खिनिॽ लुङ्माॽ के़दुक्पा के़रे़क्ले़ खिनिॽ निङ्वाॽ के़म्भेःत्छिरो, खे़ङ्हाॽरे़ खिनिॽ थेआङ् कम्ब्राङ् के़मे़म्मे़त्तिन्लो॥ आङ्गाॽ निङ्मिहाॽ कुइसिक् खिनिॽ तुक्खे चाःत्निङ्लो॥ खिनिॽ सम्धाङ् के़साक्पा खुम्दिङ्ङिन् चुक्ते़आङ् वाॽरो थेआङ्भे़ल्ले़ खिनिॽ लायोहाॽ यरिक् वाॽरो हे़क्क्याङ् खिनिॽ कुॽइभे़म्मे़न् साॽरिक् यम्बा चोक्लो॥
यर्मिया 30:15 - लिम्बु15 खिनिॽ याङ्घेःक्किल्ले़ चोगुल्ले़ आल्ल लुङ्हान् मे़जोगे़म्मिन्ने़ॽओ, खे़न्लाम्बा वेःप्मा लाम् होप्लो॥ आङ्गाॽ अक्तङ्बा खुम्दिङ् पिनिङ्ङाङ् वाॽरो थेआङ्भे़ल्ले़ खिनिॽ लायोन् यरिक् वाॽरो हे़क्क्याङ् खिनिॽ कुॽइभे़म्मान् साॽरिक् यम्बा चोक्लो॥ Gade chapit la |
यर्मिया 30:15
45 Referans Kwoze
खुने़ॽ आङ्गाॽ ले़प्माङ् खासे़न् मे़लोःन्दुन्ल थारिक्, हे़क्क्याङ् आघोमा युक्किन् निःन्धो मे़जोगुन्ल थारिक्, आङ्गाॽ खुने़ॽ कुसाक्के़न्निन् थरुङ्लो, थेआङ्भे़ल्ले़ खुने़ॽ कुदक्ले़ङ्वाओ लायो चोगुङ्ङाङ् वाॽरो॥ खुने़ॽ आङ्गाॽ लःत्ताआङ् ओःत्तिओ ताःत्तारो, हे़क्क्याङ् आङ्गाॽ खुने़ॽ कुसाम्योनिमान् निसुङ्लो॥
खे़ल्ले़ कुनिङ्मिहाॽ खुने़ॽ कुन्दाङ्बा मे़बोःक्खे़आङ् मे़वाॽरो, खे़ल्ले़ कुअत् कुबाङ्हाॽ मे़नाःम्सिङ्ङाङ् मे़वाॽरो॥ खे़ल्ले़ यरिक् कुलायोहाॽरे़ चोगुल्ले़ यहवे दाङ्बे़ल्ले़ खे़न् तुक्खेओ थासुबारो, खे़ल्ले़ अङे़ःक्वा कुस्साहाॽ निङ्मिहाॽरे़ खुन्छिॽ तगि पुङ्लाहिम्मो मे़दे़म्सु मे़देॽरुसिआङ् मे़वाॽरो॥
यहुदाओ आक्ख्यारिक् ये़क्यक्हाॽ ने़ःॽ, खे़प्मोबा यक्युङ्बाहाॽरे़ खे़म्म्याक्के यरिक् साम्माङ्हाॽ मे़गत्तुसिॽ॥ यरुसले़ःम्मो आक्खे़म्म्याक् लाम्हाॽ ने़ःॽ, खे़प्मोबा मनाहाॽरे़ खे़म्म्याक्के यरिक् खे़न् आनुःन्नुःम्बा याम्गे़सिङ्बा बाल साम्माङ्ङो सिदुङ्जभा तोःम्मारे़ लागि सुक्पा हाःम्मा ले़त्ति तोःम्मादे़न्हाॽ मे़जोगुआङ् ने़ःॽ॥
खे़ने़ॽ आबाङे कुॽइभे़म्माल्ले़ के़सम्धाङ् खुम्दिङ् तारुरो हे़क्क्याङ् खे़ने़ॽ के़नाॽराङ्बा पाःन्निल्ले़ए कुनामे़न्छाॽ के़जोःक्लो॥ आङ्गाॽ यहवे दाङ्बा के़निङ्वाॽफुमाङ्ङिन् नाॽमा नु आङ्गाॽओ से़वा मे़न्जोःक्मा साॽरिक् ताप्फे़ःम्बा नु निङ्वाॽ मे़न्दामा पोङ्लो, खे़न् खे़ने़ॽ कुसिङ् के़निःत्तुरो॥ आङ्गाॽ पयम् यम्बा मुक्साम्दाङ्बा यहवे दाङ्बे़ल्ले़ पाःत्तुङ्ङाङ् वाॽआरो॥”
