खे़ने़ॽ आबाङे कुॽइभे़म्माल्ले़ के़सम्धाङ् खुम्दिङ् तारुरो हे़क्क्याङ् खे़ने़ॽ के़नाॽराङ्बा पाःन्निल्ले़ए कुनामे़न्छाॽ के़जोःक्लो॥ आङ्गाॽ यहवे दाङ्बा के़निङ्वाॽफुमाङ्ङिन् नाॽमा नु आङ्गाॽओ से़वा मे़न्जोःक्मा साॽरिक् ताप्फे़ःम्बा नु निङ्वाॽ मे़न्दामा पोङ्लो, खे़न् खे़ने़ॽ कुसिङ् के़निःत्तुरो॥ आङ्गाॽ पयम् यम्बा मुक्साम्दाङ्बा यहवे दाङ्बे़ल्ले़ पाःत्तुङ्ङाङ् वाॽआरो॥”
यर्मिया 3:14 - लिम्बु14 “नसान् के़होप्पा मनासे, आङ्गाॽ ले़प्माङ् नुःक्खे़म्मे़ॽओ, आङ्गाॽ खिनिॽ दाङ्बाआरो॥ आङ्गाॽ खिनिॽ के़रे़क् ये़क्यक्लाम्बा लत्छा हे़क्क्याङ् के़रे़क् थाःक्लाम्बा ने़प्फु ने़प्फु तेॽनिङ्लो हे़क्क्याङ् सियोन कोःक्माओ नुःक्निङ् ताःत्निङ्लो॥ Gade chapit la |
यर्मिया 3:14
31 Referans Kwoze
खे़ङ्हाॽरे़ खुन्छिॽ पाधे़बाहाॽनु आङ्गाॽ चोगुङ्बा माङ्हुप् हे़क्तङ्बा खे़न् मे़बोङ्ने़न्लो मिस्रलाम् लःत्तुङ् फे़त्तुङ्सिङ्ङिल्ले़ खे़ङ्हाॽ खुन्छिॽ हुक्को ते़म्सुङ् फे़त्तुङ्सिङ्लो॥ आङ्गाॽ खे़ङ्हाॽरे़ खुन्छिॽ हिम्दाङ्बा कुइसिक् वयाङ्लो हे़क्केसाङ् खे़ङ्हाॽरे़ खे़न् माङ्हुप्पिन् मे़भेःन्दुरो,” यहवे दाङ्बे़ल्ले़ पाःत्तुरो॥
आङ्गाॽ आमे़ल्लुक् लुप्हाॽलाम् के़दाङ्बा के़याःक्पा आङ्गाॽ खे़ङ्हाॽ नाःत्तुङ्देसुङ्सिङ्बा लाजेॽहाॽलाम् खे़ङ्हाॽ सुप्सुङ् तारुङ्सिङ्ॽ हे़क्क्याङ् खे़ङ्हाॽ आबाङे खुन्छिॽ लाजेॽओ नुःक्तुङ् तारुङ्सिङ्ॽ॥ खे़ङ्हाॽरे़ खुन्छिॽ मुॽइदाङ्साहाॽ मे़बोन् मे़धे़ॽर खे़ब्याङ् खे़ङ्हाॽ यरिक् मे़बोङ्ल॥
“खे़ने़ॽ कन् इङ्घङ्ङिन् यरुसले़ःम्मो के़वाॽबाहाॽ के़रे़क् मे़त्ते़से़ॽ, यहवे दाङ्बे़ल्ले़ अक्खे पाःत्तुरो— “इस्राइलए, खे़ने़ॽ के़धाङ्बे़न् वे़म्मो आक्खे़न् नसाःन्साबा के़वये़ के़लॽबान् आङ्गाॽ आनिङ्वाॽसुम्मो वाॽरो, सिसामेःत्तिल्ले़ हे़क्के खे़ने़ॽ मिःम् के़मे़त्ताङ्लो॥ मुरे़क् खारे़क् थेआङ् के़होप्पादे़न्नो, थेआङ् मे़न्लिङ्मनाबा चिजि खक्खक्पा एःक्सादे़न्नो खे़ने़ॽ आङ्गाॽ आएगाङ् आएगाङ् के़नाःत्ताङ्लो॥
हे़क्क्याङ् इस्राइल लाजेॽओ थिबोङ्लक् यारिक्लक् मनाहाॽ मे़दाङ् मे़याःक्साङ् याम्मो खे़न् के़दाङ्बा के़याःक्पाहाॽ खाम्पु थ्यःङ् मे़जोगुसिरो॥ कर यहिबा इग्र के़साक्पा सिङ्बुङ्हाॽ आःप्मादे़मासाङ् कुमुःत्हाॽ युङ्याःक्काङ् खे़न् सिङ्मुःत्हाॽ याम्मो कुजःक् लिङ्धाङ्बा कुइसिक् खे़न् सिङ्मुःत्तिन् सेसे याॽरिःम्बा पोङ्ङाङ् याम्मो पोधाङ्लो॥”
यहवे दाङ्बे़ल्ले़ अक्खे पाःत्तुॽ, “कुभा मनाःल्ले़ आबाङे कुमेःत्तिन् नाॽरुरो हे़क्क्याङ् खे़न् मे़न्छुमाःल्ले़ खुने़ॽ ले़रुआङ् वेॽ ये़म्बित्छाःन्नु मेःक्खिम् चोगुरो हे़क्केने़भग्र खे़न् मनाःल्ले़ याम्मो खे़न् मे़न्छुमान् हिम्मो नुःक्मा ताःप्मा मे़सुक्तुन्लो॥ हे़क्के चोःक्माल्ले़ के़रे़क् लाजेन् चिःन्जिन् के़घुबा पोङ्लो॥ कर इस्राइलए, खे़ने़ॽ यरिक् के़धाङ्बे़न्हाॽनु के़बोःत्ते़रो हे़क्क्याङ् याम्मो आङ्गाॽओ नुःङ्मा तामा निङ्वाॽ के़जोगुरो!”
