हे़क्क्याङ् यहवे दाङ्बे़ल्ले़ कुमे़ल्लुङ् हुङुआङ् थे़ॽरुसिबाहाॽ मे़नुःङ् मे़भे़न्लो॥ खे़ङ्हाॽ साम्मे़लोर यरुसले़म ये़क्यक्को मे़लाःत्लो, सदादिङ् के़वाॽबा सःप्मान् खे़ङ्हाॽरे़ खुन्छिॽ तिच पोङ्लो॥ खे़ङ्हाॽ आभे़ल्ले़साङ् मे़सःत् मे़येःत्लो, हे़क्क्याङ् निङ्वाॽ तुक्मा मे़रिङ् थक्मा मे़बोङ्ने़ल्लो॥”
यर्मिया 31:12 - लिम्बु12 खे़ङ्हाॽ मे़दाआङ् मे़सःत्ल सियोन कोःक्माओ से़वासाम्लोन् साम्मे़मे़त्तुरो यहवे दाङ्बे़ल्ले़ पिरुसिबा यरिक् पर्धाःम्मिल्ले़ खे़ङ्हाॽ मे़सःत्लो— कुजा, कुबोक् चे़ल्ले़क्सेॽ थि, चैतुन निःङ्गेॽ, मे़ल्लुक् नु पित्हाॽ मे़घोसुसिरो खे़ल्ले़चोगुल्ले़ खे़ङ्हाॽरे़ खुन्छिॽ निङ्वाॽ पदादारो॥ खे़ङ्हाॽ नुरिक्काङ् योरुर च्वाःत्तिल्ले़ वागे़रक्पा इक्ताप् हे़क्तङ्बा मे़बोङ्लो हे़क्क्याङ् खे़ङ्हाॽ आप्फाल्ले़आङ् कुहोःप्मा कुसाक्मो मे़न्धाने़न्लो॥ Gade chapit la |
यर्मिया 31:12
35 Referans Kwoze
खे़न् ये़न्नो कोःक्मा फाङ्जङ्हाॽओलाम् कुबोक् चे़ल्ले़क्सेॽ थिहाॽ वयु युरो, हे़क्क्याङ् थे़गु माङ्वाहाॽलाम् पित्नु कुङ्मा हेःक्लो यहुदाबा के़रे़क् पाक्लुम्लुम्बादे़न्हाॽओ च्वाःत् लाङ्घेःक्लो, यहवे दाङ्बे़ल्ले़ कुहिम्मोलाम् च्वाःत् वदुन्दाक्वा थिक् लःन्लो हे़क्क्याङ् सित्तिमबा ने़ने़बादे़न्निन् वारक्खुरो॥
यहवे दाङ्बे़ल्ले़ खिनिॽ चक्मे़ल्लॽए लाम्गे़लोसिरो, हे़क्क्याङ् साॽरिक् नाम्गे़लाःङ्बा ते़न्हाॽओआङ् नुबा पाःन्हाॽरे़ खे़निॽ निङ्वाॽ तार चोगुरो॥ खे़म्ब्याङ् खे़निॽ ये़प्पा लुङ्सिहाॽ के़धुम्बा चोगु के़बिरिरो, च्वाःत्तिल्ले़ पयो योरुर वारङ्मनाबा सिङ्सेॽइक् कुइसिक् हे़क्क्याङ् मे़न्जप्मनाबा वाबुन्दाक्वा हे़क्तङ्बा के़बोक्खिरो॥
आङ्गाॽ इस्राइलबा के़रे़क्नुःल्ले़ केःम्बा थे़गुःल्ले़ कुजङ्ङो खे़न् लेःत्तुङ्लो॥ कन् साॽरिक् पयम् यम्बा साम्माङ्सिङ् पोङ्लो कल्ले़ कुबोराक्हाॽ से़आङ् कुसेॽ थोःक्लो के़रे़क् परिक्पा पुहाॽरे़ कॽयो हाप् मे़जोगुरो॥ कल्ले़ कुबोराक्हाॽरे़ इःप्तुबादे़न्हाॽओ खे़ङ्हाॽरे़ इःम्सिङ्मादे़न् मे़घोसुरो॥
थेआङ्भे़ल्ले़ इस्राइलबा केःम्बा कोःक्मा, आङ्गाॽ आसेसे कोःक्माओ, इस्राइलबा के़रे़क् मनाहाॽरे़ आङ्गाॽ माङ्से़वा मे़मे़त्ता, हे़क्क्याङ् आङ्गाॽ खे़ङ्हाॽ ताःक्तुङ्सिङ्ॽ, मुक्साम्दाङ्बा यहवे दाङ्बे़ल्ले़ पाःत्तुॽ॥ खे़प्मो खिनिॽ के़रे़क् हुक्वाहाॽ हे़क्क्याङ् खिनिॽ साॽरिक् इमे़ल्लुङ्बा मिक्तोःक्हाॽ नु सिदुङ्जभाहाॽ हे़क्क्याङ् के़रे़क् सेसे सिदुङ्जभाहाॽनु सोरिक् के़दारुम्ल पोङ्ॽ के़लॽबा आङ्गाॽ आनिङ्वाॽ वाॽ॥
