यर्मिया 30:17 - लिम्बु17 आङ्गाॽ खिनिॽ याम्मो वेःन्निङ्लो॥ खिनिॽ याङ्घेःक्हाॽ नुसुङ् पिनिङ्लो॥ हे़क्केसाङ् खिनिॽ निङ्मिहाॽरे़ अक्खे मे़बाःत्तुरो, ‘सियोने़न् मनाहाॽरे़ मे़नाॽरुआङ् ने़रो, आत्तिन्हाॽरे़आङ् खे़न् कम्ब्राङ् मे़म्मे़त्तुन्लो॥’ आङ्गाॽ यहवे दाङ्बे़ल्ले़ पाःत्तुङ्ङाङ् वाॽरो॥” Gade chapit la |
यर्मिया 30:17
36 Referans Kwoze
हे़क्क्याङ् खुने़ॽ पाःत्तु, “यहवे दाङ्बा खिनिॽ आबाङे निङ्वाॽफुमाङ्ङिल्ले़ कुबाःन्निन् ये़क्ये़क्काङ् के़घे़प्सुम्, खुने़ॽ कुनिमो आत्तिन् पाःन्निन् कुदोःप्मा चोक् खे़न् के़जोगुम्, हे़क्क्याङ् खुने़ॽ कुइङ्जाङ्हाॽ निङ्वाॽ के़बिरुम्, खे़ब्याङ् खुने़ॽ कुधिम्हाॽ इःप्मा नाःप्मा के़दे़न्दिने़भग्र, आङ्गाॽ मिस्रिहाॽरे़ खुनिॽ सम्धाङ् तारुङ्बा तुक्मा लाःक्माहाॽ खिनिॽ सम्धाङ् लत्छाआङ् मे़दाःत्तान्, थेआङ्भे़ल्ले़ खिनिॽ के़वेःम्बा आङ्गाॽ यहवे दाङ्बाआरो॥”
कर आङ्गाॽनु के़गिबा हे़क्क्याङ् आमिङ्ङे़न् मिङ्सो इङ्धाङ् के़बिबा सम्धाङ्ग नाम्मिन् फिरिरिना लिङ्बा कुइसिक् साम्योनिमाल्ले़ तुक्मा लाःक्मालाम् वेःप्मा नु नुॽमादामे़न् तारुआङ् ताःॽ॥ हे़क्क्याङ् पित्थाःङ्ङो के़ये़प्पा पित्साःत्ते़न् ले़प्मे़ल्ले़ चाराम्मादे़न्नो पित्चाक् पित्चाक् पिन्ल लाःक्कात् पेःक्पा कुइसिक् खे़निॽआङ् लाःक्कात् के़लःन्दिरो॥
के़माबा, खे़न् के़ले़ङ्बा के़बेःक्पाहाॽ आङ्गाॽ कोःत्तुङ्सिङ्ॽ, हे़क्क्याङ् से़ःप्तुङ्सिङ्ङाङ् खे़ङ्हाॽ याम्मो हिम्मो तारुङ्सिङ्ॽ॥ आङ्गाॽ के़गाःम्बाहाॽ सिदाॽपाङ्दाॽ खेःक्खुङ् पिरुङ्सिङ्ॽ हे़क्क्याङ् मे़न्धुम्मनाबाहाॽ के़धुम्बा चोगुङ्सिङ्ॽ॥ कर आङ्गाॽ खे़न् के़मे़ॽबाहाॽ नु के़धुम्बाहाॽ मे़क्खुङ्सिङ्ॽ॥ आङ्गाॽ खे़ङ्हाॽ कुजा चाःत्तुङ्सिङ्ॽ, ओवा आङ्गाॽ खे़ङ्हाॽ कुदोःप्मा खासे़न् चोगुङ्सिङ्ॽ!
