खे़ने़ॽ के़नुरे़आङ् के़वये़बा ये़न्नो खे़ने़ॽ फे़ःक्ने़रो कर खे़ने़ॽ आबाःन्निन् के़ङ्घे़प्सुन्लो॥ खे़ने़ॽ के़बाःत्तु, ‘के़बाःन्निन् मे़घे़म्मान्लो॥’ खे़ने़ॽ के़जुक्ते़आङ्धोए आबाःन्निन् मे़ङ्घे़म्मे के़वाॽरो॥ यहवे दाङ्बे़ल्ले़ कुइङ्जाङ्ङिन् खिनिॽ आप्फाल्ले़आङ् खे़म्मा के़न्दे़न्दिन्लो॥
यर्मिया 3:25 - लिम्बु25 आल्ल आनिॽ सिरिङ्ममो थ्ये़ॽइरो हे़क्क्याङ् आनिॽ चाःत्थि पेःक्मा पाःन्निल्ले़ आदे़प्लरो॥ आनिॽ नु आनिॽ पाधे़बाहाॽरे़ आभे़ल्ले़साङ् यहवे दाङ्बा आनिॽ निङ्वाॽफुमाङ्ङिल्ले़ कुदक्ले़ङ्वाओ आनिॽ आजुक्ते़आङ्धो लायो आजोगुम्माङ् आवाॽरो, आप्फाल्ले़आङ् आनिॽ खुने़ॽ कुइङ्जाङ्ङिन् आन्इःत्तुम्मिन् आन्नाःत्तुमिन्लो॥” Gade chapit la |
यर्मिया 3:25
38 Referans Kwoze
खे़ने़ॽ आबाङे कुॽइभे़म्माल्ले़ के़सम्धाङ् खुम्दिङ् तारुरो हे़क्क्याङ् खे़ने़ॽ के़नाॽराङ्बा पाःन्निल्ले़ए कुनामे़न्छाॽ के़जोःक्लो॥ आङ्गाॽ यहवे दाङ्बा के़निङ्वाॽफुमाङ्ङिन् नाॽमा नु आङ्गाॽओ से़वा मे़न्जोःक्मा साॽरिक् ताप्फे़ःम्बा नु निङ्वाॽ मे़न्दामा पोङ्लो, खे़न् खे़ने़ॽ कुसिङ् के़निःत्तुरो॥ आङ्गाॽ पयम् यम्बा मुक्साम्दाङ्बा यहवे दाङ्बे़ल्ले़ पाःत्तुङ्ङाङ् वाॽआरो॥”
“खे़ने़ॽ कन् इङ्घङ्ङिन् यरुसले़ःम्मो के़वाॽबाहाॽ के़रे़क् मे़त्ते़से़ॽ, यहवे दाङ्बे़ल्ले़ अक्खे पाःत्तुरो— “इस्राइलए, खे़ने़ॽ के़धाङ्बे़न् वे़म्मो आक्खे़न् नसाःन्साबा के़वये़ के़लॽबान् आङ्गाॽ आनिङ्वाॽसुम्मो वाॽरो, सिसामेःत्तिल्ले़ हे़क्के खे़ने़ॽ मिःम् के़मे़त्ताङ्लो॥ मुरे़क् खारे़क् थेआङ् के़होप्पादे़न्नो, थेआङ् मे़न्लिङ्मनाबा चिजि खक्खक्पा एःक्सादे़न्नो खे़ने़ॽ आङ्गाॽ आएगाङ् आएगाङ् के़नाःत्ताङ्लो॥
कर आल्ल खिनिॽ के़रे़क् आत्तिन्हाॽरे़ मि के़हाःन्दुम् हे़क्क्याङ् हुरुरु लॽरिक् के़हाॽबा मिजोःत्ते़न् के़गाप्पासि, खिनिॽ पेगे़म्मे़ॽओ, खिनिॽ के़हाःन्दुम्बा मि नु मिजोःत्ते़ल्ले़ ओःत्तिओ लाङ्घेगे़म्मे़ॽओ॥ खे़निॽ आङ्गाॽ आहुक्कोलाम् हाबा कन् के़दुमुम्लो— खिनिॽ के़साक्पा तुक्खेलाक्खेओ के़ध्ये़ॽइरो॥
