यर्मिया 30:24 - लिम्बु24 खुने़ॽ कुनिङ्वाॽओ इःत्तुबा के़रे़क् पाःन्हाॽ मे़न्गे़त्ते थारिक् यहवे दाङ्बे़ल्ले़ किप्मागे़घुबा कुसिक् पोःक्मान् मे़जिप्तुन्लो॥ के़दाबा ये़न्हाॽओ खिनिॽ कन् पाःन्निन् नुरिक्काङ् कुसिङ् के़निःत्तुम्लो॥ Gade chapit la |
यर्मिया 30:24
24 Referans Kwoze
हे़क्क्याङ् खाॽमिःत्ते़ल्ले़ लाजेन् पन्छुबा कुइसिक् खे़ने़ॽ आङ्गाॽ आमना इस्राइलिहाॽ थङ्ङो के़भत्तुसिॽ॥ ताःन्दि के़दाबा ये़म्मो, गोगए, आङ्गाॽ आलाजेःल्ले़ कुदक्ले़ङ्वाओ खे़ने़ॽ ताःत्ने़रो, हे़क्केलॽरिक् मनाहाॽरे़ खुन्छिॽ तगि खे़ने़ॽलाम्बा आसेसेन् ओसेःन्धाङ् चोगुङ्ङिल्ले़ आङ्गाॽए यहवे दाङ्बाआ फाॽआङ् के़रे़क् मे़न्छाम् सुवाङ्हाॽरे़ निङ्वाॽ मे़घोसुरो॥
कर साङ्ग्राम्पेदाङ्ङो निङ्वाॽफुमाङ् वाॽ, खुने़ॽ सिबिॽबा पाःन्हाॽ ओसेःन्धाङ् चोगुॽ॥ खुने़ॽ के़दाबा ये़म्मो के़बोङ्बा पाःन्हाॽ पयम् हाङ् नबुकदनेसरे़न् ओसेःन्धाक्तुआङ् वाॽ॥ आदाङ्बा ने़त्नाओ के़सोःन्छिङ्ङाङ् के़ने़स्से़ल्ले़ आदाङ्बारे़ के़निङ्वाॽओ के़माक्तुबा से़प्माङ्ङिन् नु के़निसुबा सुफोहाॽ हाबा कन्हाॽएरो—
आङ्गाॽ सिआआङ् एगाङ् खिनिॽ से़क्खासाङ् साॽरिक् फे़त्के़लारिॽ हे़क्क्याङ् आङ्गाॽ पिनिङ्बा इङ्जाङ्हाॽलाम् लाःत्लाःत् के़बोःक्खिॽ फाॽआङ् आङ्गाॽ कुसिङ् निःत्तुङ्ॽ॥ यहवे दाङ्बे़ल्ले़ कुनिमो खिनिॽ फे़न्याःम्बक् के़जोगुम्बा नु खिनिॽ हुक्किल्ले़ के़जोगुम्बा पाःन्निल्ले़ खुने़ॽ कुसिक् के़भोःक्खुम्बाल्ले़ चोगुल्ले़ के़दाबा ये़न्हाॽओ खिनिॽ ये़त्तुक्खे के़दुमुम्लो॥”
खे़न् फुत्लुम् थ्यःङ् तेमारे़ लागि आङ्गाॽ एलामरे़ कुनिङ्मिहाॽनु सोरिक् पेःक्कारो॥ साॽरिक् आयाःक्ले़ॽमो एलामबा मनाहाॽओ आङ्गाॽ यम्बा मे़क्मासिमे़न् तारुङ्लो,” यहवे दाङ्बे़ल्ले़ पाःत्तुआङ् वाॽरो॥ “खे़ङ्हाॽ खक्पे़त् मे़म्मे़ङ्सिङ्ङे थारिक् खे़ङ्हाॽ खुन्छिॽ निङ्मिहाॽरे़ ताभेनु मे़नाःत्तुसिरो॥”
“कप्मोलाम् के़बोङ्बाआङ् के़बेःक्पा लाम्दिःक्पाहाॽ के़रे़क्ले़ लागि थे आङ्गाॽ थे़माआङ् मे़ःन्नाबि? के़रे़क् पिसाङ् ओमे़त्ते़म्मे़ॽआङ् ओमुये़म्मे़ॽओ॥ यहवे दाङ्बे़ल्ले़ किप्मागे़घुबा कुसिक् पोःक्मा ये़न्नो खुने़ॽ आङ्गाॽ तुमुङ्बा आदुक्खेन् हे़क्के वेॽ आत्तिन् मनाःल्ले़ आभे़ल्ले़ ये़त्तुक्खे तुमुआङ् वाॽबि?
Piblisite