यर्मिया 30:12 - लिम्‍बु

¹² यहवे दाङ्‌बे़ल्‍ले़ कुमनाहाॽ अक्‍खे मे़त्तुसिरो, “खिनिॽ याङ्‌घेःक्‍किन् वेःम्‍मा सुक्‍मे़न्‍दे़प्‍मनाबा चोक्‍लो हे़क्‍क्‍याङ् खिनिॽ के़गाःन्‍दिबान् मे़न्‍नुॽमनाबा चोक्‍लो॥

यर्मिया 30:12 Referans Kwoze

यर्मिया 15:18

आङ्‌गाॽ आये़त्तुक्‍खेन् थेआङ् चक् मे़लॽने़म्‍बाबे? आयाङ्‌घेःक्‍किन् थेआङ् मे़वेःत्‍ने़म्‍बाबे? हे़नाङ् चबे़ःत्‍छिक्‍काङ् मे़नुॽने़म्‍बाबे? के़हेबा याक्‍साङ्‌वा हे़क्‍के आङ्‌गाॽ इङ्‌गे़ले़क्‍काबाबि?”

यर्मिया 30:15

खिनिॽ याङ्‌घेःक्‍किल्‍ले़ चोगुल्‍ले़ आल्‍ल लुङ्‌हान् मे़जोगे़म्‍मिन्‍ने़ॽओ, खे़न्‍लाम्‍बा वेःप्‍मा लाम् होप्‍लो॥ आङ्‌गाॽ अक्‍तङ्‌बा खुम्‍दिङ् पिनिङ्‌ङाङ् वाॽरो थेआङ्‌भे़ल्‍ले़ खिनिॽ लायोन् यरिक् वाॽरो हे़क्‍क्‍याङ् खिनिॽ कुॽइभे़म्‍मान् साॽरिक् यम्‍बा चोक्‍लो॥

यर्मिया 14:17

खे़ङ्‌हाॽ अक्‍खे मे़प्‍मासि इङ्‌जाङ् पिराङ्‌लो, “आङ्‌गाॽ आमिक्‍कोलाम् से़न्‍दिक् ले़न्‍दिक् आमिक्‌वा ते़रे़रे़ थाप्‍लो॥ खे़न् आप्‍फाल्‍ले़आङ् चक्‍मे़लॽने़ल्‍लरो थेआङ्‌भे़ल्‍ले़ सिसागे़न् मे़न्‍छ्‌या आस्‍सा इस्राइलरे़ साॽरिक् तुक्‍खे तुमुआङ् वाॽरो खे़ब्‍याङ् आमनाहाॽ यम्‍बा तुक्‍खेओ मे़ध्‍ये़आङ् मे़वाॽरो॥

२ साप्‍मुःन्‍धुम् 36:16

कर यहवे दाङ्‌बे़ल्‍ले़ कुसाक्‍के़न्‍निन् कुमनाहाॽरे़ खुन्‍छिॽ सम्‍धाङ् मे़न्‍धाए थारिक् खे़ङ्‌हाॽरे़ खुने़ॽ कुइङ्‌साबाहाॽ येःप्‍मासि कुनामे़न्‍छाॽ मे़प्‍मासि, खुने़ॽ कुबाःन्‍जाक्‍हाॽओ चे़ॽया इङ्‌दो पाःप्‍मा नु माङ्‌निङ्‌वाॽपान् के़बाःप्‍पा खुने़ॽ कुमनाहाॽ केॽमासि मे़ल्‍ले़रुन् हे़क्‍क्‍याङ् खे़प्‍मो ताङ्‌मालाम् मे़बोःक्‍खे़न्॥

इजकिएल 37:11

खे़ब्‍याङ् खुने़ॽ आङ्‌गाॽ मे़त्ताङ्, “नासिगे़न् थक्‍ला के़गप्‍पा मे़न्‍छाम् याप्‍मिए, इस्राइलबा मनाहाॽग कन् साये़प्‍पाहाॽ हे़क्‍तङ्‌बा मे़जोक्॥ खे़ङ्‌हाॽरे़ मे़बाःत्तुॽ, ‘आनिगे के़हेबा साये़प्‍पादिगे़, आनिगे थेआङ् निङ्‌साङ् चोःक्‍मा लाम् होप्, आनिगे लाजेन् मे़गे़॥’

यर्मिया 6:7

वागे़ङ्‌ङोलाम्‍बा सेसेबा च्‍वाःत्तिन् आम्‍भा लःन्‍नाङ् पत्‍लो, हे़क्‍केलॽरिक्‍के यरुसले़ःम्‍मिल्‍ले़ ताप्‍फे़ःम्‍बा पाःन्‍निन् लःत्तुआङ् पत्‍लो॥ खे़प्‍मो हयङ् ते़न्‍धङ्‌हाॽ नु मे़क्‍मासिमा पोङ्‌बा खे़म्‍दे़त्‍लो, आङ्‌गाॽ खे़प्‍मो तुक्‍मा साक्‍मा नु याङ्‌घेक् इसेःङ्‌लक् निसुङ्‌लो॥

