यर्मिया 31:34 - लिम्बु34 खे़ङ्हाॽरे़ खुन्छिॽ हिम्बेसाङ्बाहाॽ इग्र फुॽनुसाॽहाॽ यहवे दाङ्बान् कुसिङ् निःप्मारे़ लागि आत्तिन्हाॽआङ् हुॽमासि मे़बोङ्ने़न्लो थेआङ्भे़ल्ले़ यम्बा चुक्पा के़रे़क्ले़ कुसिङ् मे़निःत्तारो॥ खे़ङ्हाॽ खुन्छिॽ फे़न्याःम्बक्लाम् ले़प्मि पिरुङ्सिङ्लो हे़क्क्याङ् खुन्छिॽ लायोहाॽ आफाल्ले़आङ् निङ्वाॽ मे़इःत्तान्लो॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽरो॥” Gade chapit la |
यर्मिया 31:34
42 Referans Kwoze
कर खिनिॽओग ख्रिस्तरे़ के़बिरिबा सेसेमाङ्ङिल्ले़न् माङ्धुक्नाःन् वाॽ याःक्लो॥ हे़क्क्याङ् खिनिॽ के़हुॽबा हाःत्ताङ् चाहाबा के़न्जोगिन्, कर सेसेमाङ्ङिल्ले़ के़रे़क् पाःन्निल्ले़ कुयाःम्बेओ के़हुॽरिॽ॥ खे़न् के़हुॽरिबा पाःन्निङ्ग इङ्ले़क् मेःन्लो, कर से़क्खाएरो॥ हे़क्केःल्ले़ सेसेमाङ्ङिल्ले़ के़हुॽरिबा निसाम्मिन् इःत्ते़म् नाःत्ते़म्मे़ॽआङ् ख्रिस्ते़न् मे़ल्ले़त्ते वये़म्मे़ॽओ॥
निङ्वाॽफुसान् ये़आङ् वाॽ फाॽआङ् कुसिङ् आनिःत्तुम्, हे़क्क्याङ् से़क्खाबा निङ्वाॽफुमाङ्ङिन् कुसिङ् आनिःत्तुम्ल फाॽआङ् सिक्कुम्दिङ् निङ्वाॽ आबिरे़आङ् आवाॽरो॥ हे़क्क्याङ् आल्लो आनिॽ से़क्खाबा निङ्वाॽफुमाङ्ङिन्नु हे़क्क्याङ् आबुगे़न् कुस्सा ये़सु ख्रिस्ते़न्नु सोरिक् आवाॽरो॥ खुने़ॽए से़क्खाबा निङ्वाॽफुमाङ् नु मे़न्नुप्मनाबा हिङ्मन्लो॥
खे़न्नुःल्ले़ वेॽ यहवे दाङ्बे़ल्ले़ आबाङे कुमनाहाॽरे़ खुन्छिॽ याङ्घेःक्हाॽ इभुत्तु पिरुसि, हे़क्क्याङ् खुने़ॽ खाःन्दुसिबा खे़ङ्हाॽरे़ खुन्छिॽ याङ्घेःक्हाॽ वेःत्ल याःन्दु खे़न् ये़न्नो लाबे़न् नाम् कुसिङ् ओःत् हे़क्क्याङ् नाम्मिन् वेॽ ये़न्नुःल्ले़ नुसिले़ङ् यारिक् साॽरिक् ओःत्लो॥
“हे़क्क्याङ् खे़ने़ॽ सोलोमन आङ्गाॽ आस्साःल्ले़ग, खे़ने़ॽ के़म्बारे़ कुनिङ्वाॽमाङ्ङिन् आप्फेक् के़निङ्वाॽफुमाङ् इःत्ते़ॽ, हे़क्क्याङ् के़रे़क् के़सिक्कुम् निङ्वाॽ नु के़निङ्वाॽ तामा निङ्वाॽरे़ खुने़ॽ कुमाङ्सेवा चोगे़ॽ॥ थेआङ्भे़ल्ले़ यहवे दाङ्बे़ल्ले़ के़रे़क् सिक्कुम्दिङ् निङ्वाॽहाॽ साॽरुॽ हे़क्क्याङ् मनारे़ के़रे़क् चोःक्मा निङ्वाॽ मे़जोगुबा नु मे़इःत्तुबा चइःत् पाःन्हाॽ निङ्वाॽ खोसुॽ॥ खे़ने़ॽ खुने़ॽ के़गोत्तुने़भग्र खुने़ॽ के़घोसुॽ, कर खुने़ॽ के़ले़रुने़भग्र खुने़ॽ सदादिङ्ले़ लागि खे़ने़ॽ के़नाॽ॥
आङ्गाॽ खे़ङ्हाॽनु आभे़ल्ले़आङ् मे़न्नुप्मनाबा लत्छा माङ्हुप् चोगुङ्ॽ॥ खे़ङ्हाॽरे़ खुन्छिॽ लागि नुॽमादामा के़बोङ्बा याःम्बक् चोःक्मा आङ्गाॽ आफाल्ले़आङ् मे़ले़रुङ्ङिन् हे़क्क्याङ् आबाङे खुन्छिॽ के़रे़क् सिक्लुङ्माल्ले़ आङ्गाॽ याप्मि इङ्धाङ् के़बिबा खे़ङ्हाॽ चोगुङ्सिङ्ॽ खे़ब्याङ् खे़ङ्हाॽ आफाल्ले़आङ् आङ्गाॽलाम्बा मे़न्इःम्सिङ् मे़म्बेःक्ने़न्॥
Piblisite