यर्मिया 31:10 - लिम्बु10 “मे़न्छाम् सुवाङ्से, यहवे दाङ्बे़ल्ले़ कुइङ्घङ्ङिन् खे़प्से़म्मे़ॽओ हे़क्क्याङ् माःङ्घा माःङ्घा वरःङ्ङिल्ले़ कुयाओ थारिक्पा आङ्गाॽ आबाःन्जाक्किन् साॽरिक् इङ्भन् चोगे़म्मे़ॽओ॥ आङ्गाॽ आमनाहाॽ फुत्छिङ्ज्याःङ् से़सुङ्सिङ्लो कर आङ्गाॽ खे़ङ्हाॽ सुप्सुङ्सिङ्लो हे़क्क्याङ् पित्कम्बाहाॽरे़ पित्हाॽ कम्ब्राङ् मे़मे़त्तुसिबा हे़क्के खे़ङ्हाॽ कम्ब्राङ् मे़त्तुङ्सिङ्लो॥ Gade chapit la |
यर्मिया 31:10
43 Referans Kwoze
फुत्छिङ्ज्याङ् के़बोङ्बा कुमे़ल्लुक्हाॽ के़गोःप्पा मे़ल्लुक्कम्बा हे़क्तङ्बा आङ्गाॽ पोङ्ङारो॥ खे़न् खागे़माक्पा नु खाॽमित् के़दःम्बा ये़न्नो फुत्छिङ्ज्याङ् मे़बोःक्खे़आङ् मे़वये़बा के़रे़क् ते़न्हाॽओलाम् आङ्गाॽ खे़ङ्हाॽ से़ःप्तुङ्सिङ्ॽ हे़क्क्याङ् आङ्गाॽ आमे़ल्लुक्हाॽ खोसुङ्सिङ्ॽ॥
“हे़क्क्याङ् आङ्गाॽ खे़ङ्हाॽरे़ खुन्छिॽ लुम्मो लत्छा मिक्सेःन्धिक् पिरुङ्सिङ्ॽ॥ कर आङ्गाॽ खे़ङ्हाॽओ कुभा के़हिङ्बा के़याःक्पाहाॽ आङ्गाॽ आमिङ् तिःप्पा, चोगुङ्बा याःम्बक्हाॽ, आमुक्साम्मिन् हे़क्क्याङ् के़रे़क्नुःल्ले़ यम्बाआ फाॽआङ् मे़ङ्घे़म्मे के़वाॽबा मे़न्छाम् सुवाङ्हाॽओ नु माःङ्घा माःङ्घाबा लाजेॽहाॽओ पाङ्घुङ्सिङ्ॽ, इग्र तार्सिस, लिबिया नु तोङ् लि याङ्मा के़ले़बा मना के़युङ्बा लुद नु तुबल खे़म्ब्याङ् ग्रिस लाजेॽहाॽओ पाङ्घुङ्सिङ्ॽ॥ कन् लाजेॽहाॽओ आङ्गाॽ पयम् यम्बा चोःक्का फाॽआङ् खे़ङ्हाॽरे़ उवा मे़जोगुॽ॥
ओमे़त्ते़म्मे़ॽ, खे़न् ये़म्मो खे़ने़ॽ तुक्खे के़जाःप्पाहाॽ के़रे़क् खुम्दिङ् पिरुङ्सिङ्लो, आङ्गाॽ कुलाङ् के़सक्पाहाॽ नाङुङ्सिङ्लो, हे़क्क्याङ् फुत्छिङ्ज्याङ् के़बोङ्बाहाॽ फुक्खुङ्सिङ्लो॥ सिरिङ्मसे़ मे़देॽरुसिबा के़रे़क् लाजेॽहाॽओ आङ्गाॽ खे़ङ्हाॽ खुन्छिॽ नाराफोमा नु मिङ्सो थाङ्सो पिरुङ्सिङ्लो॥
याकुबए, आङ्गाॽ से़क्खाए खिनिॽ के़रे़क् सुम्निङ्लो, इस्राइलबा के़वाॽबा के़याःक्पाहाॽ आङ्गाॽ कुजे़क्के सुप्सुङ्सिङ्लो॥ खे़ङ्हाॽ मे़ल्लुक् ये़प्नाओ मे़ल्लुक्हाॽ हे़क्के हे़क्क्याङ् चाराम्मादे़न्नो थक्सालुप् हे़क्के आङ्गाॽ थिक्मे़त्थिक् फुक्खुङ्सिङ्लो, खे़न् ते़न्नो मनाहाॽ चिए़त् चिए़त् मे़ए़त्छिङ्ल मे़जुम्लो॥