खे़न् ये़क्यक्कोबा माराम् लुम्मो ये़रो॥ यङ्घङ्ङिल्ले़ कुयाओ मे़न्नुप्मनाबा हिङ्मन् के़बिबा सिङ्बुङ्ङिन् युङे़रो॥ खे़न् सिङ्बुङ्ङो तङ्बे लावा थिक्ने़त् परिक्ले़न् सिङ्सेहाॽ थोःक्ते़रो॥ हे़क्क्याङ् खे़न् सिङ्बुङ्ङिल्ले़ कुभे़क्वाहाॽग काक् मे़न्छाम् सुवाङ्हाॽ के़वेःम्बा सिदाॽ चोगे़रो॥
खे़न्नुःल्ले़ वेॽ यहवे दाङ्बे़ल्ले़ आबाङे कुमनाहाॽरे़ खुन्छिॽ याङ्घेःक्हाॽ इभुत्तु पिरुसि, हे़क्क्याङ् खुने़ॽ खाःन्दुसिबा खे़ङ्हाॽरे़ खुन्छिॽ याङ्घेःक्हाॽ वेःत्ल याःन्दु खे़न् ये़न्नो लाबे़न् नाम् कुसिङ् ओःत् हे़क्क्याङ् नाम्मिन् वेॽ ये़न्नुःल्ले़ नुसिले़ङ् यारिक् साॽरिक् ओःत्लो॥
यहवे दाङ्बे़ल्ले़ अक्खे पाःत्तुरो, “याम्बोःप्मा याःम्बक् के़जोःक्पासे! खिनिॽ के़रे़क् आङ्गाॽओ नुःक्खे़म्मे़ॽआङ् त्ये़म्मे़ॽओ, आङ्गाॽ खिनिॽ वेःन्ने़निङ्ॽ हे़क्क्याङ् खिनिॽ नसाःन्साबा चोःक्निङ्लो॥” खे़ङ्हाॽरे़ मे़बाःत्तुॽ, “ओरो, यहवे दाङ्बाए, आनिगे खे़ने़ॽओ नुःक्खिगे़ त्ये़ॽइगे़रो हे़नाङ्भे़ल्ले़ खे़ने़ॽ आनिगे निङ्वाॽफुमाङ्ने़रो॥
“आङ्गाॽ सेगुङ्सिङ्बा ने़त्छि हिम्सयङ् इस्राइल नु यहुदान् आङ्गाॽए लाप्फुसुङ्सिङ्ङाङ् वाॽ फाॽआङ् आक्खेलॽरिक् मनाहाॽरे़ मे़बाःत्तुर मे़बत्, खे़न् थे खे़निॽ के़घे़प्सुम्बि? खे़ल्ले़चोगुल्ले़ खे़ङ्हाॽरे़ आङ्गाॽ आमनाहाॽ मे़जिःत्तुसिर ओमे़मे़त्तुसिॽ हे़क्क्याङ् खे़ङ्हाॽ लत्थिक् सुवाङ्सि फाॽआङ् मे़न्इःत्तुसिन्॥
खे़ब्याङ् इस्राइलबा कोःक्मा फाङ्जङ् थे़गु माङ्वाहाॽरे़ कुदक्ले़ङ्वाओ खिनिॽ के़बाःत्तुम्बा के़रे़क् कुनामे़न्छाॽ पाःन्हाॽ आङ्गाॽ यहवे दाङ्बे़ल्ले़ खे़प्सुङ्ङाङ् वाॽ फाॽआङ् खिनिॽ निङ्वाॽ के़घोसुम्ॽ॥ थेआङ्भे़ल्ले़ खिनिॽ अक्खे के़बाःत्तुम्, ‘खे़ङ्हाॽ मुरे़क् खारे़क् चिजि खक्खक् पोःक्खे़आङ् ने़रो, आनिॽ खे़ङ्हाॽ युक्मारे़ लागि चामा कुजा कुइसिक् आम्बिरे़आङ् ने़रो!’
खे़ङ्हाॽ मे़न्छाम् सुवाङ्हाॽरे़ खुन्छिॽ लुम्मो फुत्छिङ्ज्याङ् मे़से़रे़आङ् मे़युङे़ल्ले़, खे़ङ्हाॽरे़ आङ्गाॽ आसेसे मिङ्ङो सिरिङ्ममा मे़दारु॥ थेआङ्भे़ल्ले़ मे़न्छाम् सुवाङ्हाॽरे़ अक्खे मे़बाःत्तु, ‘कन्हाॽग यहवे दाङ्बे़ल्ले़ कुमनासिरो, कर खे़ङ्हाॽरे़ खुने़ॽ कुलाजेन् ले़प्मा के़बोङ्बा पोःक्खे़!’
खे़ने़ॽ के़बेसाङ् के़बोङ्बाआङ् के़बेःक्पा के़रे़क्ले़ के़दुमुइ के़म्मे़त्ताङ् खुन्छिॽ हुक्हाॽ हिप्ला मे़हिप्तुरो॥ यरुसले़ःम्मिल्ले़ कुस्सा मे़न्छुमाःल्ले़ कुदक्ले़ङ्वाओ कुनामे़न्छाॽ मे़बाःत्तुर खुन्छिॽ थे़गेःक्हाॽ तघुम्तघुम् मे़मे़त्तुरो— “से़क्खा साॽरिक् पनुनुबा नु निङ्वाॽ के़सःप्पा इक्सादिङ् खाम्बेःक्कोबा ये़क्यक् फाॽआङ् कुमिङ् के़इङ्बान् हाबा कन् मेःन्बि?”
आनिगे साःङ्गाहिम्हाॽ हर्जुॽवर्जुॽ चोःन्दे़आङ् ने़रो, के़रे़क् इदाःक्हाॽ स्याक् वयाक् पुॽरे़आङ् ने़रो॥ आनिगे हिन्जाॽबित्छाॽहाॽ के़रे़क् मे़बेमे़जुरे़आङ् मे़होप्लो, आनिगे साःङ्गाहिम्हाॽ याम्मो के़जोःक्पा के़बिबा हाःत्ताङ् होप्लो, खे़ब्याङ् आनिगे साःङ्गाहिम् खाप्मान् के़घिङ्बा के़बिबा एःन्नाङ् होप्लो॥
Piblisite