यर्मिया 32:19 - लिम्बु19 खे़ने़ॽ सिक्कुम्दिङ् निङ्वाॽरे़ निलाम्हाॽ इत्छाप् के़जोगु हे़क्क्याङ् मुक्साम्बा याःम्बक्हाॽ के़जोगुॽ॥ मनाहाॽरे़ मे़जोगुबा के़रे़क् पाःन्हाॽ खे़ने़ॽ के़निसु खे़ब्याङ् खे़ङ्हाॽरे़ खुन्छिॽ याःम्बक् कुइसिक् खे़ङ्हाॽ थुम्घो के़बिरुसिॽ॥ Gade chapit la |
यर्मिया 32:19
35 Referans Kwoze
हे़क्क्याङ् इङ्गाॽ खे़ल्ले़ कुहुॽसाम्बाहाॽआङ् से़रुङ्सिङ्लो॥ हे़क्केलॽरिक् के़रे़क् सेसेहुप्लक्हाॽरे़ इङ्गाॽ मे़न्छाम्गे़न् याप्मिहाॽरे़ खुनिॽ निङ्वाॽ नु सिक्लुङ्मा के़निबा फाॽआङ् कुसिङ् मे़निःत्तारो॥ हे़क्क्याङ् इङ्गाॽ खिनिॽ याःम्बक् के़जोगुम्बा कुइसिक् खिनिॽ के़रे़क् पिनिङ्लो॥
थेआङ्भे़ल्ले़ आनिॽ लागि लत्छा ये़म्बित्छासा अङे़ःक्वाधिक् सावाःन्छिङ्ङाङ् वाॽरो॥ आनिॽ लत्छा ये़म्बित्छा साधिक् आम्बिरे़आङ् वाॽरो खुने़ॽए आनिॽ सम्धाङ् युक् चोगुरो॥ खुने़ॽ निङ्वाॽ के़माबा सुजादाङ्बा, मुक्साम्दाङ्बा निङ्वाॽफुमाङ्, नुप्मे़न्दिङ् पानुदिङ् पा, हे़क्क्याङ् सनारुङ्गे़न् हाङ्सा मे़मे़त्तुरो॥
इक्सादिङ् खाम्बेःक्कोबा के़रे़क् मनाहाॽ खुने़ॽ कुसुम् मे़न्दम्मना थेनाधेबा लेःत्तुसिरो॥ साङ्ग्राम्पेदाङ्बा मुक्साम्हाॽ नु खाम्बेःक्कोबा मनाहाॽ खुने़ॽ निङ्वाॽ इःत्तुबा कुइसिक् चोगुसिरो॥ आत्तिल्ले़आङ् खुने़ॽ कुहुक्किन् थेःक्मा मे़सुक्तुन्लो, इग्र हाःत्ले़आङ् खुने़ॽ अक्खेलॽरिक् सेःन्दोमा मे़सुक्तुन्लो, “खे़ने़ॽ थे़मा के़जोगुआङ् वाॽबे?”
थेआङ्भे़ल्ले़ आत्तिन्हाॽरे़ खुन्छि निङ्वान् खुने़ॽ ले़प्माङ् माङ्से़वा के़जोःक्पा चोक्, खे़ङ्हाॽ फाॽमासिरे़ लागि के़रे़क् इक्सादिङ् खाम्बेःक्कोए यहवे दाङ्बे़ल्ले़ ओमे़त्तुसिआङ् वाॽ॥ कन् पाःन्नो आदाङ्बारे़ मे़न्वाॽमना याःम्बक् के़जोगु॥ आल्लआङ्धो आदाङ्बारे़ थङ् चोःक्माआङ् पप्मा के़बोङ्बा पोङ्ॽ॥”
आल्ल खे़ने़ॽ साङ्ग्राम्पेदाङ्लाम् खे़प्से़आङ् खासे़न् चोगे़ॽओ॥ आप्तिक्साबे़न् आप्तिक्साबा लेःत्ते़ॽ हे़क्क्याङ् खे़ल्ले़ कुयाःम्बक्हाॽरे़ कुले़क्वा खुने़ॽए कुधे़गेःक्पो थासे़ॽर खे़ने़ॽ के़से़वारोबाहाॽरे़ खुन्छिॽ लुम्मो खासे़न् चोगे़ॽओ॥ कुदोःप्मान् कुदोःप्माए लेःत्ते़ॽओ, हे़क्क्याङ् खे़न् कुदोःप्मा कुयाःम्बक्कोए थधप् मे़ल्लॽए के़वाॽबा चोगे़ॽओ॥
मनाहाॽरे़ खुन्छिॽ हुक्किल्ले़ मे़न्छुए याक्पेॽओलाम् खक्ते़ ये़बा लुङ्ङिल्ले़ फे़न्जेॽ, कासा, पसाक्के़साक्पा खाम्, युप्पा नु साम्म्याङ्हाॽ खाप्पुथ्यःङ् चोगुबा आदाङ्बारे़ के़निसुबा लुङ्ङिल्ले़ कुबेन् हाबा कन्लो॥ के़रे़क्नुःल्ले़ यम्बा निङ्वाॽफुमाङ्ङिल्ले़ के़दाबा ये़म्मो के़बोङ्बा पाःन्हाॽ पयम् हाङ्ङिन् ओसेःन्गे़धाक्ते़आङ् वाॽ॥ खे़न् से़प्माङ्ङिन् से़क्खाबा नु खे़ल्ले़ कुबेन् नसान् चोःक्मा सुक्के़दे़प्पा चोक्लो॥”
Piblisite