यहवे दाङ्बे़ल्ले़ कुमे़ल्लुङ् हुङुआङ् थे़ॽरुसिबाहाॽ मे़नुःङ् मे़दारो, खे़ङ्हाॽ सियोन ये़क्यक्को साम्मे़लोर मे़लाःत्लो, खम्ब्याङ् सदादिङ् सःप्मान् खे़ङ्हाॽरे़ खुन्छिॽ थे़गेःक्कोबा तिच हे़क्के पोङ्लो॥ खे़ङ्हाॽरे़ सःप्मा नु निङ्वाॽ तामान् मे़घोसुरो, खे़ब्याङ् हाःप्मा नु मे़रिङ्धक्मा मे़बोङ्ने़ल्लो॥
यहवे दाङ्बे़ल्ले़ अक्खे पाःत्तुॽ, “मे़न्छाम् सुवाङ्हाॽओ के़रे़क्नुःल्ले़ यम्बा इस्राइल सुवाङ्ले़ लागि सःप्मा से़वासाम्लोन् साम्मे़त्ते़म्मे़ॽओ॥ खिनिॽ अक्खेलॽरिक् आबाङे नाराफोमा से़वासाम्लोन् साम्मे़त्ते़म्मे़ॽओ, ‘यहवे दाङ्बाए, इस्राइलबा के़हिङ्बा के़याःक्पा खे़ने़ॽ के़मनाहाॽ ताङ्से़ःप्ते़से़ॽओ॥’
कोःक्मा फाङ्जङ् थे़गु माङ्वा लाजेॽबा ये़क्यक्हाॽओ, उःक्चम्जम्बादे़न्नो, यहुदा लाङ्गे़त् ले़प्माङ्बा लक्को, बेन्यामिन ते़ङ्गप्पो, यरुसले़म के़रे़क् पिसाङ्बा पाङ्भेॽओ हे़क्क्याङ् चुक्सा पाङ्भेॽहाॽओ नु यहुदाबा ये़क्यक्हाॽओ पिक्कम्बाहाॽरे़ आबाङे खुन्छिॽ मे़ल्लुक् मे़ःन्दाहाॽ मे़निरुसिॽ॥ आङ्गाॽ यहवे दाङ्बे़ल्ले़ कन् पाःत्तुङ्ङाङ् वाॽ॥”
ओवा, आङ्गाॽ खे़ङ्हाॽ इस्राइबा चन्जम्बा कोःक्मा फाङ्जङ् थे़गु माङ्वाहाॽओबा नुबा चाराम्मादे़न्हाॽ पिरुङ्सिङ्ॽ॥ खे़ङ्हाॽ खे़ॽयोबा सिराॽ पधाङ्गे़धाङ्बा ते़न्हाॽओ के़ङ्ग्रोबा मे़जाआङ् मे़ने़रो हे़क्क्याङ् कोःक्मा फाङ्जङ् थे़गु माङ्वाहाॽओबा सरेःक्याप्पा चाराम्मादे़न्हाॽओ चामे़लाम्॥
आङ्गाॽ खिनिॽ सिङ्सेॽ के़धोःक्पा सिङ्बुङ्हाॽ नु खिनिॽ इक्ताप्हाॽओलाम् आत्तातान्ने यरिक् सिङ्सेॽ कुजाहाॽ के़सुप्सुम्ल याःन्निङ्ॽ, हे़क्क्याङ् खिनिॽ लाजेॽओबा साक्वाःन्हाॽरे़ चोगुल्ले़ कब्रिङ् पिसाङ्बा मे़न्छाम् सुवाङ्हाॽरे़ खिनिॽ लाजेन् याम्मो आभे़ल्ले़आङ् कुनामे़न्छाॽ मे़प्मा मे़न्छुक्तुन्ॽ॥
“खिनिॽ हुक्हाॽ के़धुम्बा पोङ्ल थेआङ्भे़ल्ले़ याॽरिःम्बाहाॽ नुरिक् पोधाङ्, चे़ल्ले़क्सेःल्ले़ कुबुङ्ङो कुजाॽ थोक्, खाम्बाङ्ङिल्ले़ पोगुगे़न् कुजा फत्छुॽ, खम्भ्याङ् ताङ्साङ्बे़ल्ले़ सेःक्वा थासुॽ॥ आङ्गाॽ कन् के़रे़क् पाःन्हाॽ कन् के़हिङ्बा के़याःक्पा मनाहाॽ लक्खोमा युक् पिरुङ्सिङ्ॽ॥
Piblisite