खे़न् मनाःल्ले़ खे़न् यान् मयुरो हे़क्क्याङ् खे़ॽयोबा लुङ्हाॽ खप्सुआङ् लाप्फुसुरो, हे़क्क्याङ् खे़ॽयो के़रे़क्नुःल्ले़ नुबा चे़ल्ले़क्सेःन् लेःत्तुरो॥ खे़न् चे़ल्ले़क्सेॽ इक्किल्ले़ कुलुम्मो लत्छा याक्माहिम्धिक् चोगुरो खे़ब्याङ् याक्पेःल्ले़ कुबेसाङ् लत्छा चे़ल्ले़क्सेॽ एःम्मादे़न् थिक्काङ् चोगुरो॥ हे़क्क्याङ् के़लिम्बा चे़ल्ले़क्सेॽ थोःक्पिला फाॽआङ् खे़ल्ले़ निङ्साङ् चोःक्मा हेःक्तुरो कर खे़ॽयोग के़सुःप्पा चे़ल्ले़क्सेॽनि थोःक्ते़रो॥
आनिगे लायोन् नु ताप्फे़ःम्बा याःम्बक्किल्ले़ चोगुल्ले़ खुम्दिङ् याप्मि के़बिरे़आङ् यरिक् पाःन्हाॽ आनिगे सम्धाङ् चुक्ते़, खे़न् एगाङ्ङाङ् आनिगे खोमा के़बोङ्बा यरिक् खुम्दिङ्ङिन्नुःल्ले़ सुःल्लिक्लक् खुम्दिङ् याप्मि के़बिरे़आङ् के़वाॽ फाॽआङ् आनिगे निसुम्बे़ हे़क्क्याङ् हिङ्मार वाॽमा याप्मि के़बिरे़आङ् के़वाॽ॥
मु नु थाःङ् थे़गेःक्पोनु लाङ्दाप्पेओ थारिक् याङ्घेःक् मे़म्बप्मनाबादे़न् आत्तिआङ् होप्लो॥ के़गाःम्बै के़गाःम्बा, ते़ःम्भुक्किल्ले़ हिप्मनाबा कबहाॽ हे़क्क्याङ् के़गिबा याङ्घेःक्हाॽरक् पत्लो॥ खे़न् याङ्घेःक्हाॽ मे़न्यॽए इमे़ङ्घेःङ्ङे पत्लो, खे़ब्याङ् निःङ्गेःल्ले़आङ् चुन्जुम्बा पोङ्ल फाॽआङ् मे़न्आम्मे वाॽरो॥
यरुसले़ःम्मिल्ले़ कुस्सा मे़न्छुमाए, खे़ने़ॽ के़लागि आङ्गाॽ थे पाःप्तुङ्बाबे? आङ्गाॽ खे़ने़ॽ थेःन्नु कुदङ्बा तङ्ने़बाबे? सियोनरे़ कुस्सा मे़न्छ्याए, हाङ्हाङ् मे़प्मारे़ लागि खे़ने़ॽ थेःन्नु तङ्ने़बाबे? के़याङ्घेःक्किन् वरःङ् हे़क्के कुदिम्बे केःम्बा चोक्लो, हाःत्ले़ खे़ने़ॽ के़नुॽर याःम्मा के़सुक्काङ्बे?
खे़ने़ॽ के़याङ्घेःक्किन् थेःल्ले़आङ् मे़वेःन्दुन्लो, हे़क्क्याङ् खे़ने़ॽ के़गाःन्दे़बान् आसिसिबा चोक्लो॥ खे़ने़ॽ के़याःम्बेओ के़घे़म्बाहाॽ मे़सःत्लो खे़ने़ॽ के़जोःन्दे़बाओ खे़ङ्हाॽरे़ हिप्ला मे़हिप्तुरो, थेआङ्भे़ल्ले़ आभे़ल्ले़आङ् मे़न्नुप्मनाबा खे़ने़ॽ के़गुॽइभे़म्मे़न् हाःत्ले़ तुमुबा होःप्पाङ्बे?
Piblisite