यर्मिया 32:17 - लिम्बु17 “मुक्साम्दाङ्बा यहवे दाङ्बाए, खे़ने़ॽ पयम् यम्बा के़मुक्साम्मिन् नु के़धुम्मिल्ले़ साङ्ग्राम्पेदाङ् हे़क्क्याङ् इक्सादिङ् खाम्बेःक्मान् नावागे़न् चइःत् के़ने़स्सु॥ खे़ने़ॽ के़लागि थे़मा पाःन्नाङ् के़साक्पा होप्॥ Gade chapit la |
यर्मिया 32:17
49 Referans Kwoze
थेआङ्भे़ल्ले़ तुक्सि ये़न्नो यहवे दाङ्बे़ल्ले़ ताङ्साङ्बा, इक्सादिङ् खाम्बेःक्मा, वरःङ् नु खे़प्मो के़याक्पा के़रे़क् पाःन्हाॽ चोगु, कर नुसिगेक्पा ये़न्नो खुने़ॽ नाःम्सिङ्॥ खे़ल्ले़चोगुल्ले़ यहवे दाङ्बे़ल्ले़ नाःम्सिङ्मा ये़न्निन् हाङ्वागे़न् मुॽइसाम् पिरु, हे़क्क्याङ् खे़न् सेसे चोगु॥
हे़क्क्याङ् हिजकियाःल्ले़ यहवे दाङ्बाओ कन् पेलिन् तोःन्दु—“करुबहाॽरे़ खुन्छिॽ लुम्मो हाङ्युक्नाओ के़युङ्बा यहवे दाङ्बाए, इस्राइलबा निङ्वाॽफुमाङ्ङे, इक्सादिङ् खाम्बेःक्मोबा काक् हाङ्जुम्हाॽओ आदाङ्बारक् निङ्वाॽफुमाङ् के़वाॽ॥ साङ्ग्राम्पेदाङ् नु इक्सादिङ् खाम्बेःक्मान् खे़ने़ॽए नावागे़न् चइःत् के़जोगुबारो॥
“खे़ने़ॽग आनिगे दाङ्बा नु निङ्वाॽफुमाङ्ने़ॽरो॥ खे़ने़ॽग मिमिदिङ् नु मिङ्सो इङ्धाङ् हे़क्क्याङ् मुक्साम्रे़न् नारा फोसुम्बे़बा आनिगे सेवागे़न् साम्लोन् ताःक्मा सुम्बोधासाबा के़जोःक्लो, थेआङ्भे़ल्ले़ खे़ने़ॽग काक् पाःन्हाॽ नावागे़न् चइःत् के़जोगु, हे़क्क्याङ् सिक्कुम्दिङ् के़निङ्वाॽलाम् खे़ङ्हाॽ मे़बोःक्खे़, हे़क्क्याङ् हिङ्मन् के़बिरुसिआङ् वाॽरो॥”
हे़क्क्याङ् इस्राइलिहाॽरे़ अक्खेलॽरिक् पेलिगे़न् तुवा मे़जोगुरो— “निङ्वाॽफुमाङ्ङे, खे़ने़ॽरक् यहवे दाङ्बा के़वाॽरो, खे़ने़ॽ खेसे-खेःम्सिक्पाहाॽ, ताङ्साक्पा नु साङ्ग्राम्पेदाङ्ङिन् के़जोगुरो॥ खे़ने़ॽ इक्सादिङ् खाम्बेःक्मान्, वरःङ्हाॽ नु खे़प्मो के़याक्पा के़रे़क् के़जोगुसिरो, खे़ङ्हाॽ के़रे़क् खे़ने़ॽ हिङ्मन् के़बिरुसिरो॥ साङ्ग्राम्पेदाङ्बा मुक्साम्हाॽ अःक्खुम् मे़बत्ताङ् खे़ने़ॽ से़वा के़म्मे़त्लो॥
निङ्वाॽफुमाङ् यहवे दाङ्बे़ल्ले़ अक्खे पाःत्तुरो— ताङ्साङ्बे़न् के़जोःक्पाआङ् खे़न् के़घिङ्बे़न्, हे़क्क्याङ् इक्सादिङ् खाम्बेक् नु खे़प्मोलाम् के़लःम्बा के़रे़क् मे़बोःन्ल मे़धे़ॽर के़याःम्बा, खे़ब्याङ् खे़प्मो के़वाॽबा मनाहाॽ साःङ्गु सक्मा के़बिबा खे़म्ब्याङ् खे़ॽयो लाङ्गे़घेःक्पाहाॽ याम्साम् के़बिबा—
“आदाङ्बासे, कन् थे चोःक्मा के़इःत्तुम्बाबे? आन्छिगेग बा खिनिॽ हे़क्के मे़न्छाम्गे़न् याप्मिसिगे़रो! खिनिॽ कन् हने़बा नावाइत्लान् से़वा चोःक्मा ले़रे़म्मे़ॽआङ् ताङ्साक्पे़न्, इक्सादिङ् खाम्बेःक्मान्, वाहङ्हाॽ हे़क्क्याङ् खे़प्मो के़वाॽबा के़रे़क् पाःन्हाॽ नावागे़न् चइःत् के़ने़बा आजुनि निङ्वाॽफुमाङ्ङिल्लो नुःक्खे़म्मे़ॽ फाॽआङ् सुनाइङ् इङ्भन् चोःक्से़ आन्छिगे कप्मो त्ये़त्छिगे़बारो॥
आङ्गाॽ कन् माङ्निङ्वाॽपान्निन् पाःत्तुङ्ल पत्छाङ्ङिल्ले़सा बनायाहःल्ले़ कुस्सा पलत्याहन् स्ये़॥ खे़ब्याङ् आङ्गाॽ खाम्मो साम्बोन् हबत् फन्छिङ्ङाङ् हे़क्क्याङ् फिरिक् फिःक्ताङ्ल पाःत्तुङ्, “मुक्साम्दाङ्बा यहवे दाङ्बाए थे से़क्खा खे़ने़ॽ इस्राइलओ के़नम्बाआङ् के़वाॽबाहाॽ के़रे़क् के़स्ये़रुसिबि?”
खे़ङ्हाॽरे़ लाःक्कात् मे़से़रुसिर मे़यागे़ल्ले़, आङ्गाॽरक् एःक्से़त्छा वयाङ्॥ आङ्गाॽ आनारान् खाम्बाङ्ङो साम्बोन् हबत् फत्छुङ्ङाङ् हाबाङ्, “मुक्साम्दाङ्बा यहवे दाङ्बाए! थे खे़ने़ॽ यरुसले़ःम्मिल्ले़ कुदक्ले़ङ्वाओ साॽरिक् के़याःक् ले़ॽमारे़ इस्राइलओ के़नम्बाआङ् के़वाॽबाहाॽ वरे़ङ्ले़ङ् के़से़रुसिबि?”
“आनिगे लागि यहवे दाङ्बान् से़ःन्लाप्ते़ आबिरे़ॽ थेआङ्भे़ल्ले़ बेबिलोनबा हाङ् नबुकदनेसरे़न् नु खे़ल्ले़ कुधक्सुबाहाॽ आनिगे ये़क्यक्किन् हुक्काप् चोःक्मा फाॽआङ् मे़दार मे़बत्॥ से़क्खाःल्ले़ के़बेःक्पा ये़म्मो यहवे दाङ्बे़ल्ले़ आनिॽ लागि निङ्वाॽ के़माबा याःम्बक् चोगुबा हे़क्के आल्लआङ् चोगुआङ् नबुकदनेसरे़न् नुःक्तुदेसुबि॥”
Piblisite