यर्मिया 31:13 - लिम्बु13 हे़क्क्याङ् मे़न्छ्याहाॽ मे़सःत्ताङ् मे़लाःङ्लो, थाङ्बे़न् नु तुम्भाक्साहाॽरे़ खुन्छिॽ निङ्वाॽ तारो॥ खे़ङ्हाॽरे़ खुन्छिॽ मे़रिङ्ङिन् हाङ्हाङ् लॽमो ले़क्खुङ् पिरुङ्सिङ्लो॥ आङ्गाॽ खे़ङ्हाॽ आःन्छिङ्मा पिरुङ्सिङ्लो खे़ब्याङ् खे़ङ्हाॽ खुन्छिॽ निङ्वाॽ तुक्खे चामारे़ कुले़क्वाओ आङ्गाॽ खे़ङ्हाॽ मे़सःत्ल याःन्दुङ्सिङ्लो॥ Gade chapit la |
यर्मिया 31:13
22 Referans Kwoze
सियोन ये़क्यक्को मे़रिङ् के़धक्पाहाॽ खाप्पुःल्ले़ कुले़क्वा पघे़म् के़घे़म्बा तिच खुने़ॽ पिरुसिरो, मे़रिङ् थक्मारे़ कुले़क्वा सःप्मा एःप्मारे़ हाङ्वामुॽइ पिरुसिरो, निङ्साङ् के़होप्पाहाॽ नाराफोमा साम्लो पिरुसिरो, खुन्छिॽ साम्योनिमाओ खे़ङ्हाॽग यहवे दाङ्बे़ल्ले़ आबाङे कुमिमिदिङ्ले़ लागि लेःत्तुसिआङ् वये़बा यम्बा यहिबा सिङ्बुङ् कुइसिक् मे़बोङ्लो॥
यहवे दाङ्बे़ल्ले़ कुमे़ल्लुङ् हुङुआङ् थे़ॽरुसिबाहाॽ मे़नुःङ् मे़दारो, खे़ङ्हाॽ सियोन ये़क्यक्को साम्मे़लोर मे़लाःत्लो, खम्ब्याङ् सदादिङ् सःप्मान् खे़ङ्हाॽरे़ खुन्छिॽ थे़गेःक्कोबा तिच हे़क्के पोङ्लो॥ खे़ङ्हाॽरे़ सःप्मा नु निङ्वाॽ तामान् मे़घोसुरो, खे़ब्याङ् हाःप्मा नु मे़रिङ्धक्मा मे़बोङ्ने़ल्लो॥
“यहवे दाङ्बे़ल्ले़ से़क्खासाङ् यरुसले़म के़युङ्बाहाॽ हाङ्हाङ् मे़त्तुसिरो, हे़क्क्याङ् खुने़ॽ खे़न् के़लुःम्बा हिम्यःक्हाॽ लुङ्माॽ तुक्तुआङ् ओमे़त्तुरो॥ खे़ब्याङ् खे़प्मोबा मुरे़क् खारे़क्पा ये़ःङ्घादे़न्निन् अदन सिङ्सेॽइक्के़न् कुसिङ् चोगुरो, हे़क्क्याङ् चा मे़न्नुॽमनाबा खाम्बेःक्के़न् यहवे दाङ्बे़ल्ले़ कुसिङ्सेॽइक् हे़क्के चोगुरो॥ पसःत् सःप्मा नु निङ्वाॽ तामा, हे़क्क्याङ् नुगे़न् पिमा नु साम्लोमारे़ इक्लान् खे़ॽयो खोदे़त्लो॥
हे़क्क्याङ् यहवे दाङ्बे़ल्ले़ कुमे़ल्लुङ् हुङुआङ् थे़ॽरुसिबाहाॽ मे़नुःङ् मे़भे़न्लो॥ खे़ङ्हाॽ साम्मे़लोर यरुसले़म ये़क्यक्को मे़लाःत्लो, सदादिङ् के़वाॽबा सःप्मान् खे़ङ्हाॽरे़ खुन्छिॽ तिच पोङ्लो॥ खे़ङ्हाॽ आभे़ल्ले़साङ् मे़सःत् मे़येःत्लो, हे़क्क्याङ् निङ्वाॽ तुक्मा मे़रिङ् थक्मा मे़बोङ्ने़ल्लो॥”
