ् पत्, हे़क्केलॽरिक्के इस्राइल नु यहुदाबा के़रे़क् मे़न्छाम् याप्मिहाॽ आङ्गाॽनु मे़दङ्सिङ्ङाङ् मे़घिम्सिङ्ल फाॽआङ् आङ्गाॽ चोगुङ्सिङ्॥ खे़ङ्हाॽ आङ्गाॽ आप्फेक् आमना मे़बोङ्ल, खे़ङ्हाॽलाम्बा आङ्गाॽ आमिङ् पोङ्ल, आनारा फोमा पोङ्ल हे़क्क्याङ् मिङ्सो इङ्धाङ् मे़बिआर के़लॽबा आङ्गाॽ आनिङ्वाॽ वये़ कर खे़ङ्हाॽरे़ आइङ्जाङ्ङिन् मे़न्इःत्तुन् मे़न्नाःत्तुन्लो॥’”
खे़ने़ॽ वरःङ्ङिन् कुलुम्मो खुन्छिॽ तगि हर्गे़ॽ के़भःक्खुरो हे़क्क्याङ् के़मनाहाॽ से़ङ्से़ङ्बा खाम्बाङ्ङोलाम् नाधाःम्बि के़देॽरुसिरो॥ के़मनाहाॽ के़नाःप्पा के़भे़प्पाहाॽ ग खे़ने़ॽ कुदिम्बे केःम्बा च्वाःत्तो के़निःप्सु के़हुम्सुसिरो, के़गुङ्बा च्वाःत्तो लुङ्ङिन् हुम्लाःप्पा कुइसिक्, के़दिम्बा च्वाःत्तो खे़ङ्हाॽ मे़निबे़आङ् मे़स्ये़रो॥
Piblisite