आङ्गाॽ खे़ङ्हाॽनु सदादिङ् आभे़ल्ले़साङ् के़वाॽबा माङ्हुप्, सनारुङ् माङ्हुप् थिक् चोगुङ्ॽ॥ आङ्गाॽ खे़ङ्हाॽरे़ खुन्छिॽ लाजेन् पिरुङ्सिङ्ॽ हे़क्क्याङ् खे़ङ्हाॽ यरिक् खानिःत् चोगुङ्सिङ्ॽ, हे़क्क्याङ् आङ्गाॽ आसेसेदे़न्निन् खे़ङ्हाॽरे़ खुन्छिॽ लुम्मो सदादिङ् आभे़ल्ले़साङ् युक्खुङ्ॽ॥
यर्मिया 3:16 - लिम्बु16 “हे़क्क्याङ् कन् लाजेॽओ खिनिॽ निःत्मे़न्दे़त्ते के़बोरिआङ् मनाहाॽरे़ आमाङ्हुप्पिल्ले़ सन्दोक्किल्ले़ कुयाःम्बेओ पान् पाःप्मा चाहा मे़जोक्ने़न्लो॥ खे़ङ्हाॽ खे़न् चाहा मे़जोक्ने़न्॥ खे़ब्याङ् खे़न् खे़ङ्हाॽ याम्मो चाहा मे़न्जोःक्ने़न्॥ Gade chapit la |
यर्मिया 3:16
24 Referans Kwoze
आङ्गाॽ खे़ङ्हाॽ थाङ्गे़त्लाम् युरुङ्सिङ्लो हे़क्क्याङ् इक्सादिङ् खाम्बेःक्माल्ले़ वेॽसमा कुयाओलाम्बा सुप्सुङ्सिङ्लो॥ खे़ङ्हाॽरे़ खुन्छिॽ लुम्मो मिक्फःम्बा नु लाङ्सक्पा, हे़क्क्याङ् मे़न्छुक्मा के़वाॽमा नु सागप्मा यारिप् के़बोङ्माहाॽआङ् मे़वाॽरो॥ लत्छा यम्बा चुम्भो मे़बोङ्ङाङ् खे़ङ्हाॽ मे़नुःङ् मे़दारो॥
खे़प्मो के़युङ्बाहाॽरे़ नुगे़न् तोःम्मा साम्लोन् साम्मे़मे़त्तुरो हे़क्क्याङ् खुन्छिॽ निङ्वाॽ ताआङ् पसःत् मे़सःत्लो॥ आङ्गाॽ आहाङ्वा मुॽइःल्ले़ खे़ङ्हाॽ यरिक् चोगुङ्सिङ्लो॥ हे़क्क्याङ् खे़ङ्हाॽ सुःल्लिक् मे़म्बोङ्ने़ल्लो॥ आङ्गाॽ खे़ङ्हाॽ मिङ्सो इङ्धाङ् पिरुङ्सिङ्लो खे़ब्याङ् खे़ङ्हाॽ कुनामे़न्छाॽ मे़म्बोङ्ने़न्लो॥
खे़ल्ले़ याःन्दिक् आङ्गाॽ ले़प्माङ् के़जोगुम्बा खिनिॽ के़रे़क् फे़न्याःम्बक्किल्ले़ चोगुल्ले़ खिनिॽ नारा सिरेःप् लॽमा मे़बोङ्ने़न्लो॥ थेआङ्भे़ल्ले़ खे़न् ये़म्मो खुन्छिॽ आङ्दिङ् लॽमाओ के़सःप्पाहाॽ आङ्गाॽ कन् ये़क्यक् लुम्मोलाम् लःत्तुङ्देसुङ्सिङ्लो॥ आङ्गाॽ आसेसे कोःक्माओ याम्मो आभे़ल्ले़आङ् खिनिॽ याम्मो यम्बा के़हे़न्छिङ्बा के़म्बोःक्खिन्लो॥
खे़न् ये़म्मिन् ताआङ् यरुसले़ःम्मिन् ‘यहवे दाङ्बे़ल्ले़ कुहाङ्युक्ना’ मे़मे़त्तुॽ हे़क्क्याङ् खे़प्मो के़रे़क् मे़न्छाम् सुवाङ्हाॽ यहवे दाङ्बे़ल्ले़ कुमिङ्ङिन् मिङ्सो इङ्धाङ् पिसे़ मे़जुम्॥ खे़ङ्हाॽ खुन्छिॽ हादिङ्धक्मा नु सिक्लुङ्मोबा ताप्फे़ःम्बा पाःन्हाॽओ याम्मो आफाल्ले़आङ् मे़म्बत्ने़न्॥
Piblisite