यर्मिया 31:32 - लिम्बु32 खे़ङ्हाॽरे़ खुन्छिॽ पाधे़बाहाॽनु आङ्गाॽ चोगुङ्बा माङ्हुप् हे़क्तङ्बा खे़न् मे़बोङ्ने़न्लो मिस्रलाम् लःत्तुङ् फे़त्तुङ्सिङ्ङिल्ले़ खे़ङ्हाॽ खुन्छिॽ हुक्को ते़म्सुङ् फे़त्तुङ्सिङ्लो॥ आङ्गाॽ खे़ङ्हाॽरे़ खुन्छिॽ हिम्दाङ्बा कुइसिक् वयाङ्लो हे़क्केसाङ् खे़ङ्हाॽरे़ खे़न् माङ्हुप्पिन् मे़भेःन्दुरो,” यहवे दाङ्बे़ल्ले़ पाःत्तुरो॥ Gade chapit la |
यर्मिया 31:32
43 Referans Kwoze
हे़क्क्याङ् आङ्गाॽ याम्मो लाङ्घेगाङ्ङिल्ले़, खे़ने़ॽ नानुॽमा के़ये़म् के़रे़बा निने़॥ खे़ल्ले़चोगुल्ले़ आङ्गाॽ आजाङ्ङिल्ले़ खे़ने़ॽ ले़क्चाबुधुःक्पा के़धक्किन् ते़प्तुङ् पिने़ हे़क्क्याङ् खे़ने़ॽनु मेःक्खिम् चोःक्मा माङ्हे़क् चोगुङ्॥ आङ्गाॽ खे़ने़ॽनु माङ्हुप्पाङ् चोगुङ् मुक्साम्दाङ्बा यहवे दाङ्बे़ल्ले़ पाःत्तुॽ, खे़ब्याङ् खे़ने़ॽ आङ्गाॽइन् के़बोःक्खे़॥
यहवे दाङ्बे़ल्ले़ आङ्गाॽ मे़त्ताङ्, “खे़ने़ॽ के़मेःत्तिन् वेॽ ये़म्बित्छाःल्ले़ लुङ्माॽ तुक्तुॽ हे़क्क्याङ् खुने़ॽ याम्बोःप्मा याःम्बक् के़जोःक्मा चोःक्साङ् खे़ने़ॽ पेगे़ॽआङ् खुने़ॽ लुङ्माॽ तुक्ते़ॽ॥ इस्राइलिहाॽ वेॽ माङ्हाॽ ले़प्माङ् मे़हिसिङ्ॽ हे़क्क्याङ् खे़न् खे़ङ्मनाबा चे़ल्ले़क्सेॽ सेसे खरे़ःङ्हाॽ खुन्छिॽ सिराॽथाङ्ॽ, हे़क्केसाङ् यहवे दाङ्बे़ल्ले़ खे़ङ्हाॽ लुङ्माॽ तुक्तुसिबा कुइसिक् खे़ने़ॽ के़मेःत्तिन् लुङ्माॽ तुक्ते़ॽ॥”
कन् कुसङ् माङ्हुप्पिङ्ग मिस्रलाम् आहुक्किल्ले़ ते़म्सुङ्सिङ्ङाङ् लाम्लोसुङ् लःत्तुङ्सिङ्बाहाॽरे़ खुनिॽ थाःक्थे़बाहाॽनु चोगुङ्बा माङ्हुप्पिन् कुइसिक् मे़बोङ्ने़ल्लो॥ थेआङ्भे़ल्ले़ खे़ङ्हाॽग इङ्गाॽ चोगुङ्बा माङ्हुप्पो नसाःन्साबा मे़म्बोःक्खे़न् हे़क्क्याङ् कम्ब्राङ् मे़प्मा ले़रुङ्सिङ्लो लॽरिक् यहवे दाङ्बाल्ले़ पाःत्तुॽरो॥
