यर्मिया 31:11 - लिम्बु11 आङ्गाॽ इस्राइलबा मनाहाॽ से़न्लप् पिरुङ्सिङ्ङाङ् वाॽरो हे़क्क्याङ् लत्छा मुक्साम्साबा सुवाङ्ङिल्ले़ कुहुक्कोलाम् आङ्गाॽ खे़ङ्हाॽ ताङ्घुङ्सिङ्ङाङ् वाॽरो॥ Gade chapit la |
यर्मिया 31:11
19 Referans Kwoze
बेबिलोनलाम्बा लःन्दे़म्मे़ॽआङ् पेगे़म्मे़ॽओ, बेबिलोनबा मनाहाॽलाम् खे़त्तासिम्मे़ॽओ॥ के़सःप्पा इक्लाःल्ले़ अःक्ताम्मे़ॽर कन् पाःन्निन् उवा चोगे़म्मे़ॽओ॥ इक्सादिङ् खाम्बेःक्माल्ले़ नासमा कुयाओ थारिक् कन् पाःन्निन् चे़क्ताम्सिम्मे़ॽओ॥ “यहवे दाङ्बे़ल्ले़ आबाङे कुसे़वारोबा याकुबे़न् चोःक्युम्भो पिरुआङ् वाॽ” पाःत्ताम्मे़ॽओ॥
ताङ्साङ्बे, सःत्ते़ॽआङ् साम्लोरे़ॽओ, थेआङ्भे़ल्ले़ यहवे दाङ्बे़ल्ले़ हे़क्के चोगुआङ् वाॽरो॥ इक्सादिङ् खाम्बेःक्माए, यम्बा इक्लाओ अःक्ते़ॽओ, थे़गुसे, ताम्भुङ् नु खे़ॽयोबा के़रे़क् सिङ्बुङ्से, खे़म्गे़दे़प्पा इक्लाओ साम्लोरे़म्मे़ॽओ, थेआङ्भे़ल्ले़ यहवे दाङ्बे़ल्ले़ कुमे़ल्लुङ् हुङुआङ् याकुबे़न् थे़ॽरुआङ् वाॽरो, खुने़ॽ आबाङे इस्राइलओ कुमिमिदिङ्ङिन् ओःन्धाक्तुसिॽरो॥
खे़ङ्हाॽ किमा नु यङ्मा के़प्माल्ले़ सुःप्तुसिआङ् वाॽरो॥ यहवे दाङ्बाए! खे़ङ्हाॽरे़ खे़ने़ॽ के़मुक्साम्मिन् मे़निसुरो, खे़ने़ॽ योःक्लाम् के़से़न्दु के़भे़त्तुसिबा के़मनाहाॽ, लाङ्मे़घेःक्काङ् नाधाःम्बि मे़बेःक्किल्ले़ निङ्मिहाॽ किमाल्ले़ चिरिम्लिम्ना मे़यङ्ङाङ् मे़म्बाःत्ते मे़ये़प्लो॥
यहवे दाङ्बे़ल्ले़ कुमे़ल्लुङ् हुङुआङ् थे़ॽरुसिबाहाॽ मे़नुःङ् मे़दारो, खे़ङ्हाॽ सियोन ये़क्यक्को साम्मे़लोर मे़लाःत्लो, खम्ब्याङ् सदादिङ् सःप्मान् खे़ङ्हाॽरे़ खुन्छिॽ थे़गेःक्कोबा तिच हे़क्के पोङ्लो॥ खे़ङ्हाॽरे़ सःप्मा नु निङ्वाॽ तामान् मे़घोसुरो, खे़ब्याङ् हाःप्मा नु मे़रिङ्धक्मा मे़बोङ्ने़ल्लो॥
कर यहवे दाङ्बे़ल्ले़ अक्खे पाःत्तुरो— “ओरो, थक्सुबाहाॽलाम् पुङ्लाहिम्मो साक्पा के़धाबाहाॽ हे़क्क्याङ् कुॽइगे़भे़म्बाहाॽलाम् मे़नाप्तुसिबा चिगक्वाहाॽ नाप्मा सुक्मे़दे़त्लो॥ आत्तिन्हाॽ खे़निॽनु खे़माॽ मे़जोक् आङ्गाॽ खे़ङ्हाॽनु खे़माॽ चोःक्कारो, खे़ब्याङ् आङ्गाॽ आस्सा आएहाॽ से़ःप्तुङ्सिङ्लो॥
Piblisite