यर्मिया 30:19 - लिम्बु19 खे़प्मो के़युङ्बाहाॽरे़ नुगे़न् तोःम्मा साम्लोन् साम्मे़मे़त्तुरो हे़क्क्याङ् खुन्छिॽ निङ्वाॽ ताआङ् पसःत् मे़सःत्लो॥ आङ्गाॽ आहाङ्वा मुॽइःल्ले़ खे़ङ्हाॽ यरिक् चोगुङ्सिङ्लो॥ हे़क्क्याङ् खे़ङ्हाॽ सुःल्लिक् मे़म्बोङ्ने़ल्लो॥ आङ्गाॽ खे़ङ्हाॽ मिङ्सो इङ्धाङ् पिरुङ्सिङ्लो खे़ब्याङ् खे़ङ्हाॽ कुनामे़न्छाॽ मे़म्बोङ्ने़न्लो॥ Gade chapit la |
यर्मिया 30:19
39 Referans Kwoze
यहवे दाङ्बे़ल्ले़ कुमे़ल्लुङ् हुङुआङ् थे़ॽरुसिबाहाॽ मे़नुःङ् मे़दारो, खे़ङ्हाॽ सियोन ये़क्यक्को साम्मे़लोर मे़लाःत्लो, खम्ब्याङ् सदादिङ् सःप्मान् खे़ङ्हाॽरे़ खुन्छिॽ थे़गेःक्कोबा तिच हे़क्के पोङ्लो॥ खे़ङ्हाॽरे़ सःप्मा नु निङ्वाॽ तामान् मे़घोसुरो, खे़ब्याङ् हाःप्मा नु मे़रिङ्धक्मा मे़बोङ्ने़ल्लो॥
हे़क्क्याङ् यहवे दाङ्बे़ल्ले़ कुमे़ल्लुङ् हुङुआङ् थे़ॽरुसिबाहाॽ मे़नुःङ् मे़भे़न्लो॥ खे़ङ्हाॽ साम्मे़लोर यरुसले़म ये़क्यक्को मे़लाःत्लो, सदादिङ् के़वाॽबा सःप्मान् खे़ङ्हाॽरे़ खुन्छिॽ तिच पोङ्लो॥ खे़ङ्हाॽ आभे़ल्ले़साङ् मे़सःत् मे़येःत्लो, हे़क्क्याङ् निङ्वाॽ तुक्मा मे़रिङ् थक्मा मे़बोङ्ने़ल्लो॥”
खे़न् ये़न्नो यहवे दाङ्बे़ल्ले़ यरुसले़म के़युङ्बाहाॽ ताङ्से़ःप्तुसिॽ, हे़क्क्याङ् खे़ङ्हाॽओ आत्तिन् के़रे़क्नुःल्ले़ मे़न्धुम्मनाबा चोक् खे़न् दाउदे़न् हे़क्तङ्बा पोङ्ॽ, हे़क्क्याङ् दाउदरे़ कुहिम्सयङ्हाॽ निङ्वाॽफुमाङ्ङिन् हे़क्तङ्बा मे़बोङ्ॽ, खे़ब्याङ् खे़ङ्हाॽरे़ खुन्छिॽ तगाङ् तगाङ् के़बेःक्पाहाॽ यहवे दाङ्बे़ल्ले़ कुमाङ्लाइङ्बा कुइसिक् मे़बोङ्लो॥
आङ्गाॽ खे़ङ्हाॽनु सदादिङ् आभे़ल्ले़साङ् के़वाॽबा माङ्हुप्, सनारुङ् माङ्हुप् थिक् चोगुङ्ॽ॥ आङ्गाॽ खे़ङ्हाॽरे़ खुन्छिॽ लाजेन् पिरुङ्सिङ्ॽ हे़क्क्याङ् खे़ङ्हाॽ यरिक् खानिःत् चोगुङ्सिङ्ॽ, हे़क्क्याङ् आङ्गाॽ आसेसेदे़न्निन् खे़ङ्हाॽरे़ खुन्छिॽ लुम्मो सदादिङ् आभे़ल्ले़साङ् युक्खुङ्ॽ॥
नुसि ये़न् थारिक् खे़ङ्हाॽरे़ निङ्वाॽ हाङ्हाङ् सिदाॽ मे़म्भःन्नेबा खरे़ःङ् चामा तङ्नाम्मिन् मे़दोसु॥ खे़ङ्हाॽ निङ्वाॽ ये़ये़ मे़लॽरे़आङ् मे़वये़ थेआङ्भे़ल्ले़ निङ्वाॽफुमाङ्ङिल्ले़ अस्सुरबा पयम् हाङ्ङिन् खे़ङ्हाॽ लुङ्माॽ के़दुक्पा चोगुआङ् वये़ हे़क्क्याङ् खे़ल्ले़ इस्राइलबा निङ्वाॽफुमाङ्ङिल्ले़ कुहिम्मिन् चोःक्मा खे़ङ्हाॽ फाॽरुसिआङ् वये़रो॥
