से़क्खा, आङ्गाॽ मे़त्निङ्, खिनिॽ आङ्गाॽ याप्मि के़घोसिॽ खे़ब्याङ् आङ्गाॽ खिनिॽ आबाङे लाजेॽओ नुःक्निङ् ताःत्निङ्॥ आङ्गाॽ खिनिॽ नाःत्निङ्देनिङ्बा के़रे़क् लाजेॽ नु ते़न्नोलाम्बा आङ्गाॽ खिनिॽ सुम्निङ्॥ आत्तिन् लाजेॽलाम्बा आङ्गाॽ के़म्दे़म्सि के़म्देॽरिर याःन्निङ्ङाङ् वयाङ्, हाबा खे़न् लाजेॽओ आङ्गाॽ खिनिॽ नुःक्निङ् ताःत्निङ्॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽ॥”
यर्मिया 30:3 - लिम्बु3 थेआङ्भे़ल्ले़ अक्तङ्बा ये़म् तार पत्, हे़क्क्याङ् आङ्गाॽ आमना इस्राइले़न् नु यहुदान् मे़दे़म्सु मे़देॽरुसिबालाम् नुःक्तुङ् फे़त्तुङ्सिङ्ॽ॥ खे़ङ्हाॽरे़ खुन्छिॽ पाधे़बाहाॽ पिरुङ्सिङ्बा खुन्छिॽ लाजेॽओ आङ्गाॽ खे़ङ्हाॽ नुःक्तुङ्सिङ्ङाङ् फे़त्तुङ्सिङ् खे़ब्याङ् याम्मो खे़ङ्हाॽरे़ खे़न् लाजेन् हुक्काप् मे़जोगुॽ॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽ॥” Gade chapit la |
यर्मिया 30:3
45 Referans Kwoze
कर खे़ङ्हाॽरे़ मे़बाःत्तुॽ, ‘इस्राइलिहाॽ थो पिसाङ्बा लाजेॽ नु वेॽ के़रे़क् लाजेॽहाॽलाम्बा हे़क्क्याङ् आत्तान् आत्तान्लाम्बा खुने़ॽ खे़ङ्हाॽ लःत्तुदेसुसिआङ् वये़, खे़न् के़रे़क् लाजेॽलाम्बा के़लःप्पाआङ् के़दाःप्पा से़क्खाए यहवे दाङ्बे़न् कुहिङ्वे़त् वाॽबा कुइसिक्॥’ आङ्गाॽ खे़ङ्हाॽरे़ खुन्छिॽ पाधे़बाहाॽ पिरुङ्सिङ्बा आबाङे खुन्छिॽ लाजेॽओ खे़ङ्हाॽ नुःक्तुङ् तारुङ्सिङ्ॽ॥”
खे़न् ये़म्मो आङ्गाॽ खिनिॽ फुङ्निङ्लो, खम्भ्याङ् खे़न् ये़म्मो आङ्गाॽ हिम्मो ताःत्निङ्लो॥ आल्ल आङ्गाॽ खिनिॽ नुॽमादामाहाॽ खिनिॽ मिक् तगिए नुःक्तुङ् तारुङ्लो, खे़ब्याङ् इक्सादिङ् खाम्बेःक्मोबा मनाहाॽरे़ खुन्छिॽ लुम्मो खिनिॽ मिङ्सो थाङ्सो नु नारा फोसुङ् पिनिङ्लो,” यहवे दाङ्बे़ल्ले़ पाःत्तुरो॥
आङ्गाॽ याकुब नु आसे़वारोबा दाउदरे़ कुमुॽइदाङ्साहाॽ नाॽरुङ्सिङ्ॽ, खे़ब्याङ् दाउदरे़ कुमुॽइदाङ्साहाॽओ लत्छाआङ् अब्राहाम, इसहाक हे़क्क्याङ् याकुबरे़ कुमुॽइदाङ्साहाॽ सम्धाङ् हाङ्युक् चोःक्मारे़ लागि मे़सेगुङ्ङिन्॥ थेआङ्भे़ल्ले़ आङ्गाॽ खे़ङ्हाॽ याम्मो खुन्छिॽ लाजेॽओ नुःक्तुङ् तारुङ्सिङ्ॽ हे़क्क्याङ् खे़ङ्हाॽ लुङ्माॽ तुक्तुङ्सिङ्लो॥’”
मनाहाॽरे़ खे़न् खे़प्मो लाजेॽसिङ्बुङ् मे़इङु, सङ्मा नु इङ्मा ते़म्सक् साप्लाओ युक्छाप् मे़युक्तुॽ, एःप्साप् मे़एःप्तुॽ हे़क्क्याङ् के़निबा साखिहाॽरे़ युक्छाप् मे़युक्तुॽ॥ बेन्यामिन्ले़ कुदे़ःङ्गप्पो, यरुसले़ःम्बा के़रे़क् पिसाङ्बा चुक्सा पाङ्भेॽहाॽओ, यहुदाबा ये़क्यक्हाॽओ, कोःक्मा लाजेॽबा ये़क्यक्हाॽओ, उःक्चम्जम्बादे़न्हाॽओ नु यो लाङ्गे़त् यहुदाओ कन् याःम्बक्किन् पोङ्ॽ॥ मनाहाॽ आङ्गाॽ खे़ङ्हाॽरे़ खुन्छिॽ लाजेॽओ नुःक्तुङ् तारुङ्सिङ्॥ आङ्गाॽ यहवे दाङ्बे़ल्ले़ कन् पाःत्तुङ्ङाङ् वाॽरो॥”
