यर्मिया 31:21 - लिम्बु21 लाम्मो मिक्सेःन्हाॽ फत्छे़ॽओ हे़क्क्याङ् लाम् ओःन्गे़धाक्पा मिक्पेॽ युक्खे़ॽओ, निङ्वाॽ याक्मारे़ लागि माराम्हाॽ मिक्सेन् मे़त्ते़ॽओ खे़ने़ॽ के़बेबा लाम्मो नुःक्खे़ त्ये़ॽओ॥ सिसागे़न् मे़न्छ्या इस्राइलए, खे़ने़ॽ नुःक्खे़ त्ये़ॽओ खे़ने़ॽ के़ले़रुबा आबाङे ये़क्यक्को नुःक्खे़ त्ये़ॽओ॥ Gade chapit la |
यर्मिया 31:21
23 Referans Kwoze
“यरुसले़ःम्बा मनासे, ये़क्यक्कोलाम् लःन्दे़म्मे़ॽआङ् पेगे़म्मे़ॽओ हे़क्क्याङ् खे़निॽ के़नुःङ्बा के़दाबा आमनाहाॽरे़ लागि लत्छा लाम् चोगे़म्मे़ॽओ! लाम्धिक् यारिप् चोगे़म्मे़ॽओ, खे़म्मोबा लुङ्हाॽ खे़त्ताम्मे़ॽओ! लत्छा मिक्सेःन्धिक् लेःत्ताम्मे़ॽओ हे़क्क्याङ् के़रे़क् मे़न्छाम् सुवाङ्हाॽरे़ खे़न् मे़निसुररो॥
बेबिलोनलाम्बा लःन्दे़म्मे़ॽआङ् पेगे़म्मे़ॽओ, बेबिलोनबा मनाहाॽलाम् खे़त्तासिम्मे़ॽओ॥ के़सःप्पा इक्लाःल्ले़ अःक्ताम्मे़ॽर कन् पाःन्निन् उवा चोगे़म्मे़ॽओ॥ इक्सादिङ् खाम्बेःक्माल्ले़ नासमा कुयाओ थारिक् कन् पाःन्निन् चे़क्ताम्सिम्मे़ॽओ॥ “यहवे दाङ्बे़ल्ले़ आबाङे कुसे़वारोबा याकुबे़न् चोःक्युम्भो पिरुआङ् वाॽ” पाःत्ताम्मे़ॽओ॥
खुने़ॽ आङ्गाॽ मे़त्ताङ्, “नासिगे़न् थक्ला के़गप्पा मे़न्छाम् याप्मिए, खे़ने़ॽ ओमे़त्ते़ॽ हे़क्क्याङ् खे़प्से़ॽ॥ आङ्गाॽ खे़ने़ॽ ओःन्धाक्ने़बा के़रे़क् पाःन्हाॽओ नुरिक् निङ्वाॽ पिरे़ॽ॥ आङ्गाॽ खे़ने़ॽ यरिक् पाःन्हाॽ ओःन्धाक्मा सुक्ने़र फाॽआङ् खे़ने़ॽ कप्मो के़म्भे़त्ते़आङ् वाॽ॥ खे़ब्याङ् खे़ने़ॽ इस्राइलबा मनाहाॽओ के़नुःङ् के़बेःक् हे़क्क्याङ् खे़ने़ॽ के़निसुआङ् वाॽबा के़रे़क् पाःन्हाॽ खे़ङ्हाॽ के़मे़त्तुसिरो॥”
ताभेलाम् के़घे़त्छिबासे़, लाःक्कात् लःन्दे़म्मे़ॽओ! मे़ये़बे़म्मिन्ने़ॽ, हे़क्क्याङ् ओमे़मयिन्ने़ॽओ, खिनिॽ के़सुक्तुम्मिल्ले़ खे़त्तासिम्मे़ॽओ! माःङ्घाबा लाजेॽओ खिनिॽ के़वयिसाङ्, यहवे दाङ्बान् निङ्वाॽ इःत्ते़म्मे़ॽओ, हे़क्क्याङ् यरुसले़ःम्मो के़ने़बा खिनिॽ पाङ्भेॽइन् निङ्वाॽ लिङ्घे़म्मे़ॽओ॥”
खे़न्नुःल्ले़ वेॽ आङ्गाॽ आनिङ्वाॽफुमाङ्ङिल्ले़ कुहिम्मिन् आसिराॽथाङे़बाल्ले़ चोगुल्ले़ आनिङ्वाॽफुमाङ्ङिल्ले़ कुहिम्मिल्ले़ लागि आङ्गाॽ आप्फेक् आधाःङ्ङोलाम् साम्म्याङ् नु युप्पा लःत्तुङ्ल पत्ता॥ कङ्ग सेसे माङ्हिम्मे़ल्ले़ लागि आङ्गाॽ फुक्खुङ्बा के़रे़क् चिगक्वा सामाहाॽनुःल्ले़ वेॽ पाःन्लो॥
खुने़ॽ योॽरुर पाःत्तु, “आङ्गाॽ आइन् साॽरिक् निङ्वाॽ इःत्छिङ्ङाआङ् खिनिॽ मे़त्निङ्बा के़रे़क् पाःन्जाःक्हाॽ खिनिॽ निङ्वाॽओ युक्खे़म्मे़ॽ, हे़क्केलॽरिक् खिनिॽ साहाॽआङ् कन् साम्योथिम्मोबा के़रे़क् पाःन्जाःक्हाॽ सिङ्सिङ् ये़क्ये़क्काङ् इःप्मा नाःप्मारे़ लागि हुॽमा के़सुक्तुम्सिम्ल॥
यहवे दाङ्बे़ल्ले़ कुमनाहाॽ अक्खे मे़त्तुसिरो, “लिसि लाम् के़दुम्बा लाम्दोओ ये़बे़म्मे़ॽआङ् ओमये़म्मे़ॽओ॥ तगिबा लाम्हाॽ नु के़रे़क्नुःल्ले़ नुबा लाम्मिन् कोःत्ते़म्मे़ॽओ हे़क्क्याङ् खे़न् लाम्मो लाङ्घेगे़म्मे़ॽओ खे़म्ब्याङ् खिनिॽ हिङ्मन्निन् याम्नाःम् पोङ्लो॥” कर खे़ङ्हाॽरे़ मे़मे़त्तु, “आहाॽ, आनिगे हे़क्के मे़जोगुम्बे़न्लो॥”
Piblisite