मिःल्ले़ साम्म्याङ्ङिन् योःन्दुआङ् सुत्थो चोगुबा कुइसिक् खे़न् इनोगे़न् तुक्खेहाॽरे़ग खिनिॽ नसाःन्निन् साॽरुआङ् के़धुम्बा नु सुत्थो चोगुॽरो, कर खिनिॽ नसाःन्निन् खे़न् साम्म्याङ्ङिन्नुःल्ले़आङ् इमे़ल्लुङ्बा चोक्लो॥ हे़क्केलॽरिक् खे़न् इनोगे़न् तुक्खेहाॽ नासि के़धःत्तुम्ने़ फाॽग्र ये़सु ख्रिस्ते़न् युःल्ले़ ने़म्भोगे़न् नारा फोमान्, मिमिदिङ् नु मिङ्सो इङ्धाङ् के़घोसुम्लो॥
“यहवे दाङ्बे़ल्ले़ से़क्खासाङ् यरुसले़म के़युङ्बाहाॽ हाङ्हाङ् मे़त्तुसिरो, हे़क्क्याङ् खुने़ॽ खे़न् के़लुःम्बा हिम्यःक्हाॽ लुङ्माॽ तुक्तुआङ् ओमे़त्तुरो॥ खे़ब्याङ् खे़प्मोबा मुरे़क् खारे़क्पा ये़ःङ्घादे़न्निन् अदन सिङ्सेॽइक्के़न् कुसिङ् चोगुरो, हे़क्क्याङ् चा मे़न्नुॽमनाबा खाम्बेःक्के़न् यहवे दाङ्बे़ल्ले़ कुसिङ्सेॽइक् हे़क्के चोगुरो॥ पसःत् सःप्मा नु निङ्वाॽ तामा, हे़क्क्याङ् नुगे़न् पिमा नु साम्लोमारे़ इक्लान् खे़ॽयो खोदे़त्लो॥
मे़दे़म्सु मे़देॽरुसिआङ् के़नुःङ्बा के़भे़म्बा के़रे़क् मनाहाॽरे़ साःङ्गाहिम् मे़जोगुआङ् मे़युङे़॥ नुनरे़ कुस्सा यहोसुःल्ले़ कुये़म्माङ्धो खे़न् ये़न् थारिक् इस्राइलिहाॽरे़ कन् तङ्नाम्मिन् अक्खेलॽरिक् मे़न्दोए मे़वये़॥ हे़क्क्याङ् खे़ङ्हाॽ साॽरिक् खुनिॽ सिक्समे़आङ् मे़सःत्ते़आङ् मे़वये़॥
कुत्चाॽए वागप्खाम्मो के़युङ्बाहाॽरे़ खुने़ॽ ओमे़मे़त्तुरो, तगि ले़ङ्हङ् के़जोःक्पा यम्बा वालाधाहाॽ मे़ये़प्लो॥ यहवे दाङ्बा खे़ने़ॽ के़निङ्वाॽफुमाङ्ङिल्ले़ लागि, इग्र इस्राइलबा सेसे निङ्वाॽफुमाङ्ङिल्ले़ कुमिङ्सो इङ्धाङ्ले़ लागि खे़ङ्हाॽरे़ खे़ने़ॽ के़स्सा ये़म्बित्छा मे़न्छुमाहाॽ खुन्छिॽ साम्म्याङ् युप्पानु सोरिक् माःङ्घा माःङ्घालाम् मे़दारुसिरो॥ थेआङ्भे़ल्ले़ खुने़ॽ कुहाङ्वा कुमाङ्वारे़ के़गाप्ते़आङ् वाॽरो॥
आल्ल खे़निॽ वेॽ लाजेॽबा मे़न्छाम् सुवाङ्हाॽ के़उःत्तुम्सिम्लो— थिक् ये़म्मो खे़ङ्हाॽरे़ खे़निॽ कुसिङ् के़मे़न्निःत्तिल्लो, कर आल्ल खे़ङ्हाॽ खिनिॽनु फुत्छिङ्मारे़ लागि मे़लोक् मे़दारो! थेआङ्भे़ल्ले़ यहवे दाङ्बा खिनिॽ निङ्वाॽफुमाङ् इस्राइलबा सेसेबाल्ले़ खिनिॽ मिमिदिङ् चोःक्निङ्ङाङ् वाॽरो॥”
यहुदाबा ये़क्यक्हाॽलाम्, यरुसले़म कुघिरिबा के़रे़क् पाङ्भेॽहाॽलाम् मनाहाॽ मे़दाःॽ॥ खे़ङ्हाॽ बेन्यामिन्ले़ कुदे़ःङ्गप्लाम्, उःक्चम्चम्बादे़न्लाम् हे़क्क्याङ् कोःक्मा फाङ्जङ् थे़गु माङ्वाहाॽलाम् नु यो यहुदालाम् खे़ङ्हाॽ मे़दाःॽ॥ खे़ङ्हाॽरे़ आङ्गाॽ आहिम्मो मिधिङ्मनादेमनाबा सिदुङ्जभा नु वेॽ ले़त्तिहाॽ, पोगुगे़न् कुजा सिदुङ्जभाहाॽ हे़क्क्याङ् ससिङ् सुक्पा नु नुगे़न् तोःम्मा सिदुङ्जभाहाॽ मे़दारुॽ॥
Piblisite