खुने़ॽ आङ्गाॽ मे़त्ताङ्, “नासिगे़न् थक्ला के़गप्पा मे़न्छाम् याप्मिए, कङ्ग आङ्गाॽ आहाङ्युक्नादे़न् नु आङ्गाॽ आलाङ् तोॽभेःत् ते़न्लो॥ आङ्गाॽ कप्मो इस्राइलबा मनाहाॽरे़ खुन्छिॽ लुम्मो सदादिङ् आभे़ल्ले़साङ् वाॽआ॥ इस्राइलबा हिम्सयङ्हाॽ नु खे़ङ्हाॽरे़ खुन्छिॽ हाङ्हाॽरे़ खे़ङ्हाॽरे़ खुन्छिॽ याम्बोःप्मालाम् इग्र माङ्हिम् पेसाङ् खे़ङ्हाॽरे़ खुन्छिॽ हाङ्हाॽरे़ खुन्छिॽ चेहाॽ मे़न्लुप्तुसिन्ॽ हे़क्क्याङ् याम्मो आभे़ल्ले़आङ् आङ्गाॽ आसेसे मिङ्ङिन् आसुत्थो मे़न्जोगुन्ॽ॥
यर्मिया 3:17 - लिम्बु17 खे़न् ये़म्मिन् ताआङ् यरुसले़ःम्मिन् ‘यहवे दाङ्बे़ल्ले़ कुहाङ्युक्ना’ मे़मे़त्तुॽ हे़क्क्याङ् खे़प्मो के़रे़क् मे़न्छाम् सुवाङ्हाॽ यहवे दाङ्बे़ल्ले़ कुमिङ्ङिन् मिङ्सो इङ्धाङ् पिसे़ मे़जुम्॥ खे़ङ्हाॽ खुन्छिॽ हादिङ्धक्मा नु सिक्लुङ्मोबा ताप्फे़ःम्बा पाःन्हाॽओ याम्मो आफाल्ले़आङ् मे़म्बत्ने़न्॥ Gade chapit la |
यर्मिया 3:17
44 Referans Kwoze
कर खे़ङ्हाॽरे़ आङ्गाॽ आइङ्जाङ्ङिन् मे़न्इःत्तुन् मे़न्नाःत्तुन् हे़क्क्याङ् खे़म्घे़म्माङ् मे़ल्लाप्तुन्॥ परुमाल्ले़ खे़ङ्हाॽ आभे़ल्ले़साङ् हादिङ् के़धक्पा नु ताक्के़भे़ॽबारक् मे़बोःक्खे़॥ खे़न् माङ्हुप्पिन् के़प्मारे़ लागि आङ्गाॽ खे़ङ्हाॽ इङ्जाङ् पिरुङ्सिङ्ङाङ् वयाङ् कर खे़ङ्हाॽ हे़क्के चोःक्मा मे़न्दे़न्दे़न्॥ खे़ल्ले़चोगुल्ले़ खे़न् माङ्हुप्पो पोधक् के़बोङ्बा के़रे़क् खुम्दिङ्हाॽ आङ्गाॽ खे़न्हाॽरे़ खुन्छिॽ सम्धाङ् थासुङ्॥”
खे़म्ब्याङ् खे़ङ्हाॽरे़ इक्सादिङ् खाम्बेःक्मोबा के़रे़क् मे़न्छाम् सुवाङ्हाॽलाम् खिनिॽ के़रे़क् फुॽनुसाॽहाॽ अन्हाॽ, अन्लाधाहाॽ, लाधाहाॽ, अदङ्हाॽ नु उमेहाॽओ कक् मे़जोगुआङ् आङ्गाॽ आसेसे कोःक्मा यरुसले़ःम्मो यहवे दाङ्बे़ल्ले़ कुलागि सिदुङ्जभा हे़क्के मे़दारुॽ॥ इस्राइलबा मनाहाॽरे़ खुन्छिॽ साहाॽरे़ मे़दारुबा पोगुगे़न् कुजाःल्ले़न् सिदुङ्जभाहाॽ सुत्थो खप्प्याओ मे़याक्तुआङ् यहवे दाङ्बे़ल्ले़ कुहिम्मो मे़दारुबा हे़क्के खे़ङ्हाॽरे़ कन्हाॽ मे़दारुसिॽ॥
