यर्मिया 31:9 - लिम्बु9 आङ्गाॽ आमनाहाॽ नुःक्तुङ् तारुङ्सिङ्ङिल्ले़ मे़हाःप्लो हे़क्क्याङ् पेलिगे़न् तुवा चोःक्नु मे़नुःङ् मे़दारो॥ आङ्गाॽ मनाहाॽ वहःङ् यङ्घङ्लाम्बा लाम् तोःन्दुङ्सिङ्लो, आघघबा के़होप्पा के़दङ्बा लाम्मो लाङ्घेःक्खुङ्सिङ्लो॥ आङ्गाॽ इस्राइलिहाॽरे़ लागि खुन्छिॽ पानुदिङ् पाआरो खे़ब्याङ् एफ्राइम्मिन् आङ्गाॽ आस्सा तुम्बारो॥ Gade chapit la |
यर्मिया 31:9
43 Referans Kwoze
“एफ्राइमे़न्, के़रे़क्नुःल्ले़ लुङ्माॽ तुक्तुङ्बा आस्सारो, के़रे़क्नुःल्ले़ यरिक् आलुङ्माॽ स्याःत् के़लॽबा आस्सारो कुदक्ले़ङ्वाओ पाःत्तासाङ् मिःम्जिनु निङ्वाॽ इःत्तुङ्लो॥ खुने़ॽ कुलागि आलुङ्माॽ फ्याःङ्भ्याःङ् लॽरो, कुत्चाॽए आङ्गाॽ खुने़ॽ लुङ्माॽ तुक्तुङ्लो॥ आङ्गाॽ यहवे दाङ्बे़ल्ले़ पाःत्तुङ्लो॥
हे़क्क्याङ् आङ्गाॽ दाउदरे़ कुहिम्सयङ् नु यरुसले़म के़युङ्बाहाॽओ लुङ्गुम् हे़क्क्याङ् पेलिगे़न् तुवा के़जोःक्पा याम्साम्मिन् पाङ्घुङ् युसुङ्ॽ॥ खे़ङ्हाॽरे़ मे़धुबुबान् ओमे़मे़त्तु, हे़क्क्याङ् लत्थिक्पा साःल्ले़ कुलागि कुभा मे़रिङ् थक्पा कुइसिक् खुने़ॽ कुलागि खे़ङ्हाॽ मे़रिङ् मे़धक्, तुम्बा साःल्ले़ कुलागि मे़रिङ् मे़धक्पा कुइसिक् खे़ङ्हाॽ साॽरिक् मे़रिङ् मे़धक्लो॥
यहवे दाङ्बे़ल्ले़ अक्खे पाःत्तुरो, “इस्राइलए, खे़ने़ॽ आबाङे आबुगे़न् आस्सा चोःक्माने़ आनिङ्वाॽ वये़रो लत्थिक् सुक्खेवाबा लाजेॽ नु खाम्बेःक्मोबा के़रे़क्नुःल्ले़ के़वे़म्बा लाजेॽ पिमाने़ निङ्वाॽ चोगुङ्ङाङ् वये़रो, खे़ने़ॽ आङ्गाॽ ‘आम्बौ’ लॽरिक् याप्मि के़उःत्ति फाॽआङ् इःत्तुङ्ङाङ् वये़रो हे़क्क्याङ् आङ्गाॽ आप्फाल्ले़आङ् याप्मि के़ल्ले़त्ने़म्बा आनिङ्वाॽ वये़रो॥
खिनिॽग साङ्ग्राम्पेदाङ्ङो खुनिॽ मिङ्हाॽ साप्ते़आङ् के़वाॽबा तुम्बालक् के़घोबाहाॽरे़ खुनिॽ चुम्लुङ्ङो के़द्ये़ॽइआङ् के़वयिॽरो॥ खिनिॽग काक् मनाहाॽरे़ खुनिॽ खासे़न्दाङ्बा निङ्वाॽफुमाङ्ङिल्लो, हे़क्क्याङ् कुलिङ्दो के़गे़प्पा मे़जोगे़बा साम्योबाहाॽरे़ खुनिॽ याम्साम्लुम्मो के़द्ये़ॽइआङ् के़वयिॽरो॥
आङ्गाॽ मिक्फःम्बाहाॽ खे़ङ्हाॽरे़ मे़न्निसुम्बा लाम्मो लाम्लोसुङ्सिङ्लो॥ खे़ङ्हाॽरे़ कुसिङ् मे़न्निःत्तुम्बा लाम्मिन् खे़ङ्हाॽ ओसेःन्धाक्तुङ्सिङ्लो॥ आङ्गाॽ खे़ङ्हाॽरे़ खुन्छिॽ तगि खागे़माक्पे़न् खागे़ओःप्पा चोगुङ्लो हे़क्क्याङ् पाक्लुम् उःक्चम् के़लॽबा ते़न्हाॽ ले़प्पे़प्पा तङ्सुङ्लो॥ आङ्गाॽ कन् याःम्बक्हाॽ चोगुङ्लो, आङ्गाॽ खे़निॽ मे़ले़त्ने़न्निङ्लो॥
“इस्राइलबा सेसेबा निङ्वाॽफुमाङ्, खे़ङ्हाॽ नावागे़न् चइःत् के़जोःक्पा निङ्वाॽफुमाङ्, यहवे दाङ्बे़ल्ले़ अक्खे पाःत्तुरो— ‘खे़ने़ॽ ताःन्दि पोङ्मा के़इःप्पा पाःन्निल्ले़ कुयाःम्बेॽओ सेःन्गे़दोआबि? आङ्गाॽ आस्साहाॽ नु आहुक्किल्ले़ चोगुबा आयाःम्बक्किल्ले़ कुयाःम्बेओ मुरा के़मे़त्ताबाबि? खे़न् सेःन्लाप्मा के़युक् होप्लो!
Piblisite