“आसे़वारोबा याकुबे, मे़गिसे़न्ने़ॽओ॥ इस्राइलबा यक्युङ्बासे, किमा यङ्माओ मे़ध्ये़म्मिन्ने़ॽओ॥ खे़ने़ॽ नु खे़ने़ॽ के़मुॽइदाङ्साहाॽ माःङ्घाबा लाजेॽओ के़म्बाङ्घिआङ् के़वयिरो, खे़प्मोलाम् खिनिॽ थे़ॽनिङ्ङाङ् ताःत्निङ्लो॥ याकुबे़न् याम्मो नुॽदाआङ् ताप्थेक् याम्धेक् पोङ्लो॥ हाःत्ले़आङ् खुने़ॽ यङ्मा मे़से़रुन्लो॥
‘खे़ङ्हाॽ के़रे़क् बेबिलोनओ मे़देॽरुॽ हे़क्क्याङ् आङ्गाॽ याम्मो खे़न् कुलासे़ मना मे़म्बाङ्सिङ्ङे थारिक् आम्भा खे़प्मोए याःक्॥ खे़न् एगाङ् आङ्गाॽ खे़न् के़रे़क् याङ्साकुन्धेहाॽ नुःक्तुङ् फे़त्तुङ्ॽ हे़क्क्याङ् यरुसले़ःम्मो याम्मो युक्खुङ्ॽ॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽआरो॥’”
यहवे दाङ्बे़ल्ले़ पाःत्तुॽ, “अक्तङ्बा ये़न्हाॽ तार पत्लो, हे़क्केःल्ले़ आङ्गाॽ दाउद हाङ्ङिल्ले़ कुधिन्दाङ् सायोबोराहाॽलाम् साम्योबा कुबोराक् थिक् लःन्ल याःन्दुङ्लो॥ खे़न् हाङ् पोङ्ङाङ् सिक्कुम् निङ्वाॽ नु हाङ् चोगुरो खे़म्ब्याङ् लाजेॽओ कुदोःप्मा खासे़न् नु के़वाॽबा याःम्बक् चोगुरो,
माङ्हिम् मे़जोगुबादे़न् यरुसले़ःम्मो खे़ङ्हाॽ मे़गे़रे़ मे़द्ये़बा निसिगेक्पा तङ्बेओबा निसिगेक्पा लाओ खे़ङ्हाॽरे़ याःम्बक् चोःक्मा मे़हेःक्तु॥ यरुबाबेल, येसुआ नु खे़ङ्हाॽरे़ के़रे़क् आबाङे खुन्छिॽ लाजेॽबा तेःङ्जुम्हाॽ, निङ्वाॽफुसाम्बाहाॽ हे़क्क्याङ् ले़बिहाॽ नु से़क्खाःल्ले़ मे़दे़म्सु मे़देॽरुसिबालाम् यरुसले़ःम्मो के़नुःङ्बा के़दाबा के़रे़क् मनाहाॽ खे़न् याःम्बक्को मे़भन्छिङ्॥ निबोङ् तङ्बे इग्र खे़न्नुःल्ले़ यरिक् तङ्बे के़गे़प्पा के़रे़क् ले़बिहाॽ माङ्हिम्मिन् याम्मो चोःक्मा याःम्बक्को लक्पे़न्साबा पोङ्मारे़ लागि मुरा मे़मे़त्तुसि॥
इस्राइलबा निङ्वाॽफुमाङ् मुक्साम्दाङ्बा यहवे दाङ्बे़ल्ले़ पाःत्तुॽ, “आङ्गाॽ आमनाहाॽ खुन्छिॽ आबाङे लाजेॽओ नुःक्तुङ् तारुङ्सिङ्, हे़क्केःल्ले़ यहुदा लाजेॽ नु खे़ॽयोबा ये़क्यक्हाॽओ याम्मो थिक्ले़ङ् खे़ङ्हाॽरे़ अक्खे मे़बाःत्तुॽ, ‘यरुसले़ःम्बा सेसे कोःक्माए, साम्योबा के़वाॽबादे़न्ने यहवे दाङ्बे़ल्ले़ हाङ्वागे़न् मुॽइसाम् के़बिररो॥’
मनाहाॽ नु मे़न्छाम् सुवाङ्हाॽरे़ खुन्छिॽ लुम्मोलाम् आङ्गाॽ खे़ङ्हाॽ खुन्छिॽ आप्फेक् इस्राइल लाजेॽबा हिम्मो नुःक्तुङ् तारुङ्सिङ्ॽ॥ इस्राइलबा कोःक्मा फाङ्जङ् थे़गु माङ्वाहाॽओ नु पाक्लुम्लुम्बादे़न्हाॽरे़ कुयाओ हे़क्क्याङ् मना के़युङ्बा के़रे़क् ते़न्हाॽओ आङ्गाॽ खे़ङ्हाॽ कुजा चाःत्तुङ्सिङ्ॽ॥
खे़न् यहुदा हिम्सयङ्बा के़हिङ्बा के़याःक्पाहाॽरे़ लागि पोङ्लो, खे़प्मो खे़ङ्हाॽरे़ मे़ल्लुक् चाराम्दे़न् मे़घोसुरो॥ युःन्छिक् खे़ङ्हाॽ अस्कलोनबा हिम्हाॽओ मे़इम्लो॥ यहवे खुन्छिॽ निङ्वाॽफुमाङ्ङिल्ले़ खे़ङ्हाॽ ओमे़त्तुसि कम्ब्राङ् मे़त्तुसिरो खुने़ॽ खे़ङ्हाॽ नुॽमादामे़न् याम्मो नुःक्तु पिरुसिरो॥
Piblisite