यर्मिया 3:8 - लिम्बु8 आङ्गाॽ नाॽराङ्ङाङ् याम्बोःप्मा याःम्बक् के़जोःक्मा पोःक्खे़बाल्ले़ चोगुल्ले़ आङ्गाॽ इस्राइले़न् नाॽरुङ्ङाङ् हिम्मोलाम्बा नाःत्तुङ्बा निसुसाङ् खे़ल्ले़ कुन्साॽ इङ्ले़क्सुवामा यहुदान् मे़गिसे़न्॥ Gade chapit la |
यर्मिया 3:8
20 Referans Kwoze
यहवे दाङ्बे़ल्ले़ अक्खे पाःत्तुरो, “आङ्गाॽ नाजङ्सक् साप्तुङ्पिरुङ्बाल्ले़ चोगुल्ले़ के़म्मा मे़बाङ्सु मे़देसुआङ् वये़बाबि? इग्र आङ्गाॽ आत्तिन् सिङ्नात्साबे़ल्ले़ कुहुक्को खे़निॽ सङ्निङ्बे? मेःन्लो, खे़निॽ लायोहाॽरे़ चोगुल्ले़ खे़निॽ के़म्सङ्सिबारो, हे़क्क्याङ् खे़निॽ माःन्नाङ् खे़निॽ लायोल्ले़ चोगुल्ले़ माःङ्घा मे़बाङ्सुबारो॥
यहवे दाङ्बे़ल्ले़ अक्खे पाःत्तुॽ, “कुभा मनाःल्ले़ आबाङे कुमेःत्तिन् नाॽरुरो हे़क्क्याङ् खे़न् मे़न्छुमाःल्ले़ खुने़ॽ ले़रुआङ् वेॽ ये़म्बित्छाःन्नु मेःक्खिम् चोगुरो हे़क्केने़भग्र खे़न् मनाःल्ले़ याम्मो खे़न् मे़न्छुमान् हिम्मो नुःक्मा ताःप्मा मे़सुक्तुन्लो॥ हे़क्के चोःक्माल्ले़ के़रे़क् लाजेन् चिःन्जिन् के़घुबा पोङ्लो॥ कर इस्राइलए, खे़ने़ॽ यरिक् के़धाङ्बे़न्हाॽनु के़बोःत्ते़रो हे़क्क्याङ् याम्मो आङ्गाॽओ नुःङ्मा तामा निङ्वाॽ के़जोगुरो!”
खे़ने़ॽ आबाङे कुॽइभे़म्माल्ले़ के़सम्धाङ् खुम्दिङ् तारुरो हे़क्क्याङ् खे़ने़ॽ के़नाॽराङ्बा पाःन्निल्ले़ए कुनामे़न्छाॽ के़जोःक्लो॥ आङ्गाॽ यहवे दाङ्बा के़निङ्वाॽफुमाङ्ङिन् नाॽमा नु आङ्गाॽओ से़वा मे़न्जोःक्मा साॽरिक् ताप्फे़ःम्बा नु निङ्वाॽ मे़न्दामा पोङ्लो, खे़न् खे़ने़ॽ कुसिङ् के़निःत्तुरो॥ आङ्गाॽ पयम् यम्बा मुक्साम्दाङ्बा यहवे दाङ्बे़ल्ले़ पाःत्तुङ्ङाङ् वाॽआरो॥”
“आङ्गाॽ सेगुङ्सिङ्बा ने़त्छि हिम्सयङ् इस्राइल नु यहुदान् आङ्गाॽए लाप्फुसुङ्सिङ्ङाङ् वाॽ फाॽआङ् आक्खेलॽरिक् मनाहाॽरे़ मे़बाःत्तुर मे़बत्, खे़न् थे खे़निॽ के़घे़प्सुम्बि? खे़ल्ले़चोगुल्ले़ खे़ङ्हाॽरे़ आङ्गाॽ आमनाहाॽ मे़जिःत्तुसिर ओमे़मे़त्तुसिॽ हे़क्क्याङ् खे़ङ्हाॽ लत्थिक् सुवाङ्सि फाॽआङ् मे़न्इःत्तुसिन्॥
यहवे दाङ्बान् पाःन्सेःन्दोरो, “थेआङ् आङ्गाॽ खिनिॽ ले़प्मि पिनिङ्बाबे? खिनिॽ साहाॽरे़ आङ्गाॽ लाप्मे़भुसाङ्ङाङ् वाॽरो हे़क्क्याङ् खे़ङ्हाॽ इङ्ले़क्पा माङ्हाॽओ माङ्मे़हे़क्सिङ्ङाङ् वाॽरो॥ खे़ङ्हाॽ मे़ङ्घाए थारिक् चाःत्तुङ्सिङ्लो, कर खे़ङ्हाॽरे़ याम्बोःप्मा याःम्बक् मे़जोगुआङ् मे़वये़रो हे़क्क्याङ् खे़ङ्हाॽ ये़म्बा हङ्जेना के़त्निमान्नु यरिक् ये़म् मे़देसुरो॥
Piblisite