खे़ने़ॽ आङ्गाॽ, यहवे दाङ्बा निङ्वाॽफुमाङ्ङिल्ले़ आदक्ले़ङ्वाओ के़बोगे़रो हे़क्क्याङ् आङ्गाॽ आइङ्जाङ्ङिन् इःप्मा नाःप्मा के़न्दे़न्दे़न्लो के़रे़क् सरेःक्याःप्पा सिङ्बुङ्मा सिगाङ् वेॽ माङ् साम्माङ्हाॽनु याम्बोःप्मा याःम्बक् के़जोगुरो खे़न् पाःन्नो आप्तिक्साबा पोङ्मा ते़न्दे़ॽओ॥” आङ्गाॽ, यहवे दाङ्बे़ल्ले़ कन् पाःत्तुङ्ङाङ् वाॽरो॥
निङ्वाॽफुमाङ्ङिल्ले़ कुमनाहाॽरे़ अक्खे मे़बाःत्तुरो, “आनिॽ थेआङ् स्वाःत् आयुङ् आजाबाबे? लु फे़रे़म्मे़ॽओ, आनिॽ लोःक्तिर ताङ्से़ःप्सिङ्मादे़न् के़ने़बा ये़क्यक् ले़प्माङ् पेगिरो हे़क्क्याङ् आनिॽ खे़प्मोए हदॽ स्ये़ॽइरो॥ यहवे दाङ्बा आनिॽ निङ्वाॽफुमाङ्ङिल्ले़ आनिॽ मे़ङ्मारे़ लागि इङ्जाङ् पिरुसिआङ् वाॽरो॥ खुने़ॽ आममबा निङ्ङिन् थुङ्मा आबिरे़आङ् वाॽरो थेआङ्भे़ल्ले़ आनिॽ खुने़ॽ कुदक्ले़ङ्वाओ लायो आजोगुम्माङ् वाॽरो॥
आङ्गाॽ आमनाहाॽरे़ अक्खे मे़बाःत्तुर पेलिगे़न् तुवा मे़जोःक्कारो, “आनिगे लायोल्ले़ आनिगे याप्मि फोत्याबाए लेःत्तिगे़रो, हे़क्केसाङ् यहवे दाङ्बाए, आबाङे के़मिङ्ङिल्ले़ चोगुल्ले़ आभाॽरे़ॽओ॥ यरिक्ले़ङ् आनिगे खे़ने़ॽनु लाःत्लाःत् पोःक्खिगे़आङ् वयिगे़रो, खे़ने़ॽ के़दक्ले़ङ्वाओ आनिगे लायो चोगुम्बे़आङ् वयिगे़रो॥
खे़ने़ॽलाम्बा माःङ्घा इःम्सिङ् पेगाङ्ङाङ् वयाङ्लो कर हाराए खे़ने़ॽओए नुःङ्मा तामा निङ्वाॽ चोगुङ्लो॥ खे़ने़ॽ आङ्गाॽ खुम्दिङ् के़बिराङ्लो हे़क्क्याङ् आये़त्तुक्खेओ आधेगेःक्किन् थुःक्खुङ्लो॥ आङ्गाॽग सिरिङ्ममो नु चाःत्थि पेःक्मो थ्याङ्लो थेआङ्भे़ल्ले़ थाङ्बे़न् वयाङ्ङिल्ले़ लायो चोगुङ्ङाङ् वयाङ्लो॥’
खुने़ॽ आङ्गाॽ मे़त्ताङ्, “नासिगे़न् थक्ला के़गप्पा मे़न्छाम् याप्मिए, आङ्गाॽ आदक्ले़ङ्वाओ पिफ्युङ् के़जोःक्पाआङ् के़वाॽबा, इस्राइलि सुवाङ्हाॽओ आङ्गाॽ खे़ने़ॽ पाङ्ने़र पत्ता॥ खे़ङ्हाॽ नु खे़ङ्हाॽरे़ खुन्छिॽ थाःक्थे़बाहाॽरे़ आङ्गाॽ आदक्ले़ङ्वाओ आइन् थारिक् पिफ्युङ् मे़जोगुर मे़वाॽ॥