हे़क्क्याङ् खुने़ॽ कुमनाहाॽनु तङ्सिङ्से़ के़दाबा वेॽ लाजेॽबा मना, खुने़ॽ कुसे़वा याःम्बक् के़जोःक्पा, खुने़ॽ मिःम् के़मे़प्पा, खुने़ॽ कुसे़वारोबा के़बोङ्बा, हे़क्क्याङ् नाःम्सिङ्मा ये़न्निन् नु कुमाङ्हुप्पिन् नुरिक् के़इःप्पा के़नाःप्पा, खे़ङ्हाॽ यहवे दाङ्बे़ल्ले़ अक्के मे़त्तुसिरो,
इस्राइलबा निङ्वाॽफुमाङ् मुक्साम्दाङ्बा यहवे दाङ्बे़ल्ले़ पाःत्तुॽ, “आङ्गाॽ आमनाहाॽ खुन्छिॽ आबाङे लाजेॽओ नुःक्तुङ् तारुङ्सिङ्, हे़क्केःल्ले़ यहुदा लाजेॽ नु खे़ॽयोबा ये़क्यक्हाॽओ याम्मो थिक्ले़ङ् खे़ङ्हाॽरे़ अक्खे मे़बाःत्तुॽ, ‘यरुसले़ःम्बा सेसे कोःक्माए, साम्योबा के़वाॽबादे़न्ने यहवे दाङ्बे़ल्ले़ हाङ्वागे़न् मुॽइसाम् के़बिररो॥’
कर खे़ङ्हाॽ आङ्गाॽ आबाःन्निन् खे़म्मा मे़न्दे़न्दे़न्, खे़प्मो थे़माआङ् निङ्वाॽ मे़म्बिरुन्॥ खे़ल्ले़ कुले़क्वा खे़ङ्हाॽ इङ्जाङ् इःप्मा नाःप्मा मे़न्दे़म्मनाबा नु ताप्फे़ःम्बा सिक्लुङ्माल्ले़ निङ्वाॽ इःत्तुबा कुइसिक् याःम्बक् मे़जोगुर मे़वये़॥ हे़क्केलॽरिक् खे़ङ्हाॽ आरसाङ् कुॽइगे़भे़म्बा मे़बोःक्खे़र मे़बे॥
नाम्धा पिसाङ्बा लाजेॽओ के़युङ्बा मनाहाॽरे़ यहवे दाङ्बे़ल्ले़ कुमिङ्ङिन् इङ्धाङ् मे़बिरुरो, हे़क्क्याङ् तॽइ नाङ्गे़न् ले़प्साङ्लाम् खे़ङ्हाॽरे़ खुने़ॽ मिमिदिङ् मे़बिरुरो॥ थेआङ्भे़ल्ले़ खुने़ॽ के़गुङ्बा के़युबा च्वाःत् हे़क्के युरो, खे़न् के़गुङ्बा के़युबा च्वाःत्हाॽ यहवे दाङ्बे़ल्ले़ कुसक्माःल्ले़ सुःन्दु युरुरो॥
कर खे़न् खासे़न्लोःम्बान् मासिङ्नुमे़ःन्ने एयाङ्बा साम्माङ्हाॽ मे़दिम्दुसि हे़क्क्याङ् खे़ङ्हाॽरे़ खुन्छिॽ तगि साम्बोन् मे़भन्छिङ्ङाङ् से़वा मे़मे़त्तुसिर खे़ङ्हाॽ खुन्छिॽ पाधे़बाहाॽनुःल्ले़ आल्लसाङ् यरिक् फे़त्मे़लाॽरे़॥ खे़ङ्हाॽरे़ खुन्छिॽ ताप्फे़ःम्बा ये़प्ले़क्किन् नु हादिङ् थक्मा सुत्नाःन् ले़प्मा मे़न्दे़न्दे़न्॥
