यर्मिया 30:13 - लिम्बु13 खिनिॽ कम्ब्राङ् के़मे़प्पा थिक्काङ् होप्लो॥ खिनिॽ याङ्घेःक्किल्ले़ लागि थेआङ् सिदाॽ होप्लो॥ खिनिॽ वेःप्मा नुॽमा निङ्साङ् चोःक्मा लाम् होप्लो॥ Gade chapit la |
यर्मिया 30:13
25 Referans Kwoze
खे़ने़ॽ के़याङ्घेःक्किन् थेःल्ले़आङ् मे़वेःन्दुन्लो, हे़क्क्याङ् खे़ने़ॽ के़गाःन्दे़बान् आसिसिबा चोक्लो॥ खे़ने़ॽ के़याःम्बेओ के़घे़म्बाहाॽ मे़सःत्लो खे़ने़ॽ के़जोःन्दे़बाओ खे़ङ्हाॽरे़ हिप्ला मे़हिप्तुरो, थेआङ्भे़ल्ले़ आभे़ल्ले़आङ् मे़न्नुप्मनाबा खे़ने़ॽ के़गुॽइभे़म्मे़न् हाःत्ले़ तुमुबा होःप्पाङ्बे?
आत्तिन्हाॽआङ् मे़होःप्ले़त्छ फाॽआङ् खुने़ॽ निसुरो, हे़क्क्याङ् पाःन्दङ्साबा हाःत्ताङ् मे़होप्ते़बाल्ले़ चोगुल्ले़ साॽरिक् कुनिङ्वाॽ मये़रो॥ कल्ले़चोगुल्ले़ खुने़ॽ आबाङे कुमुक्साम्मिल्ले़ खे़ल्ले़ लागि से़न्लप् तारुरो, खे़ब्याङ् खुने़ॽए कुसाम्योबा याःम्बक्के़ल्ले़ खे़न् तक्तुरो॥
मु नु थाःङ् थे़गेःक्पोनु लाङ्दाप्पेओ थारिक् याङ्घेःक् मे़म्बप्मनाबादे़न् आत्तिआङ् होप्लो॥ के़गाःम्बै के़गाःम्बा, ते़ःम्भुक्किल्ले़ हिप्मनाबा कबहाॽ हे़क्क्याङ् के़गिबा याङ्घेःक्हाॽरक् पत्लो॥ खे़न् याङ्घेःक्हाॽ मे़न्यॽए इमे़ङ्घेःङ्ङे पत्लो, खे़ब्याङ् निःङ्गेःल्ले़आङ् चुन्जुम्बा पोङ्ल फाॽआङ् मे़न्आम्मे वाॽरो॥
आल्ल ओमे़त्ते़म्मे़ॽ, आङ्गाॽग खुने़ॽएआरो, आङ्गाॽनुःल्ले़ वेॽ हाःत्ताङ् माङ् होप्लो॥ आङ्गाॽए से़रुङ्सिङ्लो, हे़क्क्याङ् आङ्गाॽए कुहिङ्वे़त् चोगुङ्सिङ्लो॥ आङ्गाॽए खाःन्दुङ्सिङ्लो, खम्भ्याङ् आङ्गाॽए वेःन्दुङ्सिङ्लो, हे़क्क्याङ् आङ्गाॽ आहुक्कोलाम् हाःत्ले़आङ् से़म्मा मे़सुक्तुसिन्लो॥
हे़क्क्याङ् खुने़ॽ पाःत्तु, “यहवे दाङ्बा खिनिॽ आबाङे निङ्वाॽफुमाङ्ङिल्ले़ कुबाःन्निन् ये़क्ये़क्काङ् के़घे़प्सुम्, खुने़ॽ कुनिमो आत्तिन् पाःन्निन् कुदोःप्मा चोक् खे़न् के़जोगुम्, हे़क्क्याङ् खुने़ॽ कुइङ्जाङ्हाॽ निङ्वाॽ के़बिरुम्, खे़ब्याङ् खुने़ॽ कुधिम्हाॽ इःप्मा नाःप्मा के़दे़न्दिने़भग्र, आङ्गाॽ मिस्रिहाॽरे़ खुनिॽ सम्धाङ् तारुङ्बा तुक्मा लाःक्माहाॽ खिनिॽ सम्धाङ् लत्छाआङ् मे़दाःत्तान्, थेआङ्भे़ल्ले़ खिनिॽ के़वेःम्बा आङ्गाॽ यहवे दाङ्बाआरो॥”
यहवे दाङ्बाए, थे खे़ने़ॽ यहुदान् से़क्खाए के़नाॽरुबि? थे खे़ने़ॽ सियोनबा यक्युङ्बाहाॽ हिलाप्फु के़इःत्तुसिबि? थेआङ् वेःप्मा मे़न्छुक्के थारिक् खे़ने़ॽ आनिगे याप्मि के़घाःन्दे़बाबे? आनिगे सनारुङ् कोःत्तुम्बे़आङ् वयिगे़रो कर नुबा पान् थेआङ् मे़घोसुम्बे़न्लो॥ वेःप्मा ये़म्मिन् निङ्साङ् चोगुम्बे़आङ् वयिगे़रो कर किमा यङ्मारक् आनिगे तक्क्रुम्बो इरे़द्ये़रो॥
यरुसले़ःम्मिल्ले़ कुस्सा मे़न्छुमाए, खे़ने़ॽ के़लागि आङ्गाॽ थे पाःप्तुङ्बाबे? आङ्गाॽ खे़ने़ॽ थेःन्नु कुदङ्बा तङ्ने़बाबे? सियोनरे़ कुस्सा मे़न्छ्याए, हाङ्हाङ् मे़प्मारे़ लागि खे़ने़ॽ थेःन्नु तङ्ने़बाबे? के़याङ्घेःक्किन् वरःङ् हे़क्के कुदिम्बे केःम्बा चोक्लो, हाःत्ले़ खे़ने़ॽ के़नुॽर याःम्मा के़सुक्काङ्बे?
Piblisite