“खे़ल्ले़चोगुल्ले़, लाजेॽलाम् मे़लःत्तु मे़देसुसिबाहाॽ मे़त्ते़ॽसे़ॽ, ‘मुक्साम्दाङ्बा यहवे दाङ्बे़ल्ले़ पाःत्तुॽ—इक्सादिङ् खाम्बेःक्मोबा लाजेॽहाॽओ खिनिॽ फुत्छिङ्ज्याङ् से़निङ्देनिङ्ङाङ् के़वयिसाङ्, खिनिॽ लाजेॽलाम् के़म्लःत्ति के़म्देसिआङ् के़वयिबा ये़म्मो आङ्गाॽए खिनिॽ सेसेदे़न्नारो॥’
के़जइःत्साप् यरुसले़ःम्मिल्ले़ कुलुम्मो कल्ले़ कुलक् थिक् ने़स्से़ॽ॥ थङ्ङो किर्गप् कप्मा के़ले़ङ्सिङ्बा याःम्बक्किन् चुःत्ताङ् कुलक् थिक् खे़प्मो हाःन्दे़देसे़ॽ॥ वेॽ कुलक् थिक्के़न् खे़ने़ॽ के़साप्चइःत् के़रे़क् पिसाङ् से़से़देसे़ॽ हे़क्क्याङ् ताभेःल्ले़ चाक्खक् चाक्खक् खक्ते़ॽ॥ कुनुप्मा वेॽ कुलक् थिक्के़न् सुरित् केजङ्ङो फुत्लुम् थ्यःङ् से़से़देसे़ॽ, थेआङ्भे़ल्ले़ आङ्गाॽ आमनाहाॽ ताभेःल्ले़ फुत्छिङ्ज्याङ् से़सुङ्देसुङ्सिङ्ॽ॥
कुत्चाॽए वागप्खाम्मो के़युङ्बाहाॽरे़ खुने़ॽ ओमे़मे़त्तुरो, तगि ले़ङ्हङ् के़जोःक्पा यम्बा वालाधाहाॽ मे़ये़प्लो॥ यहवे दाङ्बा खे़ने़ॽ के़निङ्वाॽफुमाङ्ङिल्ले़ लागि, इग्र इस्राइलबा सेसे निङ्वाॽफुमाङ्ङिल्ले़ कुमिङ्सो इङ्धाङ्ले़ लागि खे़ङ्हाॽरे़ खे़ने़ॽ के़स्सा ये़म्बित्छा मे़न्छुमाहाॽ खुन्छिॽ साम्म्याङ् युप्पानु सोरिक् माःङ्घा माःङ्घालाम् मे़दारुसिरो॥ थेआङ्भे़ल्ले़ खुने़ॽ कुहाङ्वा कुमाङ्वारे़ के़गाप्ते़आङ् वाॽरो॥
यहवे दाङ्बे़ल्ले़ कुलागि कुसङ् साम्लोधिक् साम्मे़त्ताम्मे़ॽओ, इक्सादिङ् खाम्बेःक्माल्ले़ नासमा कुयाओनु खुने़ॽ कुनारा फोसे़म्मे़ॽओ, तुङ्गोदिङ् वरःङ्ङो लाम्दिक् के़जोःक्पासे, हे़क्क्याङ् खे़ॽयो के़याक्पा के़रे़क् परिक्पा पाधुङ् ले़ःक्ङासे, वागप्खाम्हाॽ नु खे़ॽयो के़युङ्बासे साम्लोरे़म्मे़ॽओ!
बेबिलोनलाम्बा लःन्दे़म्मे़ॽआङ् पेगे़म्मे़ॽओ, बेबिलोनबा मनाहाॽलाम् खे़त्तासिम्मे़ॽओ॥ के़सःप्पा इक्लाःल्ले़ अःक्ताम्मे़ॽर कन् पाःन्निन् उवा चोगे़म्मे़ॽओ॥ इक्सादिङ् खाम्बेःक्माल्ले़ नासमा कुयाओ थारिक् कन् पाःन्निन् चे़क्ताम्सिम्मे़ॽओ॥ “यहवे दाङ्बे़ल्ले़ आबाङे कुसे़वारोबा याकुबे़न् चोःक्युम्भो पिरुआङ् वाॽ” पाःत्ताम्मे़ॽओ॥
Piblisite