निङ्वाॽफुमाङ्ङिल्ले़ नागे़हे़त्तिबा कुइसिक् इङ्गाॽआङ् नाहे़त्निङ्ङाङ् वाॽआ, थेआङ्भे़ल्ले़ इङ्गाॽग इत्थुङ्गे़न् नालिसाङ् ख्रिस्ते़न्नुरक् मेःक्खिम् चोःक्मा पिमा माङ्हे़क् चोगुङ् पिनिङ्ङाङ् वाॽआ॥ हे़क्केलॽरिक् खिनिॽ सेसेमा सिसामेःत् कुइसिक् खुने़ॽओए तोःम्मा सुक्निङ्ल के़लॽबा निङ्वाॽ कत्तुङ्लो॥
यम्मे़ल्ले़ कुमिङ् ओहोला वये़, हे़क्क्याङ् खुने़ॽ कुन्साॽरे़ कुमिङ् ओहोलिबा वये़॥ आङ्गाॽ खुन्छिॽ ते़न्धाम् मेःक्खिम् लिःक्खुङ्सिङ्, खे़ब्याङ् खुन्छिॽ आङ्गाॽ आलागि ये़म्बित्छासाहाॽ नु मे़न्छुमा साहाॽ कत्ते़सु पिराङ्सिङ्॥ आङ्गाॽ सामरिया नु यरुसले़मरे़ खुन्छिॽ याःम्बेओ पाःत्तुङ्ल पत्ता, थेआङ्भे़ल्ले़ ओहोलाःन् सामरिया नु ओहोलिबाःन् यरुसले़मरो॥
‘खे़ङ्हाॽरे़ खे़निॽ हुक्को मे़सङ्घुसिबा खे़निॽ हिब्रु फुॽनुसाॽहाॽ तङ्बे नुसि के़प्पा ये़म्मो चोःक्युम्भो पिमासि पोङ्ॽ॥ तङ्बे तुक्सि थारिक् खिनिॽ याःम्बक् मे़जोगु मे़सुरु के़म्बिरिआङ् खे़ङ्हाॽ ले़प्मासिए पोङ्ॽ॥’ कर खिनिॽ पाधे़बाहाॽरे़ आङ्गाॽ आबाःन्निन् निङ्वाॽ मे़म्बिरुन् हे़क्क्याङ् आङ्गाॽ पाःत्तुङ्बा हे़क्के मे़न्जोगुन्॥
“खे़ने़ॽ कन् इङ्घङ्ङिन् यरुसले़ःम्मो के़वाॽबाहाॽ के़रे़क् मे़त्ते़से़ॽ, यहवे दाङ्बे़ल्ले़ अक्खे पाःत्तुरो— “इस्राइलए, खे़ने़ॽ के़धाङ्बे़न् वे़म्मो आक्खे़न् नसाःन्साबा के़वये़ के़लॽबान् आङ्गाॽ आनिङ्वाॽसुम्मो वाॽरो, सिसामेःत्तिल्ले़ हे़क्के खे़ने़ॽ मिःम् के़मे़त्ताङ्लो॥ मुरे़क् खारे़क् थेआङ् के़होप्पादे़न्नो, थेआङ् मे़न्लिङ्मनाबा चिजि खक्खक्पा एःक्सादे़न्नो खे़ने़ॽ आङ्गाॽ आएगाङ् आएगाङ् के़नाःत्ताङ्लो॥
इक्सादिङ् खाम्बेःक्मो के़युङ्बा मनाहाॽरे़ खुन्छिॽ लायोल्ले़ चोगुल्ले़ कन् इक्सादिङ् खाम्बेःक्मान् चिःन्जिःन् के़घुबा पोःक्खे़आङ् ने़रो॥ थेआङ्भे़ल्ले़ खे़ङ्हाॽरे़ निङ्वाॽफुमाङ्ङिल्ले़ कुइङ्जाङ्ङिन् मे़भेःन्दुआङ् वाॽरो, कुभाङ्हाॽ मे़भेःन्दुआङ् वाॽरो हे़क्क्याङ् सदादिङ्बा माङ्हुप्पिन् इःप्मा नाःप्मा मे़ले़रुआङ् वाॽरो॥