यहवे दाङ्बाल्ले़ खे़न् कुनाम्गे़नुॽबा सिदुङ्जभा मिःक्खुॽइन् नाम्सुआङ् कुनिङ्वाॽओ पाःत्तु, “मे़न्छाम् याप्मिःल्ले़ कुनिङ्वाॽओबा पाःन्हाॽ खुने़ॽ चुःक्काङ्धोसा ताप्फे़ःम्बा चोक्, हे़क्केसाङ् ताप्फे़ःम्बा मे़न्छाम् याप्मिःल्ले़ चोगुल्ले़ आङ्गाॽ याम्मो आभे़ल्ले़आङ् इक्सादिङ् खाम्बेःक्मान् साक्मुरा मे़मे़त्तान्॥ आल्लो चोगुङ्बा कुइसिक् के़रे़क् थक्सापुसाहाॽ याम्मो आभे़ल्ले़आङ् मे़मे़ङ्ङासिङिन्॥
यहवे दाङ्बे़ल्ले़ अक्खे पाःत्तुरो, “इस्राइलए, खे़ने़ॽ आबाङे आबुगे़न् आस्सा चोःक्माने़ आनिङ्वाॽ वये़रो लत्थिक् सुक्खेवाबा लाजेॽ नु खाम्बेःक्मोबा के़रे़क्नुःल्ले़ के़वे़म्बा लाजेॽ पिमाने़ निङ्वाॽ चोगुङ्ङाङ् वये़रो, खे़ने़ॽ आङ्गाॽ ‘आम्बौ’ लॽरिक् याप्मि के़उःत्ति फाॽआङ् इःत्तुङ्ङाङ् वये़रो हे़क्क्याङ् आङ्गाॽ आप्फाल्ले़आङ् याप्मि के़ल्ले़त्ने़म्बा आनिङ्वाॽ वये़रो॥
थिक्ले़ङ् आङ्गाॽ आमनाहाॽ खे़ङ्हाॽरे़ बाल साम्माङ्ङिन् माङ्से़वा मे़प्मा मे़हुॽरुसि कर आल्ल खे़ङ्हाॽरे़ ‘से़क्खाए यहवे दाङ्बे़न् कुहिङ्वे़त् वाॽबा कुइसिक्’ माङ्मे़हे़क्सिङ् हे़क्क्याङ् आमनाहाॽरे़ खुन्छिॽ सुत्नाःन् नुरिक्काङ् मे़हुॽसिङ्ने़भग्र खे़ङ्हाॽ आङ्गाॽ आमनाहाॽरे़ खुन्छिॽ लुम्मो मे़युक्खुसि॥
यहवे दाङ्बाए, आमुक्साम् नु आहाङ्यक्के, तुक्खेवा ये़न्नोबा आइःम्सिङ्मादे़न्ने़, इक्सादिङ् खाम्बेःक्माल्ले़ कुया नु कुसुक्पोलाम्बा मे़न्छाम् सुवाङ्हाॽ खे़ने़ॽओ मे़दारो हे़क्क्याङ् खे़ङ्हाॽरे़ मे़बाःत्तुरो, “आनिगे पाधे़बाहाॽनुग इङ्ले़क्पा साम्माङ्हाॽ नु हने़बा नावाइत्लाहाॽरक् मे़वये़रो कर वेॽ थेआङ् होःप्ते़रो॥
खे़ब्याङ् कन् यरुसले़म ये़क्यक्किन् आङ्गाॽ आलागि निङ्वाॽ तामा, मिङ्सोधाःङ्सो पोङ्मा नु ने़बो पप्मारे़ कुबुङ् पोङ्ॽ हे़क्क्याङ् आङ्गाॽ यरुसले़ःम्बा यक्युङ्बाहाॽरे़ खुन्छिॽ लागि चोगुङ्बा नुबा याःम्बक्हाॽ नु खे़न् ये़क्यक्को चोगुङ्बा नुॽमादामा पाःन्हाॽ मे़घे़प्सुआङ् इक्सादिङ् खाम्बेःक्मोबा के़रे़क् मे़न्छाम् सुवाङ्हाॽ पगि मे़गिआङ् थे़गक्कक्ना मे़यङ्॥”
Piblisite