यर्मिया 31:4 - लिम्बु4 हे़क्क्याङ् सिसागे़न् मे़न्छिन् इस्राइलए, आङ्गाॽ खे़ने़ॽ के़मनाहाॽ याम्मो चोगुङ्सिङ्लो॥ खे़ङ्हाॽ याम्मो थिक्ले़ङ् खित्छिङ्छिङ्बा ताहिप्पिन् मे़याङ्सिङ्लो खे़ब्याङ् खे़न् मे़हिम्तुर मे़सःत्ताङ् मे़लाःङ्लो॥ Gade chapit la |
हे़क्क्याङ् मे़न्छ्याहाॽ मे़सःत्ताङ् मे़लाःङ्लो, थाङ्बे़न् नु तुम्भाक्साहाॽरे़ खुन्छिॽ निङ्वाॽ तारो॥ खे़ङ्हाॽरे़ खुन्छिॽ मे़रिङ्ङिन् हाङ्हाङ् लॽमो ले़क्खुङ् पिरुङ्सिङ्लो॥ आङ्गाॽ खे़ङ्हाॽ आःन्छिङ्मा पिरुङ्सिङ्लो खे़ब्याङ् खे़ङ्हाॽ खुन्छिॽ निङ्वाॽ तुक्खे चामारे़ कुले़क्वाओ आङ्गाॽ खे़ङ्हाॽ मे़सःत्ल याःन्दुङ्सिङ्लो॥
यरुसले़ःम्मिल्ले़ कुस्सा मे़न्छुमाए, खे़ने़ॽ के़लागि आङ्गाॽ थे पाःप्तुङ्बाबे? आङ्गाॽ खे़ने़ॽ थेःन्नु कुदङ्बा तङ्ने़बाबे? सियोनरे़ कुस्सा मे़न्छ्याए, हाङ्हाङ् मे़प्मारे़ लागि खे़ने़ॽ थेःन्नु तङ्ने़बाबे? के़याङ्घेःक्किन् वरःङ् हे़क्के कुदिम्बे केःम्बा चोक्लो, हाःत्ले़ खे़ने़ॽ के़नुॽर याःम्मा के़सुक्काङ्बे?
खे़ल्ले़ कुदक्ले़ङ्वाओ यहवे दाङ्बे़ल्ले़ पाःत्तुबा पाःन्जाःक्किन् हाबा कन्लो— “‘सियोनरे़ कुस्सा सिसागे़न् मे़न्छ्याःल्ले़ खे़ने़ॽ चे़क्या इङ्दो के़मे़त्लो, हे़क्क्याङ् खे़ने़ॽ कुनामे़न्छाॽ के़मे़त्लो॥ खे़ने़ॽ के़घे़त्छिङ्ङाङ् के़बेःक्किल्ले़ यरुसले़ःम्मिल्ले़ कुस्सा मे़न्छुमाःल्ले़ खुने़ॽ कुधे़गेःक्किन् तघुम्तघुम् मे़त्तुरो॥
“दाङ्बे़ल्ले़ के़रे़क् आधक्सुबाहाॽ नाॽरुसिआङ् वाॽरो, आङ्गाॽ थाङ्बे़न् आमनाहाॽ तरःम्दरःम् लःम्मासिरे़ लागि आङ्गाॽ आदक्ले़ङ्वाओ के़धुम्बाहाॽ फुक्खुसिआङ् वाॽरो॥ खुने़ॽ चे़ल्ले़क्सेॽ एःम्मादे़न्नो, चे़ल्ले़क्सेॽ एःप्मनाबा हे़क्के यहवे दाङ्बे़ल्ले़ यहुदाःल्ले़ सिसागे़न् कुस्सा मे़न्छ्यान् युःत्तुआङ् वाॽरो॥
लाम्मो मिक्सेःन्हाॽ फत्छे़ॽओ हे़क्क्याङ् लाम् ओःन्गे़धाक्पा मिक्पेॽ युक्खे़ॽओ, निङ्वाॽ याक्मारे़ लागि माराम्हाॽ मिक्सेन् मे़त्ते़ॽओ खे़ने़ॽ के़बेबा लाम्मो नुःक्खे़ त्ये़ॽओ॥ सिसागे़न् मे़न्छ्या इस्राइलए, खे़ने़ॽ नुःक्खे़ त्ये़ॽओ खे़ने़ॽ के़ले़रुबा आबाङे ये़क्यक्को नुःक्खे़ त्ये़ॽओ॥
खे़ङ्हाॽ अक्खे मे़प्मासि इङ्जाङ् पिराङ्लो, “आङ्गाॽ आमिक्कोलाम् से़न्दिक् ले़न्दिक् आमिक्वा ते़रे़रे़ थाप्लो॥ खे़न् आप्फाल्ले़आङ् चक्मे़लॽने़ल्लरो थेआङ्भे़ल्ले़ सिसागे़न् मे़न्छ्या आस्सा इस्राइलरे़ साॽरिक् तुक्खे तुमुआङ् वाॽरो खे़ब्याङ् आमनाहाॽ यम्बा तुक्खेओ मे़ध्ये़आङ् मे़वाॽरो॥
कल्ले़चोगुल्ले़ खुने़ॽ कुदक्ले़ङ्वाओ यहवे दाङ्बे़ल्ले़ पाःत्तुबा पाःन्निन् हाबा कन्लो, “सियोने़ल्ले़ सिसागे़न् कुस्सा मे़न्छुमाःल्ले़ खे़ने़ॽ कुनामे़न्छाॽ के़म्मे़त्ताङ् एःत्लो॥ यरुसले़म ये़क्यक्किल्ले़ कुस्सा मे़न्छुमाःल्ले़ कुधे़गेःक्किन् तघुम्तघुम् मे़त्तुर लासाक् के़मे़त्लो॥
कर यहवे दाङ्बे़ल्ले़ याम्मो थिक्ले़ङ् याकुबरे़ कुमुॽइदाङ्साहाॽ लुङ्माॽ तुक्तुसिरो॥ हे़क्क्याङ् इस्राइलि मे़न्छाम् सुवाङ्हाॽ याम्मो थिक्ले़ङ् खुने़ॽ कुमना पोङ्से़ सेगुसिरो॥ यहवे दाङ्बे़ल्ले़ खे़ङ्हाॽ याम्मो आबाङे खुन्छिॽ लाजेॽओ युङ्से़ तारुसिरो॥ हे़क्क्याङ् यरिक् वेॽ वेॽ लाजेॽहाॽलाम् मनाहाॽ मे़दाआङ् खे़ॽयो मे़भुङ्सिङ्लो हे़क्क्याङ् इस्राइलबा मनाहाॽनु खुन्छिॽ थिक्हुप् मे़बोङ्लो॥