यर्मिया 3:3 - लिम्बु3 खे़ल्ले़चोगुल्ले़ चे़रे़ङ्नाम् थे़रे़ङ्नाम्बा पाङ्गे़न्दिङ् वहित्तिन् मे़ध्ये़ने़ल्लो, हे़क्क्याङ् हाङ्वामा ये़म्मो पाङ्गे़न्दिङ् वगेःक्माआङ् पप्मा नाॽरे़रो॥ खे़ने़ॽ के़नारान्नाङ् के़त्निमा कुइसिक् निदे़त्लो, खे़ने़ॽ के़नुःम्मा थेआङ् होप्लो॥ Gade chapit la |
यर्मिया 3:3
28 Referans Kwoze
वेॽ मे़न्छाम् सुवाङ्हाॽरे़ खुन्छिॽ हने़बा माङ्साम्माङ्हाॽरे़ वहित् थामा मे़न्छुक्तुन्लो॥ ताङ्साङ्बाल्ले़ आबाङे वगेःङ्मा मे़सुक्तुन्लो॥ मेःन्लो, यहवे दाङ्बा आनिगे निङ्वाॽफुमाङ्ङे, आनिगे खे़ने़ॽए के़लाम् ओमे़त्तुम्बे़आङ् वयिगे़रो थेआङ्भे़ल्ले़ कन् के़रे़क् पाःन्हाॽ के़जोःक्पा खे़ने़ॽए के़वाॽरो॥
आङ्गाॽ इक्ताप्हाॽओ नु कोःक्मा फाङ्जङ् थे़गु माङ्वाहाॽओ, पोगुगे़न् कुजा नु कुबोक् चे़ल्ले़क्सेॽ थिओ, निःङ्गेॽओ हे़क्क्याङ् खाम्बेःक्मो के़धोःक्पा के़रे़क्को, मनाहाॽओ, हिङ्मनाबा थक्साहाॽओ नु खिनिॽ हुक्किल्ले़ स्याङ्मे़न्दाङ् के़जोगुम्बा के़रे़क् याःम्बक्हाॽओ साक्वान् पोगे़र चोगुङ्ङाङ् वाॽरो॥”
“पोगुगे़न् कुजा सुम्मा ये़म् आल्लसाङ् ला सुम्सि तामा वये़रए आङ्गाॽ खिनिॽ लागि पाङ्गे़न्दिङ् वहित् थामा मे़म्बाङ्बारो, आङ्गाॽ लत्छा ये़क्यक्को वहित् थामा पाङ्घुङ्लो कर वेॽ ये़क्यक्को वहित् थामा मे़बाङ्घुङ्ङिन्लो॥ लत्छा इक्ताप्पो वहित् थ्ये़, वेॽसमा इक्ताप्पो मे़ध्ये़ने़न्लो हे़क्क्याङ् खे़न् इक्ताप्पिन् सर्गे़ङ् हेरे़बेरो॥
कन् कुसिङ् निःप्मा के़सुक्पा चाःप्पा सिक्कुम्साबा मना हात् वाॽबे? निङ्वाॽफुमाङ्ङिल्ले़ हात् हुॽरुआङ् वाॽआङ् कन् पाःन्निल्ले़ कुयाःम्बेओ इङ्भन् चोःक्मा नु वेॽहाॽ हुॽमा सुक्तुसिबे? थेआङ् कन् लाजेन् खाप्पुथ्यःङ् पोःक्खे़आङ् आत्तिन्नाङ् लाम्दिक् चोःक्मा मे़न्छुक्मनाबा मुरे़ःक् खारे़क्पा ये़ःङ्घादे़न् हे़क्तङ्बा पोःक्खे़बाबे?
