यर्मिया 3:21 - लिम्बु21 मुरे़क् खारे़क्पा कोःक्मा फाङ्जङ्हाॽओ इक्लाधिक् खे़म्दे़त्लो, इस्राइलबा मनाहाॽ मे़हाःप् मे़भिःक्ल पेलि मे़भाक्लो थेआङ्भे़ल्ले़ खे़ङ्हाॽरे़ लायोओ खुन्छिॽ हिङ्मन् मे़देसुआङ् वाॽरो हे़क्क्याङ् खे़ङ्हाॽरे़ यहवे दाङ्बा खुन्छिॽ निङ्वाॽफुमाङ्ङिन् निङ्वाॽ मे़भेःत्छुआङ् मे़वाॽरो॥ Gade chapit la |
यर्मिया 3:21
24 Referans Kwoze
आङ्गाॽ आमनाहाॽ नुःक्तुङ् तारुङ्सिङ्ङिल्ले़ मे़हाःप्लो हे़क्क्याङ् पेलिगे़न् तुवा चोःक्नु मे़नुःङ् मे़दारो॥ आङ्गाॽ मनाहाॽ वहःङ् यङ्घङ्लाम्बा लाम् तोःन्दुङ्सिङ्लो, आघघबा के़होप्पा के़दङ्बा लाम्मो लाङ्घेःक्खुङ्सिङ्लो॥ आङ्गाॽ इस्राइलिहाॽरे़ लागि खुन्छिॽ पानुदिङ् पाआरो खे़ब्याङ् एफ्राइम्मिन् आङ्गाॽ आस्सा तुम्बारो॥
मुरे़क् खारे़क्पा कोःक्मा फाङ्जङ् थे़गु माङ्वाहाॽओ ओमे़त्ते़ॽओ॥ खे़ने़ॽ के़धाङ्बे़न्हाॽनु के़इप्से़म्बादे़न्निन् आत्ति ने़बे? लत्छा फाःन्दान् मुरे़क् खारे़क्पा ये़ःङ्घादे़न्नो मनाहाॽ नाप्मासि फाॽआङ् मना सुक्पा हे़क्केए खे़ने़ॽ लाम्बेसाङ् के़ये़प्पाङ् के़धाङ्बे़न्हाॽरे़ खुन्छिॽ लाम्मिन् ओगे़मे़त्तुरो॥ खे़ने़ॽग ताप्फे़ःम्बा फे़न्याःम्बक् के़जोःक्लो के़त्निमा के़जोःक्मारे़ लाजेन् के़जिःन्दुरो॥
इस्राइलबा मनासे, खे़निॽ के़से़ःप्पा निङ्वाॽफुमाङ्ङिन् खे़निॽ निङ्वाॽ के़मुःत्छुम्माङ् के़वयिरो, हे़क्क्याङ् सियाक्पेॽ थे़याक्पेॽ से़ःप्सिङ्मादे़न् नु खे़निॽ हाङ्यक्किन् निङ्वाॽ के़न्इःत्तुम्मिन्लो॥ कल्ले़चोगुल्ले़, खे़निॽ साॽरिक् नुबा फुङ्हाॽ के़लेःत्तुम्लो हे़क्क्याङ् वेॽ लाजेॽलाम् के़दारुम्बा चे़ल्ले़क्सेॽइल्ले़ कुबुङ्हाॽ के़लेःत्तुम्लो,
दिबोन के़युङ्बा के़मनाहाॽ मे़रिङ् थक्मारे़ लागि केःम्बा कोःक्माहाॽओ के़ने़बा खुन्छिॽ माङ्हिम्मो थो मे़बेरो, नेबो नु मेदबा ये़क्यक् के़युङ्बा मनाहाॽरे़ लागि मोआब के़युङ्बाहाॽ उःक्काङ् उःक् मे़हाःप्लो॥ खे़ङ्हाॽरे़ खुन्छिॽ थे़गेःक्हाॽ के़रे़क् मे़नःक्खुआङ् मे़वाॽरो खे़ब्याङ् खुन्छिॽ मुधोॽहाॽ खक्पे़त् लिगोॽ मे़घक्तु मे़देसुआङ् मे़वाॽरो॥
