आङ्गाॽ आमनाहाॽरे़ खुन्छिॽ सिङ्सेॽइक्हाॽओ नु इक्ताप्हाॽओ आत्तातान्ने यरिक् कुजाॽ थोक्, हे़क्क्याङ् के़रे़क् मनाहाॽ हाङ्हाङ् लॽरिक् मे़युङ्ॽ॥ आङ्गाॽ आमनाहाॽ योग्बा योःग्मा मे़जोगुसिबा खुन्छिॽ इघेःङ्मा फे़न्थक्क्रङ्हाॽ फुॽरुङ्ॽ पिरुङ्सिङ्ॽ हे़क्क्याङ् खे़ङ्हाॽ योक् के़जोःक्पाहाॽरोलाम् से़ःन्दुङ्सिङ्ङिल्ले़, आङ्गाॽए यहवे दाङ्बाआ फाॽआङ् खे़ङ्हाॽरे़ निङ्वाॽ मे़घोसुॽ॥
यर्मिया 30:8 - लिम्बु8 मुक्साम्दाङ्बा यहवे दाङ्बे़ल्ले़ पाःत्तुरो, “हे़क्क्याङ् खे़न् ये़न्निन् ताःल्ले़ खे़न् खे़ःप्सिङ्ङिन् खे़ङ्हाॽरे़ खुन्छिॽ सित्लाओलाम् ए़क्खुङ् पिरुङ्सिङ्लो, खे़ब्याङ् खे़ङ्हाॽरे़ खुन्छिॽ इघेःङ्ङिन् फे़न्दुङ् पिरुङ्सिङ्लो॥ खे़ङ्हाॽ आफाल्ले़आङ् याम्मो वेॽ लाजेॽबाहाॽरे़ खुन्छिॽ योक् मे़म्बोङ्ने़न्लो॥ Gade chapit la |
यर्मिया 30:8
16 Referans Kwoze
थेआङ्भे़ल्ले़ खे़ने़ॽ खे़ङ्हाॽरे़ खुन्छिॽ के़लिःप्पा खे़ःप्सिङ्ङिन् के़ए़क्खु के़बिरुसिरो हे़क्क्याङ् ते़ःम्भुक्किन् स्याक् वयाक् के़भुॽरु के़बिरुसिआङ् वाॽरो॥ यरिक् ये़न् तगि मिध्यान लाजेॽबा थक्सुबाहाॽ के़नाःन्दुसिबा हे़क्केए खे़ने़ॽ के़मनाहाॽ के़युक्पा नु तुक्खे के़जाःप्पा सुवाङ्हाॽ के़नाःन्दुसिआङ् वाॽरो॥
के़रे़क् मे़न्छाम् सुवाङ्हाॽरे़ खुने़ॽ कुयाःम्बक् मे़जोगुॽ हे़क्क्याङ् खुने़ॽ कुसुवाङ्हाॽरे़ खुन्छिॽ मे़क्मा ये़म्मिन् मे़न्दाए थारिक् खे़ङ्हाॽरे़ खुने़ॽ कुस्सान् नु कुम्मे़न्छाॽइन् याःम्बक् मे़जोगु मे़बिरुसिॽ॥ खे़न् एगाङ् यरिक् सुवाङ्हाॽ नु यम्बयम्बा हाङ्हाॽरे़ बेबिलोने़न् मे़नाःन्दुआङ् खे़प्मो हाङ्युक् मे़जोगुॽ॥
यहवे दाङ्बे़ल्ले़ अक्खे पाःत्तुरो, “इस्राइलए, यरिक् ये़म्माङ्धो खे़ने़ॽ आङ्गाॽ आयुक्किन् के़नाॽरुरो, खे़ने़ॽ आइङ्जाङ्ङिन् इःप्मा नाःप्मा नु आङ्गाॽ माङ्से़वा मे़प्मा के़ले़राङ्लो॥ के़रे़क् केःम्बा कोःक्मा फाङ्जङ् थे़गु माङ्वाहाॽओ हे़क्क्याङ् के़रे़क् सरेःक्क्याःप्पा सिङ्बुङ् सिगाङ् खे़ने़ॽ वेॽ माङ् साम्माङ्हाॽनु के़त्निमा हे़क्के ताप्फे़ःम्बा याःम्बक् के़जोगुरो॥
कर यहवे दाङ्बे़ल्ले़ याम्मो थिक्ले़ङ् याकुबरे़ कुमुॽइदाङ्साहाॽ लुङ्माॽ तुक्तुसिरो॥ हे़क्क्याङ् इस्राइलि मे़न्छाम् सुवाङ्हाॽ याम्मो थिक्ले़ङ् खुने़ॽ कुमना पोङ्से़ सेगुसिरो॥ यहवे दाङ्बे़ल्ले़ खे़ङ्हाॽ याम्मो आबाङे खुन्छिॽ लाजेॽओ युङ्से़ तारुसिरो॥ हे़क्क्याङ् यरिक् वेॽ वेॽ लाजेॽहाॽलाम् मनाहाॽ मे़दाआङ् खे़ॽयो मे़भुङ्सिङ्लो हे़क्क्याङ् इस्राइलबा मनाहाॽनु खुन्छिॽ थिक्हुप् मे़बोङ्लो॥
Piblisite