थेआङ्भे़ल्ले़ खे़न् ये़न्नो यहुदिहाॽरे़ खुन्छिॽ निङ्मिहाॽलाम् नाःम्सिङ्मा मे़घोसुबा नु खुन्छिॽ लागि निङ्वाॽ तुक्खे चामालाम् सोसोत्लराङ्ङो हे़क्क्याङ् मे़रिङ् थक्मालाम् ससाङ्स्रोत् चोःक्मा लाओ ले़क्खे़आङ् वये़॥ खे़ङ्हाॽरे़ खे़न् ये़न्हाॽ तङ्नाम् नु सोसोत्लराङ् चोःक्मा, हे़क्क्याङ् खुन्छिॽ लुम्मो चामा कुजाहाॽ हुक्वा हाक्सिङ्मा नु याङ्गे़साॽबाहाॽ हुक्वा पिमासि ये़न् हे़क्के तोमा पोङ्ॽ फाॽआङ् खुने़ॽ साप्तु॥
खे़न् ये़न्नो खे़ङ्हाॽरे़ यरिक् सिदुङ्जभा मे़दोन्दु॥ मनाहाॽ साॽरिक् मे़सःत्ते़, थेआङ्भे़ल्ले़ निङ्वाॽफुमाङ्ङिल्ले़ खे़ङ्हाॽ चाॽरिक् खुनिॽ निङ्वाॽ त्ये़र चोगुसिआङ् वये़॥ मे़न्छुमाहाॽ नु हिन्जाॽ पित्छाॽहाॽरे़आङ् सःप्मा ससाङ्स्रोत् मे़जोगु॥ खे़ङ्हाॽ मे़सःत्ते़बा इक्लान् यरिक् माःङ्घा थारिक् खे़म्दे़त्ते़रो॥
यरुसले़ःम्बा लुङ्धाक्किन् मे़दोन्दुबा ये़म्मो तुःङ्गेहाॽ नु खित्चिङ् खित्चिङ् के़लॽबा मुक्लाहाॽ मे़मुक्खु हे़क्क्याङ् सिक्समे़र नुगे़न् तोःम्मा से़वासाम्लोन् साम्मे़प्मारे़ लागि वेॽ वेॽ ते़न्नो के़युङ्बा ले़बिहाॽ खे़ङ्हाॽ मे़युङे़बादे़न्नोलाम् यरुसले़ःम्मो मे़सुप्सु मे़दारुसि॥
नुसि ये़न् थारिक् खे़ङ्हाॽरे़ निङ्वाॽ हाङ्हाङ् सिदाॽ मे़म्भःन्नेबा खरे़ःङ् चामा तङ्नाम्मिन् मे़दोसु॥ खे़ङ्हाॽ निङ्वाॽ ये़ये़ मे़लॽरे़आङ् मे़वये़ थेआङ्भे़ल्ले़ निङ्वाॽफुमाङ्ङिल्ले़ अस्सुरबा पयम् हाङ्ङिन् खे़ङ्हाॽ लुङ्माॽ के़दुक्पा चोगुआङ् वये़ हे़क्क्याङ् खे़ल्ले़ इस्राइलबा निङ्वाॽफुमाङ्ङिल्ले़ कुहिम्मिन् चोःक्मा खे़ङ्हाॽ फाॽरुसिआङ् वये़रो॥
हे़क्क्याङ् सिलोबा सिसागे़न् मे़न्छ्याहाॽ लाःङ्से़ मे़दाःल्ले़ चे़ल्ले़क्सेॽ इक्ताप्हाॽओलाम् खिनिॽ लिगक् लःन्दे़म्मे़ॽ हे़क्क्याङ् खिनिॽ आप्फेक् आप्फेक् मेःत् चोःक्मासिरे़ लागि लत्छा लत्छा मे़न्छ्या ते़म्से़म्सिम्मे़ॽ॥ खे़ब्याङ् खिनिॽ आबाङे हिम् बेन्यामिनरे़ कुलाजेॽ ले़प्माङ् पेगे़म्मे़ॽ॥
सःप्मा एःप्मा नु निङ्वाॽ तामा इक्ला हे़क्क्याङ् ते़न्धाम् मेःक्खिम्मोबा चामुक् थिमुक्ले़ हयङ् किल्लिङ् के़घे़प्सुम्ॽ॥ मनाहाॽरे़ आङ्गाॽ आहिम्मो नुगे़न् तोःम्मा सिदुङ्जभाहाॽ मे़दारुआङ् मे़दाःल्ले़ खे़ङ्हाॽ साम्मे़लोबा साम्लोन् खिनिॽ के़घे़प्सुम्लो, “‘मुक्साम्दाङ्बा यहवे दाङ्बान् नुगे़न् पिरे़म्मे़ॽओ थेआङ्भे़ल्ले़ खुने़ॽ के़नुॽबा चोक्लो हे़क्क्याङ् खुने़ॽ सदादिङ् लुङ्माॽ तुक्तुसिरो॥’” “आङ्गाॽ कन् लाजेॽओबा नुॽमादामे़न् तगिबा हे़क्के चोगुङ् पिरुङ्सिङ्ॽ॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽ॥”
Piblisite