यहुदाओ आक्ख्यारिक् ये़क्यक्हाॽ ने़ःॽ, खे़प्मोबा यक्युङ्बाहाॽरे़ खे़म्म्याक्के यरिक् साम्माङ्हाॽ मे़गत्तुसिॽ॥ यरुसले़ःम्मो आक्खे़म्म्याक् लाम्हाॽ ने़ःॽ, खे़प्मोबा मनाहाॽरे़ खे़म्म्याक्के यरिक् खे़न् आनुःन्नुःम्बा याम्गे़सिङ्बा बाल साम्माङ्ङो सिदुङ्जभा तोःम्मारे़ लागि सुक्पा हाःम्मा ले़त्ति तोःम्मादे़न्हाॽ मे़जोगुआङ् ने़ःॽ॥
आङ्गाॽ आमनाहाॽरे़ सि मे़हेॽरुरो, कर खे़ङ्हाॽरे़ कुदिङ् के़बप्पा याःन्हाॽ मे़सुप्सुरो॥ खे़ङ्हाॽरे़ स्याङ्मे़न्दाङ् याःम्बक् मे़जोगुरो कर खुन्छिॽ हुक्को थेआङ् मे़ध्ये़ने़न्लो॥ आङ्गाॽ साॽरिक् किप्मा के़घुबा आसिक्किल्ले़ हे़क्के पोःक्खे़बारो खे़ङ्हाॽरे़ खुन्छिॽ पोगुगे़न् कुजा मे़धोःक्ते़म्बाल्ले़ खे़ङ्हाॽ सिरिङ्ममो मे़ध्ये़रो॥”
निङ्वाॽफुसाम्बाहाॽ कुइसिक् खे़ङ्हाॽ आङ्गाॽ आबेसाङ् तामा मे़ङ्घोने़न् इग्र आङ्गाॽ आत्तिन् आसेसे पाःन्हाॽरे़ कुबेसाङ् इग्र के़रे़क्नुःल्ले़ साॽरिक् आसेसे सिदुङ्जभाहाॽरे़ कुबेसाङ् खे़ङ्हाॽ तामा मे़ङ्घोने़न्, खे़ङ्हाॽरे़ मे़जोगुबा याम्गे़सिङ्बा लायोहाॽरे़ लागि खे़ङ्हाॽ सिरिङ्ममो थामाए पोङ्ॽ॥
यहवे दाङ्बे़ल्ले़ अक्खे पाःत्तुरो, “आङ्गाॽ इस्राइले़न् खोमाग मुरे़क् खारे़क्पा ये़ःङ्घादे़न्नो चे़ल्ले़क्सेॽहाॽ खोमानु कुदङ्बा वये़रो, आङ्गाॽ खिनिॽ पाधे़बाहाॽ निमासि पःत्छेॽ पुङ्ङोबा तगि के़दुम्बा कुजाॽ हे़क्तङ्बा चोगे़रो॥ कर आल्ल खे़ङ्हाॽ बाल-पोरओ मे़बेःल्ले़ खे़ङ्हाॽ खे़न् सिरिङ् आममबा पाःन्नो मे़दोःन्छिङ्लो, हे़क्क्याङ् खे़ङ्हाॽरे़ खुन्छिॽ सिराॽ के़धाङ्बा नावाइत्लान् हे़क्के खे़ङ्हाॽ याम्गे़सिङ्बा मे़बोःक्खे़रो॥
आङ्गाॽ मनाहाॽरे़ खुन्छिॽ सम्धाङ् ये़त्तुक्खे तारुङ्लो, हे़क्क्याङ् खे़ङ्हाॽ मिक्फःम्बा हे़क्के लाङ्मे़घेःक्लो, थेआङ्भे़ल्ले़ यहवे दाङ्बे़ल्ले़ कुदक्ले़ङ्वाओ खे़ङ्हाॽरे़ लायो मे़जोगुआङ् मे़वाॽरो॥ आल्ल खुन्छिॽ माक्खिन् च्वाःत् हे़क्के नु खुन्छिॽ हिदुःत् थे़ङाःङ्हाॽ हि हे़क्के से़आङ् ने़रो॥
Piblisite