इस्राइलरे़ कुनावा चइःत्दाङ्बे़न् निङ्वाॽ फेःत्छुआङ् वाॽरो हे़क्क्याङ् पयम् यम्बा हिम्हाॽ चोगुसिआङ् युङ्लो, यहुदाःल्ले़ यरिक् ये़क्यक्हाॽओ हाङ्यक्हाॽ चोगुसिआङ् ने़रो॥ कर खे़ङ्हाॽरे़ खुन्छिॽ ये़क्यक्हाॽओ मि केःत्तुङ्लो, हे़क्क्याङ् खे़ल्ले़ खुन्छिॽ हाङ्यक्हाॽ खाप्पुथ्यःङ् चोगुरो॥”
“मुक्साम्दाङ्बा यहवे दाङ्बे़ल्ले़ अक्खे पाःत्तुॽ—हे़क्क्याङ् खे़ने़ॽ आङ्गाॽ निङ्वाॽ के़भेःत्छाङ्ङाङ् के़वाॽबा नु खे़ने़ॽ के़एःक्के़न् के़हिसाङ् के़बिराङ्ङाङ् वाॽबाल्ले़ चोगुल्ले़, खे़ने़ॽ के़जोगुबा के़रे़क् चाराम्मा याःम्बक् के़जोगुबा नु के़त्निमा याःम्बक् के़जोगुबाल्ले़ कुले़क्वान् खे़ने़ॽ के़धरुर पोङ्लो॥”
यहवे दाङ्बे़ल्ले़ पाःत्तुरो, “खिनिॽ यङ्मा किमाओ के़धाबा कन् माङ्हाॽ हाःत्छिआङ् आङ्गाॽ इङ्ले़क् पान् याप्मि के़मे़त्ति खे़ब्याङ् सगप् याप्मि निङ्वाॽ के़भेःत्छिबाबे? थे आङ्गाॽ कन् पाःन्हाॽरे़ कुयाःम्बेओ यरिक् ये़म् थारिक् स्वाःत् युङ्ङाबाल्ले़ चोगुल्ले़ आङ्गाॽ मिङ्सो इङ्धाङ् पिमा याप्मि के़ले़रे़बाबि?
“यरुसले़ःम्मो के़युङ्बासे आल्ल आबाङे थे़गेःक्इःन् खक्ते़म्मे़ॽआङ् लाप्फुसे़म्मे़ॽओ॥ मे़रिङ् थक्ते़म्मे़ॽर थेआङ् के़होप्पा मुरे़क् खारे़क्पा कोःक्मा फाङ्जङ् सम्मो हाबे़म्मे़ॽओ थेआङ्भे़ल्ले़ आङ्गाॽ यहवे दाङ्बान् आसिक् पोगे़आङ् वाॽरो हे़क्क्याङ् आङ्गाॽ आमनाहाॽ लाप्फुसुङ्सिङ्ङाङ् वाॽरो॥
कर आमनाहाॽरे़ निङ्वाॽ मे़भेःत्छाङ्ङाङ् वाॽरो, खे़ङ्हाॽरे़ हने़बा नावाइत्लाहाॽओ सुक्पा मे़हाःन्दुआङ् मे़वाॽरो हे़क्क्याङ् आप्फेक् लाङ्मे़घेःक्पा लाम्मो मे़घसिङ्ङाङ् मे़वाॽरो॥ खे़ङ्हाॽरे़ आबाङे खुन्छिॽ तगिबा लाम्मिन् निङ्वाॽ मे़मुःत्छुआङ् मे़वाॽरो हे़क्क्याङ् खे़ङ्हाॽ चिहुॽहुॽबा लाम्मो मे़धासिङ्ङाङ् मे़वाॽरो॥
Piblisite