कन् याम्गे़सिङ्बा याःम्बक्किन् मे़जोगुबाओ खुन्छिॽ नुःम्मा के़बोङ्बा मेःम्बि? कर खे़ङ्हाॽग मिसाक्काङ् नुःम्माए मे़न्नुःन्दे़न्लो॥ नुःम्मा पाःन्निन् थे़माबे फाॽआङ् खे़ङ्हाॽरे़ मे़ल्ले़सुन्लो॥ खे़ल्ले़चोगुल्ले़ वेॽ के़मे़क्पाहाॽनुए खे़ङ्हाॽआङ् मे़मे़क्लो॥ खे़ङ्हाॽ खुम्दिङ् पिरुङ्सिङ्बा ये़म्मो खे़ङ्हाॽ मे़मे़क्लो॥
कन् याम्गे़सिङ्बा याःम्बक्किन् मे़जोगुबाओ खुन्छिॽ नुःम्मा के़बोङ्बा मेःम्बि? कर खे़ङ्हाॽग मिसाक्काङ् नुःम्माए मे़न्नुःन्दे़न्लो॥ नुःम्मा पाःन्निन् थे़माबे फाॽआङ् खे़ङ्हाॽरे़ मे़ल्ले़सुन्लो॥ खे़ल्ले़चोगुल्ले़ वेॽ के़मे़क्पाहाॽनुए खे़ङ्हाॽआङ् मे़मे़क्लो॥ खे़ङ्हाॽ खुम्दिङ् पिरुङ्सिङ्बा ये़म्मो खे़ङ्हाॽ मे़मे़क्लो॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽरो॥”
खिनिॽनु के़बाःप्पा निङ्वाॽफुमाङ्ङिन् मे़न्नाॽमा फाॽआङ् सिङ्सिङ् लॽरे़म्मे़ॽओ॥ थेआङ्भे़ल्ले़ इक्साबा इङ्गे़साबा मोसाःल्ले़ कुसाम्दिङ्ङिन् खे़म्मा मे़न्दे़म्मनाबा इस्राइलिहाॽ ताङ्मे़न्छे़ःप्ते़न्निल्ले़ साङ्ग्राम्पेदाङ्लाम्बा निङ्वाॽफुमाङ्ङिल्ले़ साम्दिङ् आबिःल्ले़ आनिॽ आनाॽरुम्ने़ फाॽग्र आनिॽआङ् आन्दाङ्ने़न्लो॥
खे़ङ्हाॽरे़ के़इङ्जाङ्ङिन् इःप्मा नाःप्मा मे़न्दे़न्दे़न्लो, हे़क्क्याङ् खुन्छिॽ मे़निसुर के़जोगुबा के़रे़क् के़याःम्बक्हाॽ नु निङ्वाॽ के़माबा के़याःम्बक्हाॽ खे़ङ्हाॽरे़ निङ्वाॽ मे़भेःत्छुरो॥ खे़ङ्हाॽ आबाङे आङ्दिङ् मे़लॽरे़आङ् याम्मो मिस्र लाजेॽओ योक् पोङ्से़ नुःङ्मा पेःक्मा फाॽआङ् खे़ङ्हाॽरे़ लाम्लोबाधिक् मे़सेगुरो॥ कर खे़ने़ॽ ले़प्मि के़बिबा निङ्वाॽफुमाङ्ने़रो, लुङ्माॽ आदुक्तुक्पा नु नुरिक् आमे़प्मे़प्पा हे़क्क्याङ् हारा कुसिक् मे़म्बोःक्मनाबा निङ्वाॽफुमाङ्ने़रो, खे़ने़ॽ साॽरिक् लुङ्माॽ आदुक्तुक्पा के़जोःक्लो, खे़ङ्हाॽ के़न्नाॽरुन्सिन्लो॥
तुम्म्याङ्हाङ्हाॽरे़ खुन्छिॽ से़वारोबाहाॽ च्वाःत् फाःत्छे़ मे़बाङ्घुसिरो॥ खे़ङ्हाॽ च्वाःत् याङ्घोःप्मा वाबाक्को मे़बेःक्लो कर खे़ङ्हाॽरे़ च्वाःत् मे़ङ्घोसुन्लो, खे़ङ्हाॽ कुघाले़म् खप्प्या मे़नुःङ् मे़दारो॥ खे़ङ्हाॽ खुन्छिॽ सक्माबुॽआङ् हाब् मे़ले़क्लो हे़क्क्याङ् खुन्छिॽ नारान् मे़जिक्खुरो॥
Piblisite