मे़रिङ् साप्‍पन् 2:13

यरुसले़ःम्‍मिल्‍ले़ कुस्‍सा मे़न्‍छुमाए, खे़ने़ॽ के़लागि आङ्‌गाॽ थे पाःप्‍तुङ्‌बाबे? आङ्‌गाॽ खे़ने़ॽ थेःन्‍नु कुदङ्‌बा तङ्‌ने़बाबे? सियोनरे़ कुस्‍सा मे़न्‍छ्‌याए, हाङ्‌हाङ् मे़प्‍मारे़ लागि खे़ने़ॽ थेःन्‍नु तङ्‌ने़बाबे? के़याङ्‌घेःक्‍किन् वरःङ् हे़क्‍के कुदिम्‍बे केःम्‍बा चोक्‍लो, हाःत्‍ले़ खे़ने़ॽ के़नुॽर याःम्‍मा के़सुक्‍काङ्‌बे?

होसे 5:13

“आल्‍ल एफ्राइम्‍मिल्‍ले़ खुने़ॽ कुदुक्‍मे़न् निसुरो हे़क्‍क्‍याङ् यहुदाःल्‍ले़ खुने़ॽ कुयाङ्‌घेःक्‍किन् निसुरो, खे़ब्‍याङ् एफ्राइम्‍मिल्‍ले़ अस्‍सुरबा पयम् हाङ्‌ङे़ओ कुभाॽरे़ लागि मनाहाॽ पाङ्‌घुदेसुसिरो॥ कर खे़ल्‍ले़ खे़ने़ॽ के़नुॽर चोःक्‍मा खे़ल्‍ले़ खे़ने़ॽ के़याङ्‌घेःक्‍किन् वेःम्‍मा मे़सुक्‍तुन्‍लो॥

मिका 1:9

थेआङ्‌भे़ल्‍ले़ सामरियाःल्‍ले़ कुयाङ्‌घेःक्‍किन् मे़वेःत्‍ने़न्‍लो, यहुदा थारिक् खे़न् के़रे़आङ् वाॽरो॥ आङ्‌गाॽ आमनाहाॽरे़ खुन्‍छिॽ लाम्‍धेत् यरुसले़म थारिक् के़रे़आङ् वाॽरो॥

नहुम 3:19

खे़ने़ॽ के़याङ्‌घेःक्‍किन् थेःल्‍ले़आङ् मे़वेःन्‍दुन्‍लो, हे़क्‍क्‍याङ् खे़ने़ॽ के़गाःन्‍दे़बान् आसिसिबा चोक्‍लो॥ खे़ने़ॽ के़याःम्‍बेओ के़घे़म्‍बाहाॽ मे़सःत्‍लो खे़ने़ॽ के़जोःन्‍दे़बाओ खे़ङ्‌हाॽरे़ हिप्‍ला मे़हिप्‍तुरो, थेआङ्‌भे़ल्‍ले़ आभे़ल्‍ले़आङ् मे़न्‍नुप्‍मनाबा खे़ने़ॽ के़गुॽइभे़म्‍मे़न् हाःत्‍ले़ तुमुबा होःप्‍पाङ्‌बे?

यर्मिया 8:22

गिलादओ हे़न्‍नाङ् सिदाॽपाङ्‌दाॽ होःप्‍पि? थे खे़प्‍मो हाःत्ताङ् सिदाॽसाम्‍बा होःप्‍पि? थेआङ् के़गाःम्‍बा आमनाहाॽ मे़न्‌वेःत्ते मे़वाॽबाबे?

यर्मिया 14:19

यहवे दाङ्‌बाए, थे खे़ने़ॽ यहुदान् से़क्‍खाए के़नाॽरुबि? थे खे़ने़ॽ सियोनबा यक्‌युङ्‌बाहाॽ हिलाप्‍फु के़इःत्तुसिबि? थेआङ् वेःप्‍मा मे़न्‍छुक्‍के थारिक् खे़ने़ॽ आनिगे याप्‍मि के़घाःन्‍दे़बाबे? आनिगे सनारुङ् कोःत्तुम्‍बे़आङ् वयिगे़रो कर नुबा पान् थेआङ् मे़घोसुम्‍बे़न्‍लो॥ वेःप्‍मा ये़म्‍मिन् निङ्‌साङ् चोगुम्‍बे़आङ् वयिगे़रो कर किमा यङ्‌मारक् आनिगे तक्‍क्रुम्‍बो इरे़द्‌ये़रो॥