हे़क्केसाङ् लत्छा चैतुन सिङ्बुङ्ङिल्ले़ कुजाॽहाॽ तुप्माआङ् चे़ॽजे़ःत् कुजाॽ पप्पा कुइसिक्, खे़ॽयो कुभा कुजाॽहाॽ पत्याःक्लो— थोसमा कुबोराक्को कुजाॽ ने़त्छि सुम्सि नु कुजाॽ के़धोःक्पा कुबोराक्को कुजाॽ लिसि ङासि पप्पा हे़क्के इस्राइले़न् पोङ्लो,” यहवे दाङ्बा इस्राइलबा निङ्वाॽफुमाङ्ङिल्ले़ पाःत्तुरो॥
से़क्खा, आङ्गाॽ मे़त्निङ्, खिनिॽ आङ्गाॽ याप्मि के़घोसिॽ खे़ब्याङ् आङ्गाॽ खिनिॽ आबाङे लाजेॽओ नुःक्निङ् ताःत्निङ्॥ आङ्गाॽ खिनिॽ नाःत्निङ्देनिङ्बा के़रे़क् लाजेॽ नु ते़न्नोलाम्बा आङ्गाॽ खिनिॽ सुम्निङ्॥ आत्तिन् लाजेॽलाम्बा आङ्गाॽ के़म्दे़म्सि के़म्देॽरिर याःन्निङ्ङाङ् वयाङ्, हाबा खे़न् लाजेॽओ आङ्गाॽ खिनिॽ नुःक्निङ् ताःत्निङ्॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽ॥”
खे़ङ्हाॽ मे़दाआङ् मे़सःत्ल सियोन कोःक्माओ से़वासाम्लोन् साम्मे़मे़त्तुरो यहवे दाङ्बे़ल्ले़ पिरुसिबा यरिक् पर्धाःम्मिल्ले़ खे़ङ्हाॽ मे़सःत्लो— कुजा, कुबोक् चे़ल्ले़क्सेॽ थि, चैतुन निःङ्गेॽ, मे़ल्लुक् नु पित्हाॽ मे़घोसुसिरो खे़ल्ले़चोगुल्ले़ खे़ङ्हाॽरे़ खुन्छिॽ निङ्वाॽ पदादारो॥ खे़ङ्हाॽ नुरिक्काङ् योरुर च्वाःत्तिल्ले़ वागे़रक्पा इक्ताप् हे़क्तङ्बा मे़बोङ्लो हे़क्क्याङ् खे़ङ्हाॽ आप्फाल्ले़आङ् कुहोःप्मा कुसाक्मो मे़न्धाने़न्लो॥
हिजकियाःल्ले़ कुइङ्जाङ् कुइसिक् हाङ्ङिन् नु खुने़ॽ कुसुहाङ्युक्पाहाॽलाम् अक्तङ्बा उवा-सक्किन् मे़देॽरुआङ् इङ्साबाहाॽ इस्राइल के़रे़क् नु यहुदा के़रे़क् मे़बेरो— “इस्राइलबा मनासे, अब्राहाम, इसहाक नु इस्राइलबा यहवे दाङ्बा निङ्वाॽफुमाङ् ले़प्माङ् खिनिॽ नुःक्खे़म्मे़ॽ, हे़क्क्याङ् अस्सुरबा हाङ्हाॽरे़ खुन्छिॽ हुक्कोलाम् के़घे़त्छिङ्बाहाॽ ले़प्माङ् खुने़ॽआङ् नुःङ्लरो॥
कुॽइगे़भे़म्बे़ल्ले़ आबाङे कुलाम्मिन् नाःप्मा नाॽरुररो हे़क्क्याङ् लायो के़जोःक्पाल्ले़ कुनिङ्वाॽओ इःत्तुबा पाःन्निन् ले़रुदेसुररो॥ खे़ब्याङ् यहवे दाङ्बा ले़प्साङ् नुःङ्लरो, हे़क्क्याङ् खुने़ॽ खे़न् लुङ्माॽ तुक्तुरो॥ आनिॽ निङ्वाॽफुमाङ् पिसाङ् खे़न् हिसिङ्लरो, हे़क्क्याङ् खुने़ॽ खे़न् साम्बान् मे़न्हुङ्ङे ले़प्मि पिरुरो॥
“खिनिॽ पाधे़बाहाॽ हे़क्तङ्बा खिनिॽ मे़बोःक्खे़म्मिन्ने़ॽ, तगिबा माङ्निङ्वाॽपान् के़बाःप्पाहाॽरे़ खे़ङ्हाॽ अक्खे मे़मे़त्तुसिआङ् वये़—मुक्साम्दाङ्बा यहवे दाङ्बे़ल्ले़ अक्खे पाःत्तुॽ—‘आल्ल खिनिॽ ताप्फे़ःम्बा सुत्ना नु कुॽइभे़म्मा ये़प्ले़क् लाम्बा नुःक्खे़म्मे़ॽ॥’ कर खे़ङ्हाॽरे़ मे़ङ्घे़प्सुन् हे़क्क्याङ् आङ्गाॽ ले़प्माङ् निङ्वाॽए मे़म्बिरुन्,” यहवे दाङ्बे़ल्ले़ उवा चोगुॽ॥
Piblisite