हे़क्क्याङ् यहवे दाङ्बे़ल्ले़ मोसान् मे़त्तु, “खे़ने़ॽ के़म्बा के़धाःक्थे़बाहाॽ कुइसिक् खे़ने़ॽ सिमा के़जोक्॥ खे़ने़ॽ के़सिआङ् एगाङ् खे़ङ्हाॽ मे़लाःप्पा लाजेॽओ मे़गे़त्ताङ् कन् मनाहाॽरे़ हाराए वेॽ लाजेॽबा माङ्हाॽ ले़प्माङ् मे़लात् हे़क्क्याङ् याम्साम्मो याम्बोःप्मा याःम्बक् मे़जोगुॽ॥ आङ्गाॽ मे़ले़त्ताआङ् खे़ङ्हाॽनु चोगुङ्बा माङ्हुप्पिन् खे़ङ्हाॽरे़ मे़भेःन्दुॽ॥
खे़ङ्हाॽरे़ ये़त्तुक्खे मे़दुमुबा फे़न्जेॽ योःम्मादे़न् हे़क्तङ्बा मिस्र लाजेॽलाम्बा आङ्गाॽ खे़ङ्हाॽ लःत्तुङ् थाक्तुङ्सिङ्ङिल्ले़ कन् माङ्हुप्पिन् आङ्गाॽ खे़ङ्हाॽरे़ खुन्छिॽ पाधे़बाहाॽनु खे़न् ये़म्मो चोगुङ्ङाङ् वयाङ्॥ आङ्गाॽ आइङ्जाङ्ङिन् खे़ङ्हाॽ इःत्ते़म्मे़ नाःत्ते़म्मे़ॽ हे़क्क्याङ् खे़न् हे़क्के के़रे़क् याःम्बक्हाॽ चोगे़म्मे़ॽ मे़त्तुङ्सिङ्ङाङ् वयाङ्॥’ आङ्गाॽ खिनिॽ मे़त्निङ्, ‘आङ्गाॽ आइङ्जाङ्ङिन् के़इःत्तुम् के़नाःत्तुम्ने़भग्र खिनिॽ आमना के़बोःक्खिॽ खे़ब्याङ् आङ्गाॽ खिनिॽ निङ्वाॽफुमाङ् पोङ्ङा॥
आङ्गाॽ खे़ङ्हाॽ आत्तिन् लाम्मो लाङ्घेःक्मा इङ्जाङ् पिरुङ्सिङ्ङाङ् वये़, खे़ङ्हाॽरे़ खे़न् लाम्मिन् साॽरिक् हारा मे़ले़रुआङ् थिक्नाहाङ् मे़बेआङ् मे़वाॽ॥ खे़ङ्हाॽरे़ खुनिॽ लागि साम्म्याङ्ङिन् मे़योन्दुआङ् पित्सात्तिल्ले़ कुजइःत्तो नावाइत्ला मे़धगु हे़क्क्याङ् खे़न् माङ्से़वा मे़मे़त्तुआङ् मे़वा, खे़ब्याङ् खे़ल्ले़ए कुलागि सिदुङ्जभा मे़दोन्दुआङ् अक्खे मे़बाःत्तुआङ् मे़वाॽ, ‘इस्राइलिसे, मिस्रलाम् खिनिॽ के़लःप्पा के़भे़प्पा खिनिॽ माङ्ङिन् आम्भा कन्लो॥’”
कन्हाॽरे़ खुन्छिॽ पाधे़बाहाॽ आङ्गाॽ माङ्हे़क् चोगुङ्सिङ्ङाङ् पिमासि माङ्हुप् चोगुङ्बा पित्नु नु सक्वाघु के़गुङ्बा लाजेॽओ आङ्गाॽ खे़ङ्हाॽ के़त्तुङ्सिङ्ङाङ् एगाङ्, खे़ङ्हाॽरे़ मे़ज मे़धुङुॽ हे़क्क्याङ् वेॽ माङ्हाॽ ले़प्माङ् मे़लाःत्ताङ् कन्हाॽ से़वा मे़मे़त्तुसिॽ, हे़क्क्याङ् आङ्गाॽ मे़नाॽआयाङ् आङ्गाॽ चोगुङ्बा माङ्हुप्पिन् मे़भेःन